BALAJAR NEKE KESALAHAN ISRAEL ¹ Ulah, aku bakoi hakun hanyu koi ngarasa e, Pulaksanai-pulaksanai, bahwa datu moyang takam, kaluhan naan ta kapit awan dan kaluhan nangka laut. ² Here kaluhan na baptis ulah Musa, ta huang awan dan ta huang laut. ³ Here kaluhan kuman panguta rohani sa sameh. ⁴ dan kaluhan ngoot ranu rohanibsa sameh. Ulah, here ngo'ot neke Watu rohani ga sa umba pahengau here, dan Watu hio ayelah Kristus. ⁵ Biarpun masam hio, Allah Talla koi basadia nihu mehe tenga here sa ajoh teke here. Gana here na tampatei ta pulau hakut. ⁶ Wayah ina, hal-hal iti jari contoh mat gi takam jari ulun sa bakahandak masam awe here ngakan e. ⁷ Ada jari penyembah berhala sameh papire teke here, sameh sa tertulis, "Bangsa hio maharung mat kuman dan ngoot, balalu minri nat bermain". ⁸ Ada takam ngulah perzinahan sameh kan papire kaulun neke here sehingga 23 ribu ulun matei huang erang anrau. ⁹ Takam lei koi iyuh mencobai Tuhan, sameh papire teke here lei mencoba dan na binasakan ulah nipe-nipe. ¹⁰ Ada lei hanyu ba sungut-sungut sameh here lei ba sungut-sungut dan binasa ulah malaikat maut. ¹¹ Hal-hal ina terjadi ta hambau here mat contoh dan na tulis pakai peringatan mat gi takam, sa gi hie akhir zaman haot hawi. ¹² Gana hio, elah bo ulun sa menyangka amun diri e teguh minri sagar diri e koi lawu! ¹³ Koi naan pencobaan nipan hanyu kecuali pencobaan sa biasa gi marasia. Dan, Allah Talla aye lah setia, aye bakoi akan ngabiar hanyu na cobai melebihi neke kemampuan nu. Tapi, sameh nihi pencobaan hio, aye lei mat nyadia lalan bahwa mat hanyu kaiyuh mananggung e. ¹⁴ Gana hio, pulaksanai-pulaksanai ku sa terkasih , sangkilah diri nu teke penyembahan berhala. ¹⁵ Aku ba paner sameh nihi ulun-ulun sa bijaksana, pertimbangkan bo inon sa na antuh ku na. ¹⁶ Bakoi kah cawan berkat sa takam syukuri hio ayelah persekutuan ta huang ira Kristus? Dan, bakoi kah roti sa na pulak takam hio ayelah persekutuan ta huang Kristus? ¹⁷ Ulah naan isa roti, maka takam sa ajoh ina ayelah isa tenga; ulah takam kaluhan jari bagian isa roti hio. ¹⁸ Indi kan ulun Israel, bakoi kah here sa kuman persembahan ngalap bagian huang altar? ¹⁹ Inon kah maksud ku? inon kah panguta sa na persembahkan gi berhala ayelah sesuatu? atawa inon kah berhala ayelah sesuatu? ²⁰ Bakoi. Aku mawara gi hanyu bahwa hal-hal sa bangsa-bangsa lain na kurban, ulah here bakorban gi roh-roh jahat, bakoi gi Allah Talla. Dan, aku koi hakun hanyu isa pakat nihi roh-toh jahat. ²¹ Hanyu bakoi iyuh ngo'ot cawan Tuhan dan koi iyuh lei cawan roh-roh jahat. Hanyu koi tau jari bagian teke jamuan roh-roh jahat. ²² Atawa, inon kah takam ngele kecemburuan Tuhan? Inon kah takam lebih kuat teke Aye? ²³ "Hadi eha sesuatu na perbolehkan", tapi bakoi kaluhan ne baguna. " Hadi eha e na perbolehkan," tapi bakoi kaluhan membangun. ²⁴ Ada naan isa pun sa ngalupui kakaeh mat pakai diri raerai, melainkan kakaeh ulun lain. ²⁵ Kuta bo inon bo sa nabatang ulun ta pasar daging biar koi na periksa demi atei wua. ²⁶ Gana, bumi dan kaluhan isi e ayelah milik Tuhan. ²⁷ Jika erang ka ulun mete percaya mengundang hanyu dan hanyu besedia tulak, kuta bo inin sa na hidang ta hadapan nu. Biar koi na periksa , demi atei wua. ²⁸ Namun, jika naan ulun ngeau nihi hanyu, "Panguta ina haot na persembah nihi berhala," ada na kuta, demi ulun sa mawara gi hanyu hio dan demi atei wea. ²⁹ Maksudku, bakoi demi atei wua nu raerai, tapi atei eua ulun lain. Wah inon kebebasanku na tentukan baya atei wua ulun lain? ³⁰ Jika aku ngalap bagian ku nihi ngantuh syukur, wah inon aku na tampa hala ulah gana panguta sa ta hambau e aku ngantuh syukur? ³¹ Jari, entah hanyu kuman atawa ngo'ot, atawa inon bo sa na karaja nu, na gawi bo kaluhan hio mat gi kemuliaan Allah Talla. ³² Ada ngulah ulun pahantuk, baik ulun Yahudi, ulun Yunani mauun jemaat Allah Talla, ³³ sameh aku lei huang kaluhan hal nampasanang kaluhan ulun, tanpa nupui keuntungan ku raerai, tetapi keuntungan pakai ulun rama mat here kaiyuh na selamatkan.