¹ Pertama-tama, aku menasehatkan iko agin mekongket penindu, doa, doa syafaat, ali ontuhan syukur agin gawis ulunt, ² agin raja-raja, ali awis ulunt se tungoh ba pemeritahan supaya reo halu mekalant wolump se tenang ali damai suangk bemasam kesalehan ali kehormatan. ³ hal situ maeh ali berkenan ba hadapan Allah Ta ala, juru selamat taamp, ⁴ se ngenakant gawis ulunt ampe tanjak pengetau ali kebenaran. ⁵ koe,ekat erai Allah Ta ala ali erai perantara rokangk Allah Ta ala ali mursia, se sio mursia Yesus Kristus, ⁶ se ukah ngumi ompu-ne saurang agin nowus gawis ulunt ratuh, kesaksian situ wa petendre ampe waktu se wa tetapkant-ne. ⁷ agin siolah, aku wa tetapkan jari pengkhotbah ali rasul-rasul ,a aku montuh tuu, aku doho buak -- ali jari guru suangk iman ali kebenaran agin bangsa-bangsa laitn. sifat upo ali wawe suangk ibadah jemaat ⁸ sarayo, lou aku kakant setiap upo ba one naatn sambil berdoa ngengkat kayangk ne se berasih doho naan mara ali pemabur. ⁹ sarayo lou, aku kakant setiap wawe be pakaian pantas, ponu kesopanan ali pengendalian diri. perhiasan mambu ne walo se wa kuncir atawa wa pindir, emas, mutiara, atawa pakaian larangk, ¹⁰ se tu,u ne lelakont-lelakont maeh se saraone patut ne ulutn wawe kenaatn wolupm ali kesalehan. ¹¹ ulunt wawe harus belajar suangk ketenangan ali suangk bemasam ketaatan. ¹² leka ne, aku doho megizin akan wawe mengajar ali merentah upo. jari wawe harus tetap suni. ¹³ koe Adam wa penjari ponoh, jape iyo Hawa ¹⁴ ali doho Adam se wa tipu, melainkan wawe se wa tipu se latu suangk pelanggarant. ¹⁵ leka wawe sika wa selamatkan nyendalo kelahiran Anak, ena reo terus wolump suangk iman, penuasi, ali kekudusan ali pengendalian diri.