¹ Lau ondro Pentakosta awi , reo awis sasama na'an ba wadah se sama. ² Ali ,awi-awi krongoi tanjak langit, nain sara siwuian riwut sedaras, ali nain sioponu seisi lowu wadah reo lau tungoh. ³ Ali, otau ampe reo lela-lela sara tarau apui sembuling ali tongop ba ombo reo masingk-masingk. ⁴ Moko, reo awis wa ponu ali Roh Kudus ali mulai sundro suakng bemasam basa, sara se wa umi Roh Kudus agin reo ontuh. ⁵ Ba wayah sio, na'an ulunt-ulunt Yahudi se duloi ba Yerusalem, ulunt-ulunt saleh tanjak tiap-tiap bangsa ba iwe langit. ⁶ Ali , Lau nain sio warongoi, kumpulan ulunt deo awi sasama-sama ali bingun koe ulunt desukng ngrongoi reo sio sundro reo sio suakng basa reo saurang. ⁷ Reo takjub alie mehinga, sambil montuh, " Dohokah reo awis se desungk sundro siolah ulunt-ulunt Galilea? ⁸ Ali, semaone kira-kira masing-masing ta'amp krongoi reo ali basa wadah ta'amp waekuh? ⁹ Ulunt-ulunt Partia, ali Media, ali Elam, ali penduduk Mesopotamia, Yudea,ali Kapadokia,Pontus,ali Asia, ¹⁰ Frigia, ali Pamfilia,Mesir ali daerah-daerah Libia riyet Kirene, ali pengawi-pengawi tanjak Roma , maeh ulunt-ulunt Yahudi maupun buhan proselit, ¹¹ Ulunt-ulunt Kreta ali Arab. ta'amp krongoi reo ba pander ali basa ta'amp tentang perbuatan-perbuatan olay Allah.' ¹² Ali, reo awis takjub ali bingun sambil montuh erai sama laint , " nyone anti awis sina?" ¹³ Anta leka, ulunt laint ngikisi ali montuh," Reo sio mabuk anggur wau."Petrus Bapander ampe Deo Ulunt ¹⁴ Namun ,Petrus sekondrokng sasama sebelas rasul, ngengkat nainne ali montuh ampe reo," Hai ulunt-ulunt Yahudi ali awis se duloy ba Yerusalem, agin waketahu koeko ali perhatikan pengontuhku. ¹⁵ Ena, ulunt-ulunt sina doho mabuk, sara se iko kira koe ondro wau jam ke tolu. ¹⁶ Leka sinalah se waontuh nyendalo Mabi Yoel: ¹⁷ Ali, ba ondro-omdro penggawis anta tejari, Allah befirman: bahwa aku anta mekange Roh -Ku ampe mundan gawis meresia. Ali , anak-anakko upo ali anak wawe anta benubuat ali anak-anak bujangko anta minda pengotau,ali ulunt-ulunt tuo ba rokangkko anta nglupi opi-opi. ¹⁸ Bahkan, ampe ombo hamba-hamba-Ku wawe ba ondro-ondro sio, Aku anta mekange Roh-Ku, ali reo anta benubuat. ¹⁹ Ali, Aku anta mepekinda mukjizat-mukjizat ba langit ba ombo, ali tanda-tanda ajaib ba bumi , ba iwe raya , ali apui , ali jawunt atuk. ²⁰ Matoondro anta wa ubah jari siropm ali ulatn njari raya, sebalump ondro Tuhan se olay ali mulia awi. ²¹ Ali anta tejari, awis ulunt se ngitai ngarant Tuhan anta waselamtkan." ²² "Hai ulunt Israel, rongoi pengontuh sina. Yesus Ulunt Nasaret, se eraikulunt se wa jelaskan ba rokakng iko koe Allah ali mukjizat-mukjizat, ali tanda-tanda, se ukah Allah tundrukan ba rokakngko nyendalo Ise, sara se iko saurang ketau. ²³ Yesus sina, se wa serahkan agin rencana se ukah wa tentukan ali pengetahu Allah sebalumne,iko bunu ali menyalipkan-Nenyendalo kayakng ulunt-ulunt durhaka. ²⁴ Anta leka, Allah membangkitkan-Ne ante penderitaan maut koe doho mungkin bagi-Ne wakuasai koe kematean. ²⁵ Ena, Daud suah montuh tentang Yesus, 'Aku kotau Tuhan selalu na'ant ba mukaku, koe Ise na'ant ba rika kananku sehingga aku doho anta wa goyahkan. ²⁶ Koe leka sio, ateku kaaraian, ali lelaku bersorak-sorak. Kompuku lou anta duloy suakng Pengharapan ²⁷ Koe Iko doho anta ngikeh sengoku senaan ba denia ulunt mate, ali maladar kompu Ulunt kudus-Ko kotau kebinasaan. ²⁸ Iko ukah ngimitahu ampeku lalant pengewolopm. Iko anta ngulah ponu sukacits ali nau-Ko,' ²⁹ Eraiuntukng-eraiuntukng, aku kate sundro ampeko ali yakin tentang uma leluhur ta'amp, bahwa ise ukah mate ali walowokng, ali sasama ali ta'amp ampe ondro itu. ³⁰ Jari, koe ise siolah eraikulunt nabi ali ngetahu bahwa Allah ukah bejanji ali sumpah ampeise agin metungoh erai ante keturunan Daud ba ombo tahtane. ³¹ Koe sio Daud se kotau hal sio sebalumne, ise montuh tentang kebangkitan Kristus 'Ise doho anta wa ikehba denia ulunt mate, ali ompu-Ne doho kotau kebinasaan.' ³² Yesus sinalah se Allah bangkitkan ali kaint awi siolah saksi tentang hal sio. ³³ Sio koe sio ukah wa ebot koe kayangk kanan Allah ali nerima janji ante Uma tentang Roh Kudus, Ise ukah mencurahkan, maeh one se iko pinda maupun rongoi. ³⁴ Ena, Daud doho monket ampe surga, leka ise saurang montuh, " Tuhan montuh ampe Tuanku, 'Tongohlah ba rika kanan-Ku, ³⁵ Ampe aku ngulah musuh-musuhKo njari tumpuan po'o-Ko." ³⁶ 'Sio koe iyo, koeka awis lowu Isrel tau ali pasti bahwa Allah ukah menjarikan-Ne Tuhan ali Kristus, Inalah Yesus se ukah iko salibkan.' ³⁷ Lau reo krongoi hal sina, watunjiklah ate reo, lalu montuh ampe Petrusali buhan rasul lainne, "Eraiuntukng- eraiuntukng, nyone se harus kaint lakukan?" ³⁸ Gane,Petrus montuh ampe reo , Betobatlah ali baptislah ompuko masikng-masikng suang ngarant Kristus Yesus agin pengampunan dosa-dosako, ali iko anta nerima karunia Roh Kudus. ³⁹ Ena ,janji sina siolah aginko , ali anak-anakko, ali agin awis ulunt se kiya oro ,sedeo se Tuhan Allah ta'amp anta ngitaine." ⁴⁰ Ali, deo pengontuh lain, Petrus besaksi ali bujur-bujur ali nyuyu ampe reo, ontuhne, "Selamatkanlah kompuko ante generasi se bengkok sina!" ⁴¹ Ulunt-ulunt se nrima pengontuh Petrus wa baptis ali ampe ondro sio jumlah reo wa tambah sekitar tolu tibu ompu. Persekutuan Ulunt-ulunt Pesaya ⁴² Reo betekun suang pengajaran rasul-rasul ali suang persekutuan, suang memehakan wadai, ali suang bedoa. ⁴³ Ali ketakutan awi ba munda awis ompu, ali deo hal ajaib baya tanda-tanda se jari nyendalo buhan rasul. ⁴⁴ Gawis se pesaya bekumpul sasama ali pu'unt segala sesuatune sasama. ⁴⁵ Gane, reo njual harta banda ali pu'untne, kemudian nbagi-nbagine ampe awis ulunt, sesuai keperluanne masikng-masikng. ⁴⁶ Tiap ondro, ali jarierai ate reo bekumpul sasamaba Bait Allah ali memeha-mehakan wadai tanjak lowu ampe lowu. Reo nrima pengokan reo ali sanang ali tulus ate, ⁴⁷ Sambil memuji Allah, ali reo wa katuju koe ulutn deo.Ali ,tiap ondro Tuhan batambah jumlah reo, sesio ulutn-ulutn se waselamatkan.