Kitab silsilah Yesus Kristus, anak Daut, anak Abraham. ² Abraham ayelah anak Ishak, Ishak ayelah amah Yakub. Yakub ayelah amah Yehuda dan pulak sanai e. ³ Yehuda ayelah amah Peres dan Zerah, ine here ayelah Tamar. Peres ayelah amah Hezron. Hezron ayelah amah Ram. ⁴ Ram ayelah amah Aminadab. Aminadab ayelah amah Nahason. Nahason ayelah amah Salmon. ⁵ Salmon ayelah amah Boas, ine e ayelah Rahab. Boas ayelah amah Obed, ine e ayelah Rut. Obed ayelah amah Isai. ⁶ Isai ayelah amah neke Raja Daud. Daut ayelah amah Salomo, ine e ayelah bakas harau Uria. ⁷ Salomo ayelah amah Rehabeam. Rehabeam ayelah amah Abia. Abia ayelah amah Asa. ⁸ Asa ayelah amah Yosafat. Yosafat ayelah amah Yoram. Yoram ayelah amah Uzia. ⁹ Uzia ayelah amah Yotam. Yotam ayelah amah Ahas. Ahas ayelah amah Hizkia. ¹⁰ Hizkia ayelah amah Manasye. Manasye ayelah amah Amon. Amon ayelah amah Yosia. ¹¹ Yosia ayelah amah Yekhonya dan pulak sanai e, katika pangumpean ga Babel. ¹² Sa haot pangumpean ga Babel, Yekhonya ayelah amah Sealtiel. Sealtiel ayelah amah Zerubabel. ¹³ Zerubabel ayelah amah Abihud. Abihud ayelah amah Eiyakim. Elyakim ayelah amah Azor. ¹⁴ Azor ayelah amah Zadok. Zadok ayelah amah Akhim. Akhim ayelah amah Eliud. ¹⁵ Eliud ayelah amah Eleazar. Eleazar ayelah amah Matan. Matan ayelah amah Yakub. ¹⁶ Yakub ayelah amah Yusuf, wane Maria. Neke Maria na lahirkan Yesus, sa na antuh Kristus. ¹⁷ Jari, kaluhan generasi neke Abraham hampe Daut nan ampat blas generasi, dan neke Daut hampe pengumpean ga Babel nan ampat blas generasi, dan neke pengumpean ga Babel hampe Kristus nan ampat blas generasi. kelahiran Yesus Kristus. ¹⁸ Wayah ina, Kelahiran Kristus Yesus ayelah kala ina. Katika Maria, ine-E haot ba tunangan nihi Yusuf, sa mete here welum sasameh, aye ternyata sawuntung neke Roh Kudus. ¹⁹ Namun, ulah Yusuf, wane e, ayelah ulun sa bujur dan bakoi kakan nampamangan Maria ta muka umum, Yusuf ba maksud kakan nampa bebas Maria secara benyem - benyem. ²⁰ Akan tatapi, katika Yusuf ganyah mempertimbangkan hal iti, ini'lah, Malaikat Tuhan napai'ni ga aye huang upi dan ngantuh, " Yusuf, anak Daut, ada takut mat ngalap Maria mat harau nu ulah Anak sa na kanung e ayelah neke Roh Kudus. ²¹ aye akan malahirkan erang ka ulun Anak laki dan hanyu akan ngantuh aran-E Yesus ulah Aye akan manyalamatkan umat-E neke dosa-dosa here." ²² Kaluhan hal iti terjadi mat menggenapi sa na firman kan oleh Tuhan nangkah nabi-E, ²³ Ini'lah, erang ka ulun perawan akan mangandung dan akan nganak erang ka ulun anak laki. Here akan ngantuh aran-E Imanuel," sa na terjemahkan arti e " Allah baya takam". ²⁴ Katika Yusuf mele neke andre e, aye ngulah sameh sa malaikat Tuhan hunyu ga aye, dan aye ngalap harau e, Maria, ²⁵ tatapi bakoi basetubuh nihi Maria hampe aye nganak Anak laki-laki e. Dan, Yusuf ngantuh aran-E, Yesus.