¹ OPawulo, Omutume wa Kristo oYesu olw’akwendya kwa Kanca, no Timoseewo ow’aluganda, edi e’Iramyo lya Kanca edi omu Kkolinso, amwei n’abaikiiri boona boona abali omu Akaya yoona yoona. ² Ekisa kibbenge naanywe ne mirembe ebizwa edi oKanca oiteiswe no Mukama waiswe oYesu Kristo. ³ Yebalibwe oKanca erate oitaamwe wa Mukama waiswe oYesu Kristo, oitaiswe owa kusasira, erate oKanca owa kusemeera kwoona kwoona. ⁴ Atusemeerya omu buli kibonobono kyaiswe, iswei tusobole okusemeeryanga abali omu kubonabona koona koona, nokusemeerya iswei oKanca kwatusemeerya. ⁵ Olwakