¹ . Petero na Yohaana bakaba nibatemba omuri yekalu omu saa ey'okusaba, niyo ya mwenda. ² . Kandi akaba aroowo omuntu ayazerwe arameere ebigere; ebiro byoona bakaba bamuyeka bamubyamisa ayirembo rya yekalu ekwetwa Erirungi, akusabiriza abakutaya omu yekalu. ³ . Ka yaarebere Petero na Yohaana nibataya omuri yekalu yaabasaba esente. ⁴ . Petero yaamutawo ameeso amwe na Yohaana yaamugira ati; Tutewo ameeso! ⁵ . Onu yaagabatawo ayine amaciko ngu baza kugira eci bamwereza. ⁶ . Petero yaagira ati; Efeeza n'ezaabu tinziine; konka eci nyine nicyo nkuza kukwereza amw'iziina rya Yesu Kristo owa Nazareesi, Imuka ogende. ⁷ . Yaamukwaata omukono gwa buryo, yaamwimucya; awonawo ebigere byewe n'obugombe-mburi bwewe byatunga amaani. ⁸ . Yaabandituka, yaayemeera, yaatandika kugenda; yaataaya nabo omuri yekalu, naatambura, naguruka, nayimbisa Ruhanga. ⁹ Abantu boona baamureeba naatambura naayimbisa Ruhanga; ¹⁰ . baamanya kwari ogu ayaabere atuura ayirembo erirungi rya yekalu, naasabiriza; baasoberwa munonga, batangaara ecyo ecyamubawo. ¹¹ . Ka yaabere akwece Petero na Yohaana, abantu boona bayirukira awu baabere bari omu cisasi eci kwetwa ecya sulemaani, nibaatangara munonga. Petero okubuura abantu ¹² . Petero ka yaabarebere, yaabagambiira ati: Imwe baseeza ba Israeli 'mwe, abw'enci nimutangaara omuseeza ogu? nari nimutusamara ci nk'abakutekateka ngu amaani geetu nari si okutiina Ruhanga kweetu nicyo cyagendesa omuseeza ogu? ¹³ . Ruhanga owa Abraham, owa Isaaka, kandi owa Yakoba, Ruhanga wa ba tenkuru itwe niwe yaayereza ecitinisa omuyereeza wewe Yesu, owu mwawereyo mukamweyakana omu meeso ga Pilaato, obu yaabere amaririre okumurekura. ¹⁴ . Konka Imwe mwayeyakana akweera kandi ayikirire, mwasaba kuyeebwa omwisi; ¹⁵ . Kandi mukama wamagara mwamwita; konka Ruhanga yaamuzoora omu bafiire; neetwe turi baakareebi ab'okucyamya. ¹⁶ . Kandi omuseeza ogu, owu mukureeba, kandi owu mukumanya, abw'okwikiriza iziina rya Yesu, Iziina eryo niryo ryamuwa amaani; kandi okwikiriza okwa Yesu, anu nikwo kwamuciriza cimwe omumeeso gaanyu mweena. ¹⁷ . Mbwenu, B'ise-mwe, niimanya ngu mukacikora omu butamanya, kandi n'abategeki baanyu niiko baakozere. ¹⁸ . Konka Ruhanga, ebi yaaragurire omu kanwa ka baanabi boona, ngu Kristo iwe ariboonabonesebwa, niiko yaaciyikirize atyo. ¹⁹ . N'abw'ecyo mwetese, muyinduke, ebibi byanyu bisiimurwe, ebiro eby'okugaruka buyaaka bibone kwiiza okuruga ari Mukama; ²⁰ . atume Kristo ayaabatiribwewo, niwe Yesu, ²¹ Owu iguru risemeriire kwakiira, okwicya obunaku bw'okusubamu ebintu byona buyaka, obu Ruhanga yaabere agambire omu kanwa ka baanabi bewe abakwera abaabere barowo okuruga akuwangibwa kw'ensi. ²² . Mazima ko Musa akagira ati; mukama Ruhanga aribimuciza nabi nkaanye okuruga omuri beene banyu; ogo ebi aribagambira byona, mubyorobere. ²³ . Nabi ogu kariiza, omuntu weena atari mworobera ariwerekerezebwa aruge omu bantu. ²⁴ . Kandi na baanabi boona abaaragwiire okuruga ari Samueli n'abaamukaratiire, nabo niko baagambire abiro ebi. ²⁵ . Imwe muri batabani ba baanabi, kandi abendagaano eyi Ruhanga yaaraganiise baaswenkuru baanyu, obu yaagambiire Abrahamu ati: kandi omuri mwizukuru waawe nimwo enganda zoona ezensi ziriyebwa omugisa. ²⁶ . Niimwe Ruhanga yaabandize kutumawo omugaragwa wewe, amazire kumubwena ngu abeereze omugisa nabayindura, omuntu weena omuriimwe aruge omu bibi byewe. okukwatwa kwa Petoro na Yohaana