¹ . Konka omuseeza akwetebwa Anania no mukazi wewe Safira baaguza ecibanza, ² . Yaayesigariza ecicweka cyebeyi cyacyo n'omukazi wewe naacimanya, yaareeta ecyasigerewo, yaacita abigeere by'entumwa. ³ . Petero yaagira ati; Beetu Anania abwenci sitaani ayiizwire omutima gwawe okubiiya omwoyo akwera, okeesigariza ecicweka cyebeyi cy'ecibanza? ⁴ . Otakacigurize, cikaba citari cyawe? woona na waayereze kuciguza, obuguzi byacyo tiburagumire omu busomoorozi bwawe, N'ici ecikutekatekise omu omutima gwawe okukoro otyo? Tobeyire bantu obiyiire Ruhanga. ⁵ . Anania, ka yaawurire ebigambo ebyo, yaagwa ansi, yaafa; Boona abaaciwurire baakwatibwa obutiini bwingi. ⁶ . Abaasigazi bayimuka baamuzinga, baamutwara baamuziika. ⁷ . Ka yaarabirewo omwanya gw'esaa nka isaatu, omukazi wewe yeeza atiine acya kumanya. ⁸ . Petero yaamubuuza ati: Ngambira obu nibwo obuguzi mwagurize omu cibanza? yaamagarukamau ati; Eego nibwo obo. ⁹ . Petero yaamugira ati; Abw'enci mwayikirizene kugeze omwoyo wa Mukama? wuura emisiinde yaabakuruga kuziika baro bari arwigi neewe bakuturuce. ¹⁰ . Mangumangu yaagwa ansi abigere byewe ya cinuka abasigazi abo, kabataayiremu, basanga yafire, baamuturuca baamuziika arubazu rwa iba. ¹¹ . Obutiini bwingi bwakwata ekanisa yoona, na boona abaa biwurire. Entumwa Kukora Eby'okutangaza bingi ¹² . Omu biro ebyo obumayiso n'eby'okutangaaza bingi bikakorebwa emikono y'entumwa omu bantu, kandi boona bakaba berundanira omu kisasi cya Sulemaani n'omutima gumwe. ¹³ . Anu abandi taarowo n'omwe ayaagerezewo kwerundaana nabo; konka abantu boona bakaba babayimbisa munonga. ¹⁴ . nibayikiriza beengi, abaseeza n'abakazi, baayeyongera munonga kukanya, nibewongera Mukama. ¹⁵ . n'okutwara batwara abarwere baabo babarambika omuruguudo abitanda n'omu ngozi, ngu abamwe ariibo bakayikibwawo ecinyimiyimi cya Petero yaaba naarabawo. ¹⁶ . Kandi abantu baaruga omundembo eziri yeeyi na Yerusalemu baayerundanira awo bareesere abarwere n'abarowo baadaimoni boona baatambizibwa. Mareeka okwiya entumwa omu cyome. ¹⁷ . Anyimawo omunyamarwa omukuru yayimuka n'abo abu yaabere ayiine ab'omucicweke c'Abasadukaayo, bizwire iyari; ¹⁸ . baakwata entumwa, baazita omu cyome zoona. ¹⁹ . Konka omuciro mareeka wa mukama yayi gura emiryango zeciwame, yaabaturuca ayeeru yaagira ati; ²⁰ . Mugende mwemere omuri yekalu, mugambire abantu ebigambo byona eby'Amagara aga. ²¹ . Kabaaciwurire, baataaya omuri yekalu omu kaasese, baayegesa, Ka baabere baaciriyo omunyamurwa omukuru yayiza amwe n'abo abu yaabare ayiine, yaabarundanira ayisengero n'abakaru boona b'Abay Israeli, yaatuma omu cyome kubareeta. ²² . Abakuru b'abasirikare ka bayikireyo ti bababasangamu, baagaruka baabamanyisa, bati; ²³ . Ecyome, twasanga cicingwire kurungi mazima, n'abakami beemerire anyiigi; konka ka twayigurawo, titwasangamu muntu. ²⁴ . Omukumi wa yekalu n'abanyamurwa abakuru kabaawurire ebigambo ebyo baasoberwa munonga, baayebuza awu biragarukira. ²⁵ . Omu mwanya ogwo yeeza omuntu yaabaga ati; "Reeba abaseeza abo abu mutiire omu cyome, beemerire omuri yekaru nibegesa abantu. ²⁶ . Omuukumi agwe amwe n'abakuru b'abasirikare niiko kugenda bakabareeta, baatakubiita kubi, akuba bakaba nibatiina abantu ngu batabateera amabaare. ²⁷ . Ka baabayikize awo, baabemeera omu meeso g'isengero, omunyamurwa omukuru yaababuuza ati; ²⁸ . Titukuza kubeyanangiriza kimwe obutagaruka kwegesa omu iziina eryo? mbwenu reeba mwizwize Yerusalemu okwegesa kwanyu, nimwenda ngu esaagama y'ogu museeza etutukuure? ²⁹ Petero n'ezindi ntumwa baagarukamu bati; Tusemerire kworobera Ruhanga okucira abantu. ³⁰ . Ruhanga wa baatenkuru itwe okazoora Yesu owu mwayisire muyanikire amuti. ³¹ . Ogo Ruhanga akamutembya, yaamuta arubazu rwewe rwa buryo, ngu abe omwebembezi mukuru kandi omuzuni, akwereza Abay'Israeli okwetesa n'okusasirwa ebibi. ³² . Itwe turi baakareebi b'ebyo amwe n'Omwoyo akwere owu Ruhanga yaawere abaku morobera. Okuteesa Kwa Gamalieli ³³ . Ka baawurire ebyo baakwatibwa eciniga munonga, baayende ku biita. ³⁴ . Konka omu isengero akaba arumu omufarisaayo akwetebwa Gamalieli omusomesa w'ebiragiro, ayabere ari ow'ecitinisa omu bantu boona; yaayemeera yaaragira kuturuca entumwa omumwanya muke. ³⁵ . Yaagira ati, Imwe baseeza mwe ba Israeli mwe mwerinde ebi mukwenda kukora aba bantu, mubigendewo mpora. ³⁶ . Nimumanya ngu omu biro ebiyingwirewo akimuka amuseeza akwetebwa Teude, Yaayegambawo ka ari omuntu mukuru; kandi abantu nkabiina baakakwatanisa nawe; konka omuseeza ogwe akitibwa n'abamukuratire boona baataatana, baawawo. ³⁷ . Anyimawo y'ogwo omu biro by'okweyandikisa Akimuka Yuda owa Galilaaya yaayangisa abantu bingi, bamukuratira; konka nawe yayitibwa naabamukuraatire boona baatataana. ³⁸ . Mbwenu ati nimbagambira nti; Eby'ab'abantu mubyesasire mubarece; akuba enaama egi nari omurimo ogu ka biraabe biri eby'abantu biriwerekeerera; ³⁹ . Konka ka biraabe biri ebya Ruhanga timukaabasa kubiwerekereza; mwerinde mutarebeka nimurwanisa Ruhanga. ⁴⁰ . Batyo bayikiriza amageezi agi yaabawa; baayeta entumwa, baazitera; baazesengereza obutagaruka kugamba omu iziina rya Yesu baazirekura. ⁴¹ . Zityo zaaruga omu meeso g'eisengero nizisemeerwa abwokwihibwawo ecitinisa ecy'okuyemurwa niziturwa Iziina rya Yesu. ⁴² . Kandi ebiro byona, omuri yekalu n'omumaka gaabo tibararekere kwegesa bya Yesu n'okwereka abantu kwari Kristo.