¹ Baitu embagga eyakwakalaku yali nka ecaali kwika, OYesu ni yatejerye nka ebiro byamwe okuzzwa omunsi muni bikire leke ayabe edi otaimwe, niyatakire abamwe abali omunsi, yabatakire cimwe okwicca okukomeero. ² . Nibaali bakulya emmere ey'a ceigolo sitaani nka okuwoyera Yuda Isikalyoti omwana wa Simoni mumwoyo gwamwe okumulyamu olukwe. ³ . OYesu niyetejerye nka oitaime ni niyemuwaire byona byona omumukono gwamwe, erate nka yazuire wa Kanca, ate nga akwira wa Kanca. ⁴ . Nazwa okummere niye yambula engoye zammwe; natola eciremba omunkende. ⁵ . Nasuka amaizi omukalaayi, natandika okunabya abegeresya bamwe amagulu nokugasiimulisya omunagiro gweyali yesibire omunkende. ⁶ . Awo naiza edi Simooni Peetero. Yenamukoba ati mukama wange, we onaabya amagulu? ⁷ . OYesu nairamu namukoba ati njje ecenkukola tocettejja atibuni, baitu olicetteja luvanyuma. ⁸ . OPetero namukoba ati eco ticilibawo we okunabya amaggulu gange. Yesu namwiramu nti nintakunabya magulu gamu wabanga tocali mwesigwa wange . ⁹ . Simooni Peetero namukoba ati mukama wange, ti magulu gange gonkai, baitu naabya nemikono nomutwe. ¹⁰ . OYesu namukoba ati ogwebanabya omubiri aba talina cakwendya kubba aba ayere nka takyayendya kunaba te okuiyaku amagulu gonkai, nanywe nwyenna nwyenna nga musairye: nanywe muli basairye naye ti nywena nywena. ¹¹ . Kubba OYesu yamumaite akwaba okumulyamu olukwe; nikyo yazwire abaza ati nywena nywena timuli basairye. ¹² . Awo niyamare okubanabya amagulu, nazwala engoye zaamwe, naikala nairrira ecibulo, nababulya ati cembacole mucettejerye? ¹³ . Nywe munyeeta mwegesya erate mukama wanywe; ate muli batufu okunyeta mutyo kubba nico cendi ¹⁴ . Aale oba nka ninje mukama wanywe erate omwegesya wanywe mbanabirye amagulu, era nanywe kibasanira okunabyanga amagulu. ¹⁵ . Kubba mbawaire ecakuboneraku, nyeena musobole okukolanga nka bwe mbakoore . ¹⁶ . Mazzuma nkubakobera ati omwiru tasinga makama wamwe ate omukwenda tasinga amutuma. ¹⁷ . Nimumanya ebyo, muliba nomukisa nimubikola. ¹⁸ . Timbazire kuninywe nywena nywena; nje mmaite benalonderemu; baitu ecawandiikibwe ciicire ati aalya oku mmere yange anyimulire ekitindiryo caamwe. ¹⁹ . Omu kwekera eleero nkobakobera nka cicaali kubawo, aate nobwe ciribawo, musobole okukakasa nka nje ninje oyo. ²⁰ . Mazuma nkubakobera ati asemberya buli gwe ntumma, aba akusemberya ninje; erate asemberya nje, aba akusemberya odi eyantumire. ²¹ . Yesu niyamare okubaza atyo, ni yeraliikira omu mwoyo, nabategeeza, nakoba ati mazuma nkubakoba ati omwe ku nywe akwaba kundyamu olukwe. ²² . Abegeresya bamwe nibalolanganaku, nka bakwewunya ogwa bazireku nani. ²³ . Omwe okubegesya bamwe eyabaile abasirye omucifubba ca Yesu oku mmere, Oyesu gwe yatakanga. ²⁴ . Simooni Petero nasimirya oyo, namukoba ati tokobere gwabazireku nani. ²⁵ . Ye ni yabasire omu kifuba ca' Yesu, nga ni yali, namukoba nti mukama wange niye nani? ²⁶ . OYesu namwiramu ati gwenakozerya entonge nagimuwerya niye oyo. Awo ni yakozerye entonge, nakitwala, nakiwa Yuda omutani wa Saimoni Iskaryoti. ²⁷ . Oyuda niyamare okuwebwa entonge, awo ositaani namuwamba. OYesu namukoba ati cyokwaba, okukola cikole mangu. ²⁸ . Okubaali ocinullo ndowo eyamaite lwaki OYesu akobere atyo. ²⁹ . Kubanga abandi betegerye nti olwakuba Yuda niye ayali akwata ensawo, Yesu nico yazwire namukoba nti gula bye twendya ebya kumbaga, oba awe abooro ebintu. ³⁰ . Awo niyamare okuwebwa entonge, amangu ago nawuluka enzai, bwali buswekere. ³¹ . Awo niyamare okuwuluka, Yesu nakoba nti ati omwana wamuntu wangirizibwe, no'Kanca wangirizibwe mu ye; ³² . Era OKanca ali muwangiriza mu mwenye neere, era amangu ago wamuwangirizang nga. ³³ . Baana bange, ekiseera kidyoli nga nkyali nanywe. Mulinswagana: era nga nakobere Abayudaaya nti gye nkwaba nje omwenyini timuyinza kwiiza yo, era nanywe numwo nkubakoba ati buni. ³⁴ . Eiteka eriyaka erye nkubawerya nti mwendyenganenga; nka nabendyanga nywe, era nanywe mwendyenganenga. ³⁵ . Boona okwebeteegyanga nka muli begesya bange, nimwabanga nokwendyangana nywenkai na nywenkai. ³⁶ . Simooni Peetero namukoba nti mukama wange, okwaba ayi? Yesu namwiiramu nti egye nkwaba toyinza kunsengerya ati, naye olinsengerya gye bukwiiza. ³⁷ . Peetero namukoba ati mukama wange, kiki ekinganirya okusengerya ati? N'awaireyo obwomi bwange ku lwamu. ³⁸ . Yesu nairamu nti wawayo obwomi bwamu oku lwange? Ddala nkukoba nti onkoko takwiiza kukooka nga tonegaine emirundi esatu.