¹ Yo mukuru kuya mata ku murwakazi ya mata shararuwa indi abana bakye, indati shaka nanyina - hape ka myekye, kono indiba yi zire injahamu. ² Shilibaka linjahamu yati kara kutswe indi kuba natswe ku twara kuta hayizire. ³ Shishemo, zitsuma, indi xawu ibe natswe kudzwa ku Rezya Shetu indi Jeso Keesite, Mwana Shetu, mwi njahamu indi rusuno. ⁴ Ndaradze nanyina atikya ndashangana abana benu batyenda mwi njahamu, tandi shitata chinjira murawo wuni ku Shee. ⁵ Pani ndani ringira, bakazi- kashuku tikya ndani ñwera murawo womu piya, kono kuna muxiki wutata yuvwa kudzwa kwi tandzi - tili shakye kwetu. ⁶ Ropa ndirusuno, akya tipange kwenda shu murawo akye. Yopani ndu murawo, tandi shitata yuvwa kudzwa kwi tandzi, atikya ni yendye shateni. ⁷ Bati kyitaka abenji mulyuvu, indi ku hweta atikya Jeso Keresite mataya mwi nyama. Bapa bakwita sizi indi bakeresite wimbizi. ⁸ Nili lyaya nwebahaline, akya nisiye ku zimisa izuto zitata sebereza, atikya ni chinjire zumpo shuku yira. ⁹ Kwekye yamati dzera ku wuso, indi kwaha kara muzututo za Keresite muku Urezya. Yamati kara muzu tuto, yopa ana kowo Shee indi u Mwana. ¹⁰ Kwekya ya matiya kuwe hape ama kulyeta ituto yopani, siya ku mu chinjira mwi njuwo aye hape siya ku mwiwaya. ¹¹ Kwekye yamati mwi waya mati njena muzisi zakye zezibbi. ¹² Ndina zizinji zukuni ñwera, kono amanda ku shaka kuni ñwera pwi pepa indi shuñweliso. Nanga ndipakyo, ndati tishira kuya kunwe indi kuya ku hweta nanwe tati li mwana, akya kwidze kwetu ku yiyire. ¹³ Abana baba qhene bwenu batini waya.