^{2 1} Mposi,me,mukukara munadorongo wa Hompa ,Kwakumusivanasi mwakora kuyenda momu vamuyita kogho amuyito . Mwakumusivanena me mutunge nalikudidipito no ukeka nolikudidimiko mukukondja nakehe uno mushihoro. ³ Ruwanenu mpopo mwahulira muuholi gho mpora . ⁴ Pakara rutu rumwe na mpepo yimwe momu tupu vamuyita kumwe no sitambo simwe so liyito lyenu. ⁵ Nonka pakara hompa umwe,lipuro limwe,likuso limwe, ⁶ Nonka karunga umwe na setu umwe gho tunavantje ,ogho apitakano navantje no narutje. ⁷ Kukehe uno wetu mbili kuyimupa kupitira muliseteko gha christus . ⁸ Momu tupu a ghamba matjangwa ; 'apa vamurondikire muwiru ,nonka atapa mauswi kuvantu . ⁹ Nke vyakutanta '' avamurondeke ,''vipuresi vipuresi vamudumpwitire palivhu mudimudingonoko do pa udjuni ? ¹⁰ Oghu vaghu vadumpwitire ngenka muntu wakulifana varondikire muwiru muntungi ,Mposi a kona kuywida vininke navintje. ¹¹ Christus atapa vamwe vakare va apositili,vava porofete ,vamwe va evangeliste ,no vamwe va pristeli no vamitiri . ¹² Atapire mberegho dino diruwanene vantu vakarunga vakupongoka kuviruwana vya kuvatera mukutunga nka rutu rwa christus . ¹³ Kwakatwikira kutumba rutu rwendi dogoro ngatukatike kulikukwatakano lyo lyo lipuro no ndunge da mona karunga ,asi tukure nomu ngatutika pantambo yoliyuro lya christus. ¹⁴ Christus atunga mposi kapi ngatukarenka kunyima ,no kumuvhuta mankumpi ;kuupapo nkehe yino mpepo yo kupepa no mandunge ndunge gho vantu muma mpempa ghavo . ¹⁵ Mpili ngoli ,kughamba usili mu sihoro ,atwe twakona kukara mwa kehe ndjira mu mwendi ogho akaro kumeho,uye nge,christus . ¹⁶ Christus kutunga rutu naruntje ,nokurupaka pamwe mwakehe ligava kwatitiko,no apa ruwananga kehe ruha kumwe,vyanholi kurenkita rutu rukure nolitumba rwene musihoro. ¹⁷ Mposi,anighamba nokutura vino mwahompa ,mpongolisi wasayendanka yira muhoko peke,vighayara vya ndunge davo. ¹⁸ Nonka vava tura mundema muliyuvhoko lyenu, vavatura unkore muliparu lya Karunga mukonda yali gcenuno lyavo,, mukonda yaukukutu gho dimutjima davo , ¹⁹ Avayakara notjoni no avalituramo mumahwilili ,no avalihamitire kukehe kendi no kulinyateta kudovaukira. ²⁰ Ano noli 0mo mo mwalironaganga christus. ²¹ Navahuguvarasi mwayuvha kuhamena kwendi,momu usili mwa jesus . ²² Vamuronga kuhamena vi vyakaliro ku ndunge denu dakare do liparu,mukudimita muswamane.mukughupako muswamane.muswamane akaro nomasendende mukonda yolirwameno lyo ufeke. ²³ Kwamurongire muwapukurure mpepo do ndunge denu , ²⁴ No muturemo muntu wamupe ogho vasita mumpepo ya karunga-muuhungami no lipongoko. ²⁵ Mposi,kona-kona ndunge doye,no renkenu kehe umwe wenu a ghambe usili kumusinda vendi. ²⁶ Garapa mara wasatura ndjo.Kapisi upilitire liyuva litokere paugara ghoye. ²⁷ Kapisi kupulitira mpito kwa mudjonauli. ²⁸ Oghu kavakango kapisi ngavakenka.akona kuruwana,mposi akare no vintu vyo akutapera novo vanavihepo. ²⁹ Kapisi kupulitira kehe nkango dolidjonauko ditunde mukanwa koye ,ruwanitangenu nkango dodiwa mukuyerura vo vanadihoro ,ya nkango denu ngaditapa sihoro kova vakuyuvha. ³⁰ Nonka mwasaguvita mpepo ya karunga yokupongoka , mumwendi nwe ko ne vamumangurura mumayuva gho liyoghoko. ³¹ Tulirenu ntere mautovali nauntje,maudona,ugara,mutangu,no matuka,no mpepo dona nadintje. ³² Karanu nkenda kukehe umwe wenu ,karenu nodimutjima daditenda,kulighupira-ghupirapo,momu tupu Karunga mwa jesus christus amughupirepo nwe.