¹ Omuciro ecekeera omubiro omusanju, Malyamu Mangadalene neiza omucibambya nka bucaali kucca kusai edi magombe nabona nka eibbaale litoleibweeku okumagombe. ² . OMalyamu mangadalena neiruka nayaba edi ewa Simooni Peetero ne edi wa mwegeresya OYesu gwe yasinganga kutaka nabakoba ati batoiremu omukama weiswe omu magombe aate timumaite gyebamwitiire. ³ . OPeetero nawuluka no mwegeresya owundi nibaaba okumagombe. ⁴ . Nibeiruka amwei no mwegeresya owundi nayakalya OPeetero, nabasooka okwika okumagombe. ⁵ . Nainama nalengezamu nabona engoye zakitaani nka zitereibwe awo; baitu nateingira. ⁶ . Olwamaare OSimooni Peetero naiza nabasengeerya neingira omumagombe nabona nka engoye zekitaani zitereibwe wo. ⁷ . N'ekiremba ekyaali okumutwe gwaamwe kyaali tikitereibwe amwei nengoye zakitaani, ngakizingibwe okuntando. ⁸ . Omuyigirizwa oyo owundi eyasokere okwiza okumagombe neingira nabona nazirika. ⁹ . Olwakubba baali bakyaali kutegeera ekyawandikiibwe ati kimusaniire okuyiboka omubafu. ¹⁰ . Abegesebwa nibeirayo ewaabwe. ¹¹ . Afalyamu yaali alolereire enze ewaali amagombe nka akukunga nainama nalengeza omumagombe; ¹² . N'abona abamalayika babiri nka bazwaire ebyeeru, nka beikeire omwe, emisango owundi emagulu, omulambo gwa Yesu jegwaali gutereibwe. ¹³ . Abo nibamukoba nti omucaala okukungira ci? Nakoba ati lwakubba batweiremu omukama wange nanje timaite jebamutweire. ¹⁴ . Niyamare okusimoola atyo, nakyuuka ennyuma nabona OYesu nka ayemereire, natetejja ati niye Yesu. ¹⁵ . OYesu namukoba ati omukyaala akungiraki? Okuswagana naani? Ye nka akusubira ati niye akuuma olusuku, namukoba nti ssebo niwabba nka niiwe omutweire ewandi, nkobera gyomutweire njeena namutoolayo. ¹⁶ . OYesu namukoba ati Malyamu nakyuuka namukoba omulwebbulaniya ati labooni, ekitgeeza omwegeresya. ¹⁷ . OYesu namukoba ati tonkwataku; lwakubba nkyaali kuniina mwiguru ewa Itange naye yaba ewa baganda bange obakobere oti nkuniina mwiguru ewaitange era oitanywe, ewa Kanca wange erate OKanca wanywe. ¹⁸ . Omalyamu Mangadalene nayaba nakobera abegereresya nti mbweine omukama waiswe, erate nimwo amukobere ebigambo enyo. ¹⁹ . Okulunaku olwo olwiriira olwa sabiti eigolo, enyiiga zaali ziigairweiwo omu cifo ebegeresya mwebali bekukumire olwa kutina abayudaya, OYesu neiza nayemeera akati wabwe omubo nabakoba ati emirembe zibbe naanywe. ²⁰ . Niyamaare okusimoola atyo, nabalanga engalo zaamwe, nembirizi zaamwe abayigirizwa nibasemerwa muno nibabweine omukama waabwe. ²¹ . OYesu nakoba emirembe zibbe naanywe nka OItange niyantumire, ntyo njeena nkubatuma nanywe. ²² . Niyamaare okusimoola eco, nabafuuwaku omwika nabakoba ati mutoole omwoyo omwikiriiri. ²³ .Ebibbi byabo be mwasonyewanga bizza kusonyiyibwanga, naabo be mwagaananga okusonyiyibwanga naabo, be mwagananga okusonyowabya besibiririrangaku. ²⁴ . OTomasi omwe okwikumi nababiri eyaitiibwe Didumo, tiyalinabo OYesu niyeizire. ²⁵ . Abegeresya abandi nibamukobera ati tubweine omukama weiswe nabakoba ati nintalibona enkozo ze misumali, ninsonsoka engalo zange omumbirizi zaamwe tindikiriiza nakadooli. ²⁶ . Ecaririire nka wakaireewo ebiro munaanai, abeegeresya baamwe baali munda, no Tomasi okuluni yali nabo, OYesu naiza nka enyiige zigalibweewo nayemeera aakati waabwe nabakoba aati “emirembe zibbe nanywe”. ²⁷ . Nakoba OTomasi ati leeta ani olwaala lwamu obone engalo zange, oleke okubba ateikiriza naye aikiriza. ²⁸ . OTomasi neiramu namukoba ati niwe omukama wange erate OKanca wange. ²⁹ . Yesu namukoba ati Olwakubba ombwoine nico ozwiire oikirizze, balina omukisa abaikiriza nka ndoowo cebabweine. ³⁰ . Walowo ebyamagero biigi OYesu bweyakoleire omumaiso gabeegesya ebitawandikiibwe omucitabo cini. ³¹ . Biini byawandikiibwe, musobolle okwikiiriza leke mubbe nobwomi omwibara ryamwe.