¹ Paulu na Timoteo, vantuama lutue va Kilistu Jesu. kuli voshe va ka kujela muli Kilistu Jesu vali kuli Filipu, hamo na vakuluntu na vandiakunu. ² Kavumbi Kulieni na tjiyulo tja Kalunga tata yetunamuene Jesu Kilistu. ³ Ndjishangala kuli Kalunga kangehosheha ndjimi vulukila. ⁴ Thimbu yoshe kuku lomba tjange muomu jeni voshe nje kulomba na ndzolela. ⁵ Kuli kuata tjeni mukushuene thako kulutue muthimbu uatjili kutunda hali tangua lia kulivanga noho lelo. ⁶ Munjathelele etji vene, nguange uje na shangumukile vipanga via kuvuaha mulieni aka tjitantuluitha nakukitangua olio lia Jesu Kilistu. ⁷ Ngohoni mua vuaha vene kuliange kuthinga tjeka ngotjo eni voshe. Monjili neni mumbunge ya nge, na kumikole yange ange via ndji vuahela kumithinga nyeka nakumikoletha muthimbu yatjili. Eni voshe muatambula hamo nange kukavumbi. ⁸ Muomu Kalunga ikeye mbangi yange kuevi vindjihandeka mondjina kumivuluka muakama muvavoshe nambunge yamu Jesu Kilistu. ⁹ Netji tjondjilomba: ngetjije tjilemo tjeni tjetjili nakuilana navuana mu mana, namutjiningi tjoshe. ¹⁰ Linga muthivuke viuma vinje viatuvakana kuvuaha. Ngotjo mukapue vaka tjili naha-hakupayela hahi nakuli tangua lia Kilistu. ¹¹ Nakushula namihako ya kuvuaha ikeyo ya muli Jesu Kilistu. Ikalingitha vumpahu naku thumbange ya Kalunga. ¹² Vunoni ndji yongola eni vakuetu muthivuke vije vinja muene vivuahela kushenetha kulutue thimpande thatjili. ¹³ Ngotjo mikole yange inasolokela hakati kamasualale voshe naku vakuavo voshe. ¹⁴ Keho vakuetu vavengi vengi vamuli muene . mukukoletha mikole yange, vana tuvakana kuthimpa mukua mbulula lithi lia Kalunga naliova liahi. ¹⁵ Vamo chili vambulula Kilistu na kuliveya naku kandula vimpata, vamo lalo natjithango tjatjili. ¹⁶ Ava vavilinga na tjilemo tja tjili vathivuka Kalunga ua ndjihakelaho ndjihane vumbangi vua uthimbu ua tjili. ¹⁷ Vunoni vaje vakuavo vathimbula Kilistu muana hangunuka. Kati muvutjili vathinga nyeka kundjikatuila lamba mumikole yange. ¹⁸ Viahi ovio tjakama kuambulula Kilistu mueka namueka nambe natjivembulu nambe navutjili, keho vene ndji yolela. ¹⁹ Muomu ndjinathivuka nga tjiye etji tjikalinga vuovoke vuange. Muomu kulomba kueni nakuhana tja Spilitu ua Jesu Kilistu. ²⁰ Evi vindjina tatelela yange tjakama nakutalela tjange, nge ye shuama kaika ndjikola na hamo hahi, vunoni nakusimpa tjoshe ngohoni thimbu yoshe novunovene Kilistu vakamuthumbangeye mumuvila uange nambe ndjili na muono nambe ndjinathi. ²¹ Muomukuliange ku yoya tjinapu Kilistu, kutha tjiketjo nganio. ²² Vunoni nga ku yoya kumuvila nga tjiketjo tjindji hana mihako ku vipanga vianage. Keho ndjili natjitangamukuhangula. ²³ Vunoni ndjili navitanga hakati kevi vivali. Omo ndjili nachithango mukutunda hano nakukala na Kilistu. Muomu tjiketjo tjatuvakana navua navua. ²⁴ Vunoni kukala mumuvila tjinandji vuahela muomu lieni. ²⁵ Keho etji vene nguange , ndjina thivuka nga tjiye njika kala, tjili vene ndjikakala hamoneni voshe. Mukumishuenetha nakumiha nakuyolela mukuthelela. ²⁶ Ngotjo kuli pampamba tjeni njikelana muli Kislistu hali yange monjakukala hamoneni lalo. ²⁷ Vunoni lingeni vije viaku vuaha vuavipanga viye via muthimbu ua tjili ua Kilistu. Ngotjo nambe ndjinja mukua kumihinduitha ndi ndji uahiko njivueko kukala njeni mulina kuimana na mbunge imolika na muono umo lika mulina kulua hamo lika mukuthelela thimpande thatjili. ²⁸ Keho nakumo kuahi muteuela vitothi. tjiketjo tjina vafuila ngohoni tjimuetho tjakunonga -vunoni tja kuovoka kueni, navukevuo vua kuli Kalunga. ²⁹ Muomu eni muna uana ngothi ya kukala muli Kilistu. Kati kumuthelela likas, vunoni naku yandelas lalo. ³⁰ Muli nakulua tjiye vene mua muene mulia nge, keho mua lolo muli naku vua nolondjili natjo.