¹ Baitu OYesu nayaba okulusozi lwa Zeyituuni. ² . Nakeera emambya okulunaku naiza erate omu iramyo, abantu boona mbaizza egyaali naikala, nabegesha. ³ . Abawandiiki naba Bafalisaayo mbaleeta omukali, ogwebakwaite nka akwenda mba mute akaati wabwe, ⁴ . Mbamukoba ati omwegesha, omukali oni akwaatibwe luboona nka ali omukikolwa kyabwenzi. ⁵ . Naye omumateeka Musa yatulagire okumukubbaanga amabbale affe akora batyo : baitu we osimoola otyai okwoni? ⁶ .Basimooire batyo nka bakumukema, babewo necigambo eci bamuloopa. Baitu Yesu nainama, nawandika nengalo okwitakali. ⁷ . Baitu mbeyongeire okumubuulya, niyegololamu nabakoba ati okunywe atasisangaku, niyaba yekeera okumukubba eibaale. ⁸ . Nainama erate, nawandiika nengalo okwitakali. ⁹ Boona boona mbawuuliire ekigambo ekyo mba wuluka enzai omwe nomwe, abakairre nibo nibekeera okwikya okukomeero; Yesu nasigarawo yenka, nomukali nka ali akati. ¹⁰ . oYesu niyegoorola, namukoba ati omukyaala, baire ai? Ndoowo asaare okukusiinga? ¹¹ . Baitu nakoba ati ndoowo muntu, mukama wange, Yesu nakoba ati njeena tinakusale okkusiinga, yaba; okwekeera nolwaleero tosisikalanga lwakabiri. ¹² . Awo Yesu nasimoola nabo, nebakoba ati ninje isaana lyansi akusengeerya takwaba kutaambuura omukirikirya, baitu yabanga neisana lyabwoomi. ¹³ . Awo Abafalisaayo mbamukoba ati we weetegeeza wenkai; okutegeeza kwamu tikwamazuma. ¹⁴ . Yesu nairamu nabakoba ati gonze nka neteegya njenkai, okutegeeza kwange kwa mazuma. Olwakuba maite egyenkuzwa nejenkwaaba; naye nywe timumaite gonze negyekwaba. ¹⁵ . Nywe musala omusaanga nkomubiri bwegubba, naye tinsaara muntu musango. ¹⁶ . Gonze nje nsala omusango, okusala kwange kwa mazuma; olwakuba nje tindyomwe naye nje noitewange eya ntumire. ¹⁷ . Erate baitu nomumateeka gaanywe, kyawandikiibwe ati okutegeeza kwabantu ababiri kuta kwamazuma. ¹⁸ . Nje netegya njenkai, noitawange eyantumire okutegeeza ebyange. ¹⁹ . Awo mbamukoba ati oitaamu ali luddai? Yesu nairamu ati temumaitte, gonze oitawange. Siinga mumaite nje no Itaange mwandi mumaite. ²⁰ . Ebigambo ebyo yasimooranga omukideero, bweyaali nka akwegesya omwiraamyo. So ndowo eyamukwaite, Olwakubba ekiseera kyamwe kyali nka kikyaali kwiika. ²¹ . Awo nabakoba ati nje nkwaaba, naanywe muliswagana, erate mulifeera omucibi kyanywe; nje jenkwaba, nywe timusobola kwabayo. ²² . Awo Abayudaaya mbakoba ati akwba kweita Olwakubba akobele ati nje ejenkwaaba nywe timusobola kwabayo? ²³ . Oyesu nabakoba ati nywee muli baansi, nje ndiwa waiguru nywee muli ba munsi munii nje tindi wa munsi munu. ²⁴ . Nicconzwa mbakoba ati mulifiira omubibbi byanywe. ²⁵ . Awo mbamukoba nti nuwenaani? Yesu nabakoba nti nga bwenabakobanga okuzwa okulu sooka. ²⁶ . Ndi nabiingi ebyokubsimoolaku nokubasaara omusango; baitu odi eyantumire niyoowamazuma; nanje ebyenawulire ejaali nibyo ebyakusimoola edi ensi. ²⁷ . Tibakategeera ngambakobeire okwittange. ²⁸ . Awo Yesu nakoba ati bwemulimala okubamba omwana womuntu nimulyoka mwetegga nka nije njekai, so nje tindiku cyankola okubwange, naye nka oittange bwe ya nyegeserye, nimwo nkusimoola ntyo. ²⁹ . Noodi Yokaana eyantumure ali nanje oitange tandekanga njeenkai; Olwakubba nkola buliizo ebyakusiima. ³⁰ . Bwesimooire ebigambo ebyo, abantu baingi mbamwikiriza. ³¹ . Awo Yesu nakoba