¹ Pakingat gi here mat manurut terhadap pemerintah nihi penguasa taat, nihi basadia berbuat sa ma eh. ² Bakoi memfinah hie pun, bakoi palakat, ramah, nihi bujur-bujur bakalakuan ba sikap maleme ta hadap kaluhan ulun. ³ Ulah, takam sadi gin koi marati, koi taat, tawang, na budak ulah ba macam-macam nafsu nihi ke senangan, welum huang ke jahatan nihi bahiri atei, nabenci bu bakarikang. ⁴ Tapi waktu, ka murah atei nihi kasih Allah Talla, sa nyalamat takam na hampe, e, ⁵ Aye nyalamat takam, bakoi ulah perbuatan takam ma'eh nihi bujur sa na ulah takam, melainkan ulah ka kasihe Aye nangkah wuian kelahiran waleng nihi na sama wa'o ulah Roh Barasih, ⁶ Aye sa mencurahkan gi takam nihi kepenu'e nangkah Kristus Yesus, Sa Penyalamat takam. ⁷ Jari hayak haot na santu'u ulah anugerah- E, maka takam jari ahli waris sesuai nihi harapan gi welum mat gi kalalawah. ⁸ Lengan ina bujur-bujur. Mengenai hal ina aku hamen hanyu bujur-bujur yakin mat here sa haot percaya nihi Allah Talla tau rajin nihi kaiyuh ba kalakuan maeh. Hal-hal ina maeh nihi barguna mat gi ulun rama. ⁹ Tapi, na singkir so'al jawab, sisilah-sisilah, palakat sa koi maeh tentang hukum Taurat ulah hal hio koi baguna nihi sia-sia. ¹⁰ Mat gi ulun sa ngulah perpecahan, na pakingat aye hindra atau hanruweh kali, udi hiyo ada pahengau aye. ¹¹ Ulah hanyu karasa ulun masam hio haot na santawang nihi penuh dosa, aye tau ngulah panawi hukuman gi diri e kaerai. Petunjuk Pangalis nihi Tabe ¹² Hayak aku ngutus Artemas atawa Tikhikus nadap hanyu, bausaha imat hawi nadap aku ta Nikopolis ulah aku haot memutuskan mat muneng ta anoi selawah musin marisak uni. ¹³ Nihi sa kuat tanaga nu awat Zenas, sa ahli hukum hio, nihi Apolos sa umba hurang pakia'an mat here bakoi ba ka kurangan suatu inun pun. ¹⁴ Harus ulun takam belajar giat hurang ngulah gawian sa maeh mat here kaiyut memenuhi keperluan welum tiap anrau nihi bakoi welum nihi bakoi ba wua. ¹⁵ Kaluhan ulun sa naan nihi aku nampe tabe gi hanyu. Nahampe tabe ku gi here sa mengasihi kami ta huang iman. Anugerah nampahayak kaon kaluhane.