¹ .Tutandikire erate okwetendereza iswenkai? Obate tukwendya abaluwa nka abandi, ezitusemba ji muli, obate nnywe ze muwandikire nka zitusemba. ² Nnywe muli bbaluwa yaiswa etusemba, ewandikirwe omu myooyo jaiswe; abantu boona boona ji basoma ni betejja emirumo jaiswe ji muli, ³ amazuma muli bbaluwa ya Kristo, ekulanga ebizwa omubuwereza bwaiswe ji muli, etawandikiibwe na bwiino, okwiyaku omwooyo gwa Kanca omwoomi; tikubipande byamabbaale wazira kubipande bya myooyo ja bantu. ⁴ . Erate nimwo tutyo twesiga oKanca oku bwa Kristo. ⁵ Tikubbanga iswenkai tulina obuyinza okulowooza ekigambo kyoona kyoona nka ekizwa jituli, baitu obuyinza bwaiswa buzwa edi oKanca. ⁶ Oyo niye yatusoboleserye okubba abaweereza aba ndagaano ejiyaaka, ti baweereza bannukuta, Wazira aba mwooyo olwakubba ennukuta eitta, baitu omwooyo guleeta bwoomi. ⁷ . Baitu aba nka okuweereza okwa kufa okwaali omu nukutta okwasaliibwe okumabbaale, kwaiziire mu kitinisya kityo, na baana ba isiraeri nibatabayinza na kwetagereza maiso ga Musa olwa kitinisya kya maiso gaamwe, ekyaali kikwaaba okuwaawo. ⁸ . Okuwereza kwa mwooyo tikulisiinga muno okubba ne kitinisya? ⁹ . Olwakubba obate nka okuweereza okuleeta omusango nikyo kitinisya, okuweereza okwa bwikiriiri kweyongera muno okusukuluma ekitinisya. ¹⁰ Ati omu nsonga eyo, ekitinisya ekyasookere, tikyaali kitinisya,nogeregaranya oku kitinisya ekikooto ekisiinga omuno. ¹¹ . Olwakubba oba nka ekyaweirewo chaalina ekitinisya, ekyalubeerera kisiinga muno okubba ne kitinisya. ¹² . Ale nka ni tulina eisuubi eryaaga awo, tusimoola na maani gainji. ¹³ erate ti nka oMusa ayeswekanga oku maiso gaamwa, abaana ba isiraeri balemenge okubona ekitinisya, gonze nka chaali kya kuwaawo. ¹⁴ . Baitu amagezi gaabwe giakakanyiziibwe, olwakubba n’okwica ati, ni basoma endagaano, ekya kuswekaku kidi kicaalowo,erate ekya kuswekaku ekyo kisobola kuzwawo lwa kwikiriza Kristo. ¹⁵ Baitu n'okwicha ati, ebya Musa ni bisomebwa, ekya kuswekaku kiri mu myooyo jaabwe erate tibetejja. ¹⁶ Baitu buli muntu nakyukira Omukama waiswe, ekya kuswekaku kiyibwaawo. ¹⁷ . Baitu Omukama waiswe niye mwooyo, erate awabba omwooyo wa Mukama waiswe niwo wabba eiddembe. ¹⁸ Baitu iswe isweena abatoleibweku ekya kusweekaku, tubonia erate twisana ekitinisya kya Mukama waiswe. Erate oKanca nka naali omwooyo,atukyuusa natufoola nka ye okwingira omu kitinisya kya kisani kyaamwe