¹ Hampelah here ta sabarang danau, ta daerah ulun-ulun Gadara. ² Katika Yesus minau neke jukung, nihi segera erang kaulun neke ogang sa na rasuki roh najis manalu Yesus. ³ Aye muneng ta huang ogang-ogang. Bakoi naan ulun sa sanggup nuruk e lagi, bahkan nihi rantai. ⁴ Ulah, aye haot pute na huruk nihi belenggu pee dan rantai, tetapi aye nyamitus rantai e dan nyantepu belenggu e. koi naan erang kaulun sa sukup kuat man manunduk e. ⁵ Setiap kaandrau dan kamalem, aye kamiak ta ogang dan ta wungkur-wungkur dan nyamatan arep e laerai pakai watu. ⁶ Katika ulun hio nena Yesus neke lawit, aye malempat dan ba sujud ta hadapan Yesus. ⁷ Balu, sambil kamiak nihi suara mehet aye ngantuh, "Inon urusan di aku nihi Hanyu, Yesus, Anak Allah sa Maha entu? Aku lako ga Hanyu demi Allah, ada manyiksa aku!" ⁸ Ulah Yesus haot ngantuh ga aye, balua neke ulun ina, u roh najis!" ⁹ Balu, Yesus nyantane ga ulun hio, "Hie aran nu?" ¹⁰ Aye bakali-kali lako ga Yesus mat koi mangusir here neke daerah hio. ¹¹ Ta aro naan pulau ajoh iwek ganyah kuman ta riet wungkur. ¹² Balu, roh-roh jahat hio lako ga Yesus, nihi ngantuh, "Hunyu bo kami ga iwek-iwek hio hingga kami masuk ga huang e." ¹³ Yesus mangabulkan e. ulah hio, roh-roh najis hio tulak dan masuk ga iwek-iwek. Pulau sa bajumlah kira-kira rueh ribu hio malempat ga iring jurang hampe ga danau, bu leteng ta huang danau. ¹⁴ Udi hio, penjaga-penjaga iwek hio malempat dan mawara ga kota dan ga tumpuk. Dan, ulun-ulun balua mat nena inon sa haot terjadi. ¹⁵ Balu, ulun-ulun hio hawi ga Yesus dan nena aye sa huni kerasukan roh jahat, sa naan legion, ganyah maharung, dan haot ba pama, dan aye hot waleng waras. Dan, here pun jari takut. ¹⁶ Balu, here sa menyaksikan kejadian hio, mangisah ga ulun-ulun kala awe hal hio terjadi ga ulun sa kerasukan roh jahat dan tentang iwek-iwek hio. ¹⁷ Ulah hio, ulun-ulun mulai lako Yesus mat nanan daerah here. ¹⁸ Udi hio, pada waktu Yesus ganyah mamai ga jukung, ulun sa huni ni kerasukan roh jahat hio lako mat aye tau uma pahengau nihi Yesus. ¹⁹ Namun, Yesus koi mengizinkan e, melainkan ngantuh ga aye, "Mudi bo ga pulaksanai nu. Kisah bo ga here kaluhan hal sa haot Tuhan lakukan ga hanyu dan bahwa Tuhan berbelas kasihan ga hanyu." ²⁰ Balu, ulun hio tulak dan mulai memberitakan ga ulun-ulun ta Dekapolis tentang kaluhan hal sa haot Yesus lakukan ga aye. Dan, kaluhan ulun jari heran. Anak Yairus Nabangkitkan dan Wawei sa Pendarahan Natangkaoh ²¹ Katika Yesus nyabarang lagi nihi jukung ga sabarang, ulun ajoh bakumpul ta riet-E, dan Aye muneng ta iring danau. ²² Balu, erang kaulun pemimpin sinagoge sa ba aran Yairus hawi dan sa haot nena Yesus, aye basujud ta pee-E. ²³ Dan, aye bamohon tu'u ga Yesus, antuh e, "Anak wawei ku sa masih halus kakan matei. Hawi dan a'nak tangan-Nu hamau e mat aye iuh natangkaoh dan welum." ²⁴ Balu Yesus tulak pahengau Yairus. Naan kalahio ajoh ulun sa uma Yesus dan mengerumuni-E. ²⁵ Dan, naan erang kaulun wawei sa pendarahan salawah dua belas taun. ²⁶ Aye haot bakali-kali menderita ulah ajoh tabib, dan haot nampalua kaluhan sa namiliki e, tetapi koi naan guna e dan keadaan e tamah buruk. ²⁷ Sahaot ngarengei tentang Yesus, wawei hio dapot Yesus neke wading lutuk ta penah-penah kerumunan ulun dan negei jubah-E. ²⁸ Wawei hio ngantuh, "Amun aku iuh negei jubah-E bo, aku akan kaoh." ²⁹ Seketika hio lei pendarahan e tadoh dan aye ngingkam bahwa tenga e haot kaoh neke penyakit e. ³⁰ Yesus langsung karasa neke arep-E laerai bahwa naan kuasa sa haot balua neke-E. Aye bawadik ta penah kerumunan hio dan ngantuh: "Hie sa negei jubah-Ku?" ³¹ Balu murid-murid Yesus ngantuh ga Aye, "Hanyu nena kerumunan ulun medesak-desak-Nu dan Hanyu ngantuh, 'Hie sa negei-Ku?" ³² Balu, Yesus nena sekeliling mat nena hie sa haot ngulah e. ³³ Namun, sahaot karasa inon sa haot terjadi pada arep e, wawei hio jari takut tu'u dan neter. Aye hawi dan basujud ta hadapan Yesus baya mawara Yesus kaluhan katu'u e. ³⁴ Udi hio, Yesus ngantuh ga wawei hio, "Anak-Ku, iman nu haot menyelamatkan nu. Tulak bo huang damai sejahtera dan kaohlah neke penyakit nu." ³⁵ Sementara Yesus masih bapaner, hawilah papire ulun neke lewu pemimpin sinagoge sa ngantuh, "Anak nu haot matei. Uah inon masih mengganggu Guru?" ³⁶ Akan tetapi, Yesus koi kakan ngarengei inon sa haot na antuh, aye ngantuh ga pemimpin sinagoge hio, "Ada takut parasaya bo." ³⁷ Balu, Yesus koi mengizinkan erang kaulun pun uma Aye, kecuali Petrus dan Yakobus, dan Yohanes, pulaksanai Yakobus. ³⁸ Balu, here hampe ta lewu kepala sinagoge hio, dan Aye nena karibut, dan ulun-ulun menangis lei maratap nihi suara mehet. ³⁹ Udi hio, katika Yesus masuk, Aye ngantuh ga here, "Uah inon hanyu ribut dan menangis? Anak hio koi matei, tetapi ganyah tapa'andre." ⁴⁰ Tetapi here kamihi Yesus. Namun, Aye nunyu here kaluhan balua dan Aye nuna amah dan ine nikia hio, baya ulun-ulun sa pahengau Aye, balu masuk ga ruangan uneng nakia hio muneng. ⁴¹ Udi hio, nategei-E tangan nakia hio dan ngantuh ga aye, (Arti e, "Wawei halus, Aku ngantuh ga hanyu buanlah!") ⁴² Anak wawei hio segera mindri dan mulai takia-kia, ulah aye baumur dua belas taun, dan segera kaluhan ulun nginam takjub tu'u. ⁴³ Balu, Yesus ngami perintah sa mehet ga ulun matueh nakia hio, mat ada naan erang kaulun pun sa karasa hal ina, dan ngantuh ga here mat anak hio na ami kuman.