Ruvambi 1

1 Paurus, apostoli wa Kristus Yesusa mukutwara kumuragho waKarunga muyogholi wetu na Kristus Yesus lihuguvaro lyetu, 2 kwa Tomoteus mona rume wa ushiri mulipuro; ufe nkenda, nkenda, nampora yaKarunga she na Kristus hompa wetu. 3 Yira momo tupu nakukorangedire mukurughana opo natundire niyende ku Masedonia, kara mu Efeso mposhi ghuvhure kupangera vantu vamwe vakukukarera vadire kuronga lidi veta lya kukarera. 4 Nka vidire kutegherera kuma timwititi nantundiliro ya liro lyaku dira kushagha. Evi kuyita makanyi kapi vikuvhure nakukarrera Karunga, ovyo ashi mulipuro. 5 Weno lirwameno lya muragho shihoro shakutunda kumutjima wakukushuka, kutunda kuliyhi lya liwa lyakutunda kumutjima ntani nakutunda mulipuro lya ghushiri. 6 Varwana vamwe vashuva vininke evi ntani vakara vavyukilira kuvighamba vya ghugova. 7 Vana shana kukara varongi vaveta ano ngoli kapi vina kuva faturuka ashi vinke vana kutanta ndi po vinke ovyo vana kughamba namukumo. 8 Ano ngoli twaviyiva ashi veta yiwa nange ashi ghumwe ayiruwanita mughuhunga. 9 Twavi yiva, ashi veta kapi vayitulirapo muntu wa ghuhunga, ano ngoli kuvaka kudira kukwama veta ntani navantu vava runde, kuvantu vakupira kupura Karunga navanandjo ntani novo vakupira kupongoka, ntani vakukunyateka, kovo vakudipagha vashavho nava nyokwavo, kuvadipaghi, 10 kuvantu vavashondedi, kovo vakukuyombelita likaro kumwe panyama lyaparudivarwa (mukafumu na mukafumu ghunyendi ntani mukamali namukamali ghunyendi), kovo vakukwatera vantu ghupika kuvaka vipempa, kuvangambi vavipempa, ntani kukehe vimwe vina kukurwanito namarongo. 11 Lirondoro lino mukutwara kughuyerere wa mbudi ya ruhafo ya Karunga walirago moyi vahuguvarera. 12 Ame kunakupandura Kristus Yesus Hompa wetu. Ankondopikire me, mpo antulire ame walipuliro lyalinene, ntani ghantukilireme kughukareli. 13 Ame kwakalire mushwaghuli, muhepeki, ntani mukafumu wa mudjonaghuli. Ano ngoli natambulire nkenda mukonda ame kwa rughanine nalincenuno mukudira kupura. 14 Ntani ghufe nkenda waHompa wetu kwa pupire nalipuliro ntani nashihoro osho shakaro mwa Kristus Yesus. 15 Eyi mbudi ya lihuguvaro ntani mulyo mukuyitamburako namuntje, ashi Kristus Yesus kwayire mughudjuni mukuya yoghora vanandjo. Ame ghumwe wakupitakanena kwevi. 16 Ano ngoli mukonda yei ame kwa mpire nkenda, mposhi mumwande shamuhovho, Kristus Yesus kuvhura kunegheda lididimiko nalintje. 17 Weno kwaHompa waku kakuru, wakupira kufa, wakupira kumona, ahuru ndje Karunga, ghufumane ntani ghuyerere wanarughuntje nanaruntje, Amen. 18 Ame kuna kumutulira oghu, ghuragho kumeho yenu, Timoteus, monande, mukutwara mughuporofete wakare varughana kuhamena koye, ashi ghuvure kurwana vita vyaviwa, 19 kukwaterera lipuro ntani naliywi lyaliwa lyamumu tjima muku shwena vi, vamwe vadjonaghura mapuliro ghavo. 20 Yira va Himenayeus na Aleksander, ovo natapire kwa Satana mposhi vavure kuvatantera vadire kukunenepeka.