Abayudaaya abaali abakumwikiriza nti bwe munyerera omu kigambo kyanye, nga muli begesya bange ddala. ³² . Erate mulitegeera amazuma, namazuma gali bafoora abeiddembe. ³³ . Ne bamwiramu ati iswe tuli ibyaire lya Ibulayimu, so titufugibwanga muntu yeena: osimoola otyai ati mulifooka ba iddembe? ³⁴ . Yesu nabairamu ati Ddala ddala nkubakoba ati buli muntu yenna akkola ebibbi, niyomwiru we kibbi. ³⁵ . Omwiiru tabba munyumba mijjo na mijjo; omwana aba mijjo nanwijjo. ³⁶ . Kale omwana mbwalibafoora abaiddembe, mulibba baiddembe ddala. ³⁷ . Mmaite ati muli ibyaire lya Ibulayimu: baitu mukusala amagezi okunyitta, olwakubbanga ekigambo kyange tikyeyaabya omunywe. ³⁸ . Nje nkusimoola ebyenaboine edi oittange, kale wanywee mukole ebyemwawulire edi ewa itannywe. ³⁹ . Mbayiiramu mbakoba nti Ibulayimu ne yoittaiswe Yesu nabakoba nti singa mubaire baana ba Ibulayimu, mwandikoore ebikolwa bya Ibulayimu. ⁴⁰ . Baitu ati mukusala amagezi okunyita omuntu abakobeire ebyamazima, ebye nawulire eri OKanca; Ibulayimu tiyakoore atyo. ⁴¹ . Nywe mukole emirumo gya itaiswe rubeneukoba nti iiswe tuli baana bebolerezebwe: Tulino Itaiswe omw niye OKanca. ⁴² . Yesu nabakoba ati singa OKanca niye oitaanywe, mwannyederye rye; olwakuba nazwire edi ninyiza, so tinaizire okulwange njenkai, baitu oyo niyeyantumire. ⁴³ . Cicci ecibagaine okutegegeera ensimoola yange? Kubba timusobola okuwuura kigambo kyange. ⁴⁴ . Nywee muli ba Itanywe sitaani, erate mutaka okkola okwegoomba kwa Itanywe oyo okuzwe okuluberyeberye niye omwiiti, so teyakalangukire omumazima, Olwakubba amazuma tigamulimu omuye. Bwasimoola obubeyegi, asimoora ebikuzwa omubyaamwe; olwakuba ye mubeegi erate oyitaamwe wabubeegi. ⁴⁵ . Baitu okubbanga nkusimoola amazuma, temukwikiriza. ⁴⁶ . Naani okunywe akulumirya ekibbi? Bwe nsimoore amazima kiki ekibagaine okwikiriza? ⁴⁷ . Owa OKanca akuwuura ebigambo byo OKanca, nywe nikyo mulizwa mulemerwa okuwuura, olwakuba timuli ba Kanca. ⁴⁸ . Abayudaaya ni bamwiiramu we kusai swe ati we oli musemaliya erate oliku daimooni? ⁴⁹ . OYesu nabairamu ati tindiku Deimooni, baitu nje nkwiryaamu ekitiibwa oittange, naanywe timuneyirwamu kitibwa. ⁵⁰ . Baitu nje tinswagana kitiibwa kyange, alowo aciswaaga erate asala omusango. ⁵¹ . Ddala ddala nkubakoba ati omuntu nakwata ekigambo kyange takwaba kufa emijjo na mijjo. ⁵² . Abayudaaya mbamukoba ati atibuni tutegeire nka oliku odaimooni. Ibulayimu yafiire nabarangi, nebafa. Naawe okkoba omuntu nakwaata ekigambo Yokaana caamu, talirenga kulega kukuffa emijjo ne mijjo. ⁵³ . Nuwe omukulu okiira ozzaizza waisswe Ibulayimu? Nebalangi bafiire? weeyeta nani? ⁵⁴ . Yesu nyiramu ati nje, minetaamu ecitinisyacange eco cibba kwabwerere; niye itange nywe gwe musimooraku ati niye OKanca waanywe. ⁵⁵ . So temukumutegeeranga naye nje mumayite; bwenakoba ati timumaite, naissana nka nywe, onubeyega; baitu mumaite, erate nkukwata ekigambo kyaamwe. ⁵⁶ . Ibulayimu zeizza wanywee yasanyukire okubona olunaku lwange; nalubona nasanyuka. ⁵⁷ . Awo Abayudaaya nibamukoba ati okyaali kwika myaka amakumi ataano, naye Ibulayimu wamuboine? ⁵⁸ . Yesu n'abakoba ati Ddala ddala nkubakoba ati Ibulayimu nka akyaali kubyalibwa, nje nga ndowo. ⁵⁹ . Awo mbairiira amabbale okumukubba; baitu Yesu niyekweeka nawuluka omwi ramyo.