¹ Weno, VaUnyande, turapelitenuko, ashi nkango ya Hompa yikwangure nakuyererepeka, yira momo yina kara natwe, ² ntani natwe ngatuyayiwane mwakupira ghuUhunga ntani navantu vavadona, kovo vapiro lipuro. ³ Ano ngoli, lipuliro lya Karunga olyo ngalimupameka anwe, ngalimupititire nwe mumaUdona ghamwe. ⁴ Twakara nankondo mwa Hompa yamumwenu, ashi anwe namuvantje kuruwana nakutwikira mukuruwana vininke ovyo twa mutantelire. ⁵ Kumwe Hompa apititire dimutjima denu mushihoro sha Karunga namu lididmiko lya Kristusa. ⁶ Weno kuna kumu rawire anwe, mulidina lya hompa wetu Yesusa Kristusa, ashi tusheshupite kehe vaunyetu ovo vayendango vavo vanadwapa ntani vavo vapirango kutunga kutwara mu mpo oyo mwatambura ya kwetu. ⁷ Pana ghumoye yiva ashi vyakuhungama kukoye mukutu pititira atwe, mukonda ashi atwe kapi twakalire nawa shirugho twaya kalire navo. ⁸ Atwe kapi twalire mboroto ya kehe uno twa hana kuyi futa, ano ngoli atwe kwa yendire matiku namwi muviruwana naviruwana vya udito, mposhi atwe kapi tuna horo kuya hupitako ghumwe papenu. ⁹ Atwe kwa viruwana vino kapishi mukonda atwe kapi twakara nampangera, ngoli atwe kwa viruwanine nashitambo ashi ngatuyakare, shihonena kwenu mposhi ngamuyatu pititire atwe. ¹⁰ Shirugho osho twa kalire nove, atwe twa kurawilire ve, ''Kwa Umwe ogho anakupiro kuvi hafera viruwana ngasha lya.'' ¹¹ Atwe kawaayuva ashi vamweya mukatji kenu mwa yenda mwamudona, kapishi ogho anakaro na udwa, paviruwana, ano ngoli shinka sha rutu. ¹² Weno yira ghumwe ogho twa murawira naku korangeda mwa Hompa wetu Yesusa Kristusa, ashi ovo ngava ruwana nakushagheka ntani nakulya mboroto ya na ghumwavo. ¹³ Ano ngoli anwe, vaUnyande kapi muroroke mukuruwana vya viwa. ¹⁴ Nangeshi mpwali ogho apiro kutikitamo nkango detu muntjangwa tumwa yino, mukengerenu ntani kapi mupakerere naye, mposhi ghuye ngakufe ntjoni. ¹⁵ Waro nka kapi mumuture yira munankore, ano ngoli muondorenu yira unyoye. ¹⁶ Weno kumwe hompa wa mpora mumwendi amupe anwe mpora pa shirugho nashintje, pa kehe yino nkedi. Hompa ghuye namuvantje. ¹⁷ Ame, Paurusa, natjangiro vino namghoko anaghumwande, olyo lina kukengururo pa kehe mbapira natjanga. ¹⁸ Nkenda ya Hompa wetu Yesusa Kristusa yikare nanwe namuvantje. Amen.