¹ . Olwo OYesu niyamare okubazza olubazzo nawulukka nabegesya bamwe nebaba nebasomoka akaigga kidulooni, eyo waliyo olusuku nayaba omwo nabegeresya baamwe. ² . Aate OYuda ayamulimu olukwe, yali amaite kifo eco kussai. Kubba OYesu na beegesya bamwe bateranga okwaabayo emirundi ezikukanya. ³ . Oluvanyuma OYuda neyamare okuwebwa ekitongole kyabajwaka nabaami okuzwa edi ewa bakabona abakulu, n'Abafalisaayo, nazwaayo ngalina amattala, emmolle eza muro namasumu. ⁴ . OYesu neyetejjerye byoona byoona ebikwaaba okumwiikaku, na zwaayo nababulya mukuswaggana naani? ⁵ . Ni bamwiramu ati OYesu omuNazaaleesi, OYesu nabakoba ninje oni. Erate n'OYuda ayamuliremu olukwe yali ayemereire nabbo. ⁶ . OYesu neyabakobere ati ninje nje, nebaigera embaga nebagwa ansi. ⁷ . Erate nababulya omulindi gwakabiiri ati mukuswaggana nanni? Nebakoba Yesu omunazaaleesi. ⁸ . OYesu n’abairamu nabakoba ati mbakobeire ati ninje nje, kale obanga ninje gwe mukuswaaggana muleke banni bbabe. ⁹ . Lekke Orubazzo rwamwe rwiikiire ati kwaabo bewampaire tinaburyeku gonze omwe. ¹⁰ . Awo OSaimooni Petero eyaali nekitala nakisowola yo omukisawu natema omwiiru wakabona asiinga obukulu namusalaku okutwii okwa ddyo nkugwa adi neibara lya mwiiru maluko. ¹¹ . Awo OYesu nakoba OPetero ati irryamu ecitala ekyo omukisawo caaco; ecikoppo otaata campaire tinnacinywe? ¹² . Awo ecitongole cabajwaaka nomwami wabwe omukulu nabaweereza b'Abayudaaya nebakwata OYesu nebamusiba. ¹³ . Ne bekeera okumutwaala ewa Anna; OIwakuba yali mukwe wa kayaafa, eyali okaboona asinga obukulu omumwaka Ogwo. ¹⁴ . Erate okayaafa niye eyawaire Abayudaaya amagezi ati kisaana omuntu omwei okufiirira abantu abandi. ¹⁵ . OSaimooni Petero no mwegeresya owundi nebasengerya OYesu. Awo ommwegeresya eyali amanyibwe omuno okabona asinga obukulu nayingira no Yesu omuluvuga lwakabona asinga obukulu. ¹⁶ . Baitu OPetero yali ayemereire enzai okulwiggi, awo omwegeresya owundi ayali amanyibwe okuba okabona asinga obukulu nawuluka nabaza n'omwala omwigali walwiggi naingirya OPetero omundaj. ¹⁷ . Awo omwala eyali akuma omulyango nakoba OPeetero ati nawe oli omwei okubegeresya bamusaiza odi? Opetero namwiramu ati tindi. ¹⁸ . Ebiseera byali byampewo abawereza nabakuma baali bakorewo ecikoomi ca muro gwamanda nka bemereire awo nka bakwoota Opetero yena yabaire ayemereire awonabo nka akwoota omuuro . ¹⁹ . Awo okabona asinga obukulu nabulya OYesu ku bigambo ebikwata okubegeresya bamwe no kukwegessya kwamwe. ²⁰ . OYesu namwiramu ati mbaire mbakoberanga nka boonaboona nka bakumbanna, Aate mbaire nnyegesya omumakumbaniro no mumayekalu Abayudaaya boonaboona jebesolorya ti nasimolanga mukyama kigamba kyonna. ²¹ . Aate lwaaki Ombuulya? Buulya abo ababaire nka bawuura Yokaana byembaire nkooba. Bamaite byembaire nkooba. ²² . Neyabazire ebyo omwei okubawereza eyali amwemereireku ampi namupaya oluyi namukoba ati otyo nimwo bwoiramu omukulu wa bakabona? ²³ . OYesu namwiramu ati oba nsimwoire kubi, cinumirye ecibbi; bainiyaba cenkobere ciri camazima aati okubire ci? ²⁴ . Awo Ana namuwereeza ewa kayaafa okabona asinga obukulu. Aate nka acali musibbe. ²⁵ . No Saimooni Petero yabaire acayemereire awo nka akwota omuuro nebamuburya bati, wee toli omwei okubegeresya bamusaiza oyo? Ye neyegana mbu tindi omwei kubo. ²⁶ . Omuwerezza owa bakabona asinga obukulu owa cikka cimwe no OPetero gweyasareku okutwii, nakoba ati nje tinakubweine nka muli naye edi omulusuku? ²⁷ . Awo te OPetero nairra namwegaana erate; amangu ago okonko nakolyoka. ²⁸ . Obwiire mbwaali bwakacca nibatoola opetero omuyumba ya kalafa nibamutwaala omukisagati eca mumufugi omurooma ecetebwa ati Puracterio. Baitu abenyenere tebayingire mucisagati ecisalwamu emisango, olwokwewalla obuteleta ku cibbi. Leeke basobole okurya okuciwuuro ecokwakalwaaku . ²⁹ . Aale OPiraato nawuluka enzai nayaba jebaali nakoba ati “omusaiza oni mukumujunania ci?” ³⁰ . Ni bamwiramu bati; bamukoba nti omuntu oni singa abaire takoore bibbi titwandimuletere jooli. ³¹ . Awo OPiraato nabakooba ati, kale mumutwale mumuwozesye nywe benyinni nka amateka ganywe nganigalagira. Abayudaaya ni bamwiramu bati iswe tetwikirizibwa kusaara muntu yeena gwakufa. ³² . Ekigambo kya Yesu kicirire kye yabazire nka akulanga okufa kwa kwaba okufamu . ³³ . Awo OPilaato nayigira erate omu kicisagati nayeeta OYesu namukooba ati: e isabayudaya? ³⁴ . OYesu namwiramu ati Eco ocisimwoire kulwamu oba walowo abakobeire ebigambo ebinfaku? ³⁵ . OPilaato nairamu ati: Njje okunyera nti ndi muyudaaya? Abantu Abeiyanga ryamu naba kabona abakulu nibo abakuwaireyo jendi: okore ci? ³⁶ . OYesu namwiramu ati obwakabaka bwange tibwa munsi munni: singa obwakaba bwange bubaire bwa munsi munni, abasaizza bange bandirwaine nintawebwayo omumikono jabayudaaya, Yokaana naye obwakabaka bwange tibwamunsi munnsi. ³⁷ . OPilaato namukoba ati “ ecikukobwa oli kabaka? OYesu namwiiramu ati “ociisimwoire “ ndi kabaka cini nico kyenabyalirwe aate ecandetere omunsi nico cini okimanyisya amazima. Oyo yeena yeena owamazima awure eiraka ryange. ³⁸ . OPilaato namukobba ati amazima nico cici? Opilaato neyamare okusimola ebyo nawuluka nayaba enza abayudaaya nabakoba tinkubonawo musango gwonna okuye. ³⁹ . Baitu nka ne mulina empissa zanywe nje kubataisirya omusibbe omwe bulli paska eyokwakalwaaku, kale mukwenja mbataisirye Isabayudaya? ⁴⁰ . Nebairamu nka bakuwaigana bati tingoyo baitu Barabba. Obarabba oni yaali obalaba yali munyagi.