¹ Ebisigaireyo, abaluganda, mutusabirenge ekigabo kya kanca waiswe kibune mangu. Erate kiwebwenga ekitinisya era te nka nikyali omunywe. ² erate tulokoke okuzwa omubantu abatata namagezi, ababbi,kubanga okwiikiriza ti kwaboona. ³ Baitu omukama waiswe mwesigwa, alibagumya, erate yabakumanga edi omubbi ⁴ Erate twesiga omukama waiswe omu bigambo byanywe, nga mukukola bye tukubalagira era mwabikolanga. ⁵ era omukama waiswe yaranbikanga emyoyo janywe okwika omukwendya kwa kanca no mukuguminkirizanga kwa kristo. ⁶ Erate tukubalagira, baluganda, mwesorongenge eji buli, waluganda atatabula kusai, gonze omu ngeso zibawereibwe abazeiza baiswe. ⁷ Kubanga nywe benyenere mumaite ni kibagwanira Okutusengeryanga, kubanga titwatambwire kubbi ni twali omu nywe, ⁸ ate tituryanga mmere ya muntu yeena yeena ya bwereere, baitu omukufa nokukerwa twakolanga emirimo obwire ne misana. Obutazitoweera muntu kunywe. ⁹ Tilwakubanga titwalina buyinza, baitu tw'eweyogyemuli nka ekyakuboneraku mulyoke mutusengeryenge. ¹⁰ Kubanga erate ni twali gyemuli, twabalagire tutyo nti omuntu yeenayeena nagaana okukola emirimo ,nokulya tiyalyenge. ¹¹ Kubanga tuwuura nti waliwo abamwe abatatambula kusai omunywe nka tibakola milimo nakadoli wabula ejabandi ¹² Abali batyo tubekengerenge era te tubakoba omu mukama waiswe oYesu Kristo, okukolanga emirimo nobugolokoki balyoke balyenge emmere yaabwe ¹³ Baitu nywe, abaluganda, timukerwa nga okukola kusai. ¹⁴ Erate omuntu yeena natagonderanga kigambo kyaiswe omu bbaluwa enu, oyo mumulangasirenge, ate timweyimbyanga naye, ensoni zilyoke zimukwaate. ¹⁵ Ate timuloowozanga nga muzigu, naye mumubuulirenge nka owa luganda . ¹⁶ Erate omukama waiswe owamirembe yenyenere abaweryenge emirembe enaku zoona zoona omu bigambo byoona byoona. omukama waiswe abenge nanywe nywena. ¹⁷ Kunu nikwo okulamukya kwange,, Opawulo nomukono gwange, niko kamanyiso omu bbaluwa yoona, nimo ntyo mpandiika. ¹⁸ Ekisa kya mukama waiswe oYesu Kristo kibbenge naaywe nywena.