¹ Ninji muzabbibu ogwa mazima, no'Itange niye mulumi. ² . Buli kitaagi eciri oku nje ecitareta ebibaala ebisayi abikuturaku. Aate citaagi ecireta ebibala acisayirya necinyirira necisobolla okulea ebibaala ebingi omunno. ³ . Nywe ati, mumaare okubba abasayiirye olwe'kigambo cembakoberre. ⁴ . Mubbe munje njeena mbe munywe; nka eitaagi ni ritasobola kubyala bibala nka ririryonkai, okuyiyaku ngaririku mumuzabibbu, gwenyini nakityo nanywe timusobola, nimutabba munje. ⁵ . Nje ninje muzabibbu, ninywe muli bitaagi, abba munje, nanje muye, oyo ataaku ebibala bingi; kubba nje jentaali ndowo kyemusobola kukolla. ⁶ . Omuntu natabba munje, anagibwa edi nka eitaagi, nakala; bagakumbanya amwe mbagana omumuuro, ni ggaya. ⁷ . Nimubba omu nje, nebigambo byange nebibba omu nywe, mulamyenge kye mukwendya kyona, mwakikoorwanga. ⁸ . Omucini OItange abangirizibwa, mubalenga ebibala binji, erate mwabanga begesebwa bange. ⁹ . Nka OItange niyanyenderye, njeena mbenderye nyweena mubenge omukwendya kwange. ¹⁰ . Nimukwatanga ebiragiro byange, mwabbanga mu kwendya kwange nka nje ninkwata ebiragiro bya Itange, nimba omukwendya kwamwe. ¹¹ . Ebyo mbibakobere, leke essanyu lyange libbenge omunywe, erate essanyu lyanywe liikiire. ¹² . Cini nico ciragiro caange, mwendyenganne nka nje ni nabenderye nywe. ¹³ . Ndoowo alina kwendya okukooto nka kuni, omuntu okuwaayo obwomi bwamwe olwa banywani baamwe. ¹⁴ . Nywee muli banywani bange, nimukola bye mbalagira. ¹⁵ . Tincca beeta bairu; kubba, omwiru tamaite omukama wamwe byakolla, baitu mkubeeta ba mukago; kubba byoona byoona bye nawuliire edi ewa itange mbibakobeire nnywe. ¹⁶ . Tininywe mwankkomere nje, baitu ninje nabakkomere nywe, nimbataawo, mwabe mubalenge ebibala, nebibala byanywe bibengewo; coona coona kye mwasabanga OItange omwibara lyange, acibawenge. ¹⁷ . Mbalagiire bini, mwendyengane. ¹⁸ . Ensi nebanobbanga, mumanye ati yasookere kunoba ninje nka ecaali kunoba nnywe. ¹⁹ . Bbanga mubbaire ba ensi, ensi yandibenderye eco yo; baitu kubba timuli ba nsi, baitu ninje nabalondere omu nsi ensi kyezwa ebanoba. ²⁰ . Mwizukire ecigambo ce nabakobere ati omwiru tassinga mukama waamwe oba nka banjasayanye nje, nanywe bakwiza kubasayasanya: oba nka bakwaite ecigambo kyange, nekyanywe bacikwataanga. ²¹ . Baitu ebyo byona byoona babikolanga olwaibara lyange kubba tebamumaite eyansidikire. ²² . Bbaanga tinaizire nembaza nabo, tebandibaire nacibbi, baitu ati tibalina cakuwozzya olwa cibbi caabwe. ²³ . Annoba nje, annoba no Itange. ²⁴ . Bbanga tinakolere mubo emirimo egitakoleibwengaku bandi, tibandibbaire na cibbi, baitu ati baboine ne bannooba noitange. ²⁵ . Baitu ecigambo ciikirirrire ecawandikiibwe omu mateeka gaabwe nti bannobeire bwerere. ²⁶ . Baitu, omuyambi naliiza, gwendi bansidikirra azzwa edi ewaitange, omwoyo owa mazuma, azzwa eddi ewaitange, oyo alitegeeza ebyange. ²⁷ . Erate nanywe mutegeeza ebyange kubba okuzwa okuluberyeberye mwaali nanje.