¹ Neke Paulus, sa jari Rasul Yesus Kristus, ulah kahandak Allah Talla, dan neke Timotius pulaksanai seiman takam. ² Ga ulun sa Kudus dan pulaksanai seiman sa setia nihi Kristus ta Kolose. Anugerah ga hanyu dan damai sejahtera huang Allah Amah takam. Doa dan Ucapan Syukur Paulus. ³ Katika kami badoa ga hanyu, kami tarus ngeau syukur ga Allah Amah Tuhan takam Kristus Yesus. ⁴ Awi kami ngarengei iman nu huang Yesus Kristus dan Kasih ampun hanyu ga kaluhan ulun sa kudus. ⁵ Iman dan Kasih hio hawi ulah pengharapan sa na sadia ga hanyu ta teke sorga, sa na rengei nu huang kebujuran Firman , aye hio Injil. ⁶ Injil hio haot hampe ga hanyu bahkan ga kaluhan ulun ta dunia ina dan Injil hio haot munge muna dan jaji jari, sameh ni sa jadi ta antara kaon neke anrau hanyu ngarengei dan memahami anugerah Allah Talla ta huang kabujur. ⁷ Hanyu haot belajar neke Epafras, hengau sepelayanan kami sa terkasih, sa haot jari pakatip Kristus sa setia ga hanyu. ⁸ Ayelah sa haot ma wara ga kami tentang kasih nu huang Roh. ⁹ Maka udi hio, neke anrau kami ngarengei e, kami bakoi puji ulep badoa ga hanyu dan lako mat Tuhan nyampenu hanyu nihi pengetahuan ini pangaken e huang hadi hikmat dan pengertian rohani. ¹⁰ Maka nihi hio, hanyu tau welum nihi cara sa maeh ta hadapan Tuhan, nyansanang Aye ta huang inon pun, bausaha ta setiap gawian sa maeh, tumbu huang pengetahuan akan Allah. ¹¹ Mudahan hanyu na kuatkan nihi kaluhan kakuatan nihi kemuliaan kuasa E mat hanyu kahaba kaluhan katekunan dan ka sabaran ta sukacita. ¹² Ba syukurlah ga Amah sa haot ngulah hanyu penuh ni syarat mat narima bagian neke warisan ulun sa kudus huang tarawa. ¹³ Aye haot nga lapaskan takam neke kuasa sa mieng dan mapindah takam ga kerajaan Anak E sa takasih. ¹⁴ Huang Aye, takam na kewuh, aye hio pengampunan neke dosa-dosa takam. ¹⁵ Aye gambaran neke Allah sa bakoi indi, sa paling matu'eh neke kaluhan ciptaan. ¹⁶ Awi, ulah Aye, kaluhan inon pun sa naan tasorga dan ta bumi na ciptakan, sa indi dan sa bakoi indi, tahta, kekuasaan, pemerintah, maupun penguasa. kaluhan inon pun sa haot na cipta nangkah dan ga Aye. ¹⁷ Aye haot naan samete naan kaluhan inon pun, nihi kaluhan inon pun na topang sameh-sameh nihi Aye. ¹⁸ Aye adalah ulu neke tenga, Aye hio jemaat . Aye gin sa awal, sa matueh neke kaluhan ulun matei supaya Aye jari sa utama neke kaluhan inon pun. ¹⁹ Awi, Allah berkenaan mat nangalis kepenuhan E muneng ta huang Aye. ²⁰ Nangkah Aye, kaluhan inon pun na damai nihi Aye, maeh sa ta bumi atawa ta sorga, aye hio perdamaian nangkah ira E sa na tunrak di kayu salib. ²¹ Hanyu dahulu e ta asing, mamusuhi Allah Talla ta pikiran nu, dan ngulah gawi-gawian raat, ²² wayah iti hanyu haot na damai nihi tenga jasmani Kristus nangkai kapateian-E mat mempersembahkan hanyu jari persembahan sa kudus, bakoi cacat, dan bakoi bacela ta hadapan Allah Talla. ²³ Jari, tataplah hanyu muneng huang iman, Kokoh dan teguh, bakoi iuh na goyahkan neke pengharapan injil sa haot na rengei nu, sa haot na beritakan ga kaluhan ciptaan ta kapit langit, sa ulah ni aku, Paulus, jari pelayan. ²⁴ Wayah ina, aku basukacita tahuang penderitaanku gi hanyu ulah huang lunek ku aku manyukup inon sa kurang ta huang penderitaan Kristus, mat gu tenga E aye hio Jemaat. ²⁵ Aku jari pakatik jemaat sesuai nihi tugas penatalayanan neke Allah sa na sarah gi aku mat ga hanyu, supaya aku iuh memberitakan Firman Allah nihi sepenuh ²⁶ Iti rahasia sa masiok neke jaman gi jaman nihi neke genarasi gi generasi, tetapi wayah ina haot na nyatakan gi ulun-ulun kudus E. ²⁷ Allah kakan manyatakan gi here betapa tatau e rahasia sa mulia ina ta nelang bangsa-bangsa sa lain, bahwa Kristus naan ta huang hanyu, Aye yo pengharapan neke kemuliaan. ²⁸ Kami mambaritakan tentang Aye nihi nagur nihi ngajar setiap ulun nihi kaluhan hikmat sehingga kami tau nunda setiap ulun jari huang Kristus. ²⁹ Ulah hio lah, aku gin basusah payah, bajuang sesuai nihi kaluhan kuasa E sa bagawi bahimat ta huang aku.