SALAM TEKE PAULUS ¹ Teke Paulus, sa jari rasul bakoi ulah marasia atawa mitah marasia, melainkan mitah Kristus Yesus dan Allah amah sa namuan Aye teke helang ulun matei. ² Juga, teke kaluhan pulaksanai seiman sa sameh-sameh di aku, ga jemaat-jemaat ta Galatia. ³ Anugerah dan damai sejahtera ga hanyu teke Allah Amah takam dan Tuhan Yesus Kristus, ⁴ sa haot ngami diri e ga dosa-dosa takam mat menyelamatkan takam teke jaman sa jahat awuk iti sesuai di kahandak Allah dan Amah takam. ⁵ Ga Aye lei kemuliaan mat kalalawah e. Amin. ⁶ Aku heran, kalahio hinang e hanyu nanan Aye, sa nerau hanyu mitah anugerah Kristus dan waleng ga injil sa lain. ⁷ Padahal, koi naan injil salain. Namun, naan papire kaulun sa haot mengancau hanyu dan kakan memutarbalikkan injil Kristus. ⁸ Bahkan, amun kami atawa erang ka ulum malaikat neke sorga nyarita ga hanyu injil sa bertentangan di inon sa haot kami nyarita ga hanyu, na kutuk aye!. ⁹ Sameh sa haot kami ngantuh samete e dan awuk iti aku ngantuh lagi, jaka naan ulun sanyarita ga hanyu injil sa batantangan di inon sa haot hanyu narime, biar bo aye takutuk. ¹⁰ Inon ka ganyah iti aku ganyah ngalupui kasapakatan marasia atawa kasapakatan Allah Talla? atawa, inon kah aku masih mansoba nampa sanang marasia? sekira e aku masih mansoba nampa sanang marasia, aku bakoilah walah Kristus. ¹¹ Pulaksanai-pulaksanai, aku kakan hanyu karasa bahwa injil sa haot aku basarita bakoilah injil ulahan marasia. ¹² Aku koi narime e teke marasia, atawa aku mampalajari e teke marasia, tapi aku narima e mitah penyataan teke Kristus Yesus. ¹³ Ulah, hanyu haot ngarengei tentang cara welum ku sa lawah-lawah neke agama Yahudi, aku nyasia jemaat Allah Talla di kejam dan bausaha mat nanrusak e. ¹⁴ Aku sangat maju huang hal agama Yahudi, lawit labih maju nabandingkan di ulun-ulun saumur ta helang bangsa ku. Aku tu'u rajin huang mamalihara adat istiadat itak moyang ku. ¹⁵ Namun, katika Allah Talla, sa haot memisahkan aku sejak huang wuntung ine ku dan haot nerau aku mitah anugerah E, berkenan, ¹⁶ manyatakan Anak-anak E ta huang aku mat aku dapat iyuh nyarita Aye ta helang ulun-ulun bakoi Yahudi, aku koi hinang lako nasehat ga erang kaulun pun. ¹⁷ Aku lei koi tulak ga kota, Yerusalem mat panalu di here sa haot jari rasul samete aku, melainkan aku hinang tulak ga wilayah Arab dan waleng lagi ga kota Damaskus. ¹⁸ Telu tahun udi hio, aku tulak ga kota Yerusalem mat bakataru di Kefas dan muneng baya aye selama lima belas anrau. ¹⁹ Akan tatapi, aku koi kaini isapun teke rasul-rasul lain, kecuali Yakobus, pulaksanai Tuhan. ²⁰ Aku meyakinkan hanyu ta hadapan Allah Talla bahwa inon sa aku tulis ga hanyu ina bakoi oso. ²¹ Udi hio, aku tulak ga wilayah Siria dan Kilikia. ²² Aku mete kataru secara rite di hanyu ulah jemaat-jemaat huang Kristus sa naan ta wilayah Yudea. ²³ Here ekat gaha nyanrengei, " Aye, sa dahulu nyasia takam, awuk nyarita iman sa dahulu aye suah nyoba nanrusak e ", ²⁴ Here memuliakan Allah Talla ulah aku