¹ Kwenu naghumwenu mwayivire vaunyande ashi liyo lyetu kwenu kapishi lya nyara-nyara. ² Yira momu mwavi yivire, kare omo twa nyandire nakututekura mwa mudona muFilipi. Atwe kwa kolire mwa Karunga wetu tuya vure kughamba kwenu mbudi yayiwa momu twa hepire unene. ³ Atwe makora ngedo ghetu kapishi gha lipuko ndi aghufeke ndi akumupukita. ⁴ Mukurenka ashi, momu atutambwirir Karunga na mbudi yayiwa, atu ghamba, kapishi tuhafite vakafumu, ano ngoli Karunga. Uye ndje akona kono dimutjima wetu. ⁵ Kapi twaya na nkango dama gholya yira momu mwaviyiva ndi damuka holya-holya Karunga ndje mbangi yetu. ⁶ Ndi tushane nkenda kuvantu yikare kwenu ndi kuva unyenu. Atwe ndi twa shanine kuku tumbayira vapostoli va Kristusa. ⁷ Kurenka ashi, twaka lire nawa mukatji kenu yira nyokwa muntu ana kushengayiko vana vendi. Murupe runo tuna kara nashihoro kwenu. ⁸ Vyatuhafitire kukutapera nanwe kaishi mbudi yayiwa ya KArunga mpentjayo ano ngoli, kumwe nama paru anaghumwetu. Kwenu ko munakara mulyo kamungudu kwetu. ⁹ Kwenu kuva wini vande ghayarenu viruwana vyetu naghupampi. Matiku na Mwi kuturu wananga mposhi kapishi tunyenyiteko ghumwe wenu opo tuna kumuyuvitira mbudi yayiwa ya Karunga. ¹⁰ Anwe vambangi na Karunga ndjeghu, ghupongoki munke, Ushiri na Udjonishi wakaliro mumaghukaro ghetu kwenu anwe vapuli. ¹¹ Ndjenditito nka yimwe mwayiva ashi weni omo twa kalire na kehe uno ghumwe wenu, yira sha muntu navana vendi va mwene, ¹² kuma korangedo, nakumushengayika, nakumupampelikida muyende na nkenda yayiwa vya wapera kwa Karunga, ogho amuyita muuntungi wendi naUyerere wendi. ¹³ Koyino konda mbyo tunakumu pandwira KArunga kehe pano, mbyevi mwa tambwire mbudi ya Karunga opo mwa yiyuvire yitunde kwetu, anwe mwayi tambwire mora kapishi yamu kafumu, ano ngoli mughu shiri wado ashi nkango da Karunga, odo dina kuruwana mwenu anwe vapulimo. ¹⁴ Kwenu ko vawini vande, karenu vashoneni va nkirishe ya Karunga oyo ya karo mu Yudeya mwa Yesusa Kristusa. Nanwe mwa hepiro kuvi ninke vya kukufana kuvaaka fumu vamu shirongo shetu, yira momo varuwanine va Yuda. ¹⁵ Ovo vadipa yire kumwe naKarunga nava Porofete, nambovo vatuhepekliremo. Kapi va hafitanga Karunga, muku renkitira ashi, vakunyengitita kuvantu navantje. ¹⁶ Vatu shweneka atwe kughamba kuva kaVirongo kwavo vava vatere. Vitundwamo mbyevi kehe pano vayuda ndjo davo dogoro kuUhura. Ano ugara ngauva kunduruka mu uhura. ¹⁷ Ano Atweko, Vauni vande vatu hangura kwenu paka rugho kakafupi, paUntu kapishi mudi mutjima, twatokomenine, nali kuyuvo lya linene kuya kenga vipara vyenu. ¹⁸ Atwe kwa kuyuvire tuye kwenu ameko, Paurusi rumwe nka ntani- ano ngoli Satana atu kondire. ¹⁹ Lihuguvaro lyetu, ndi ruhafo ndi, kutapa mfumwa kumeho ya Hompa Yesusa apa nga kaya? kapishi anwe? ²⁰ Anwe Uyerere naruhafo rwetu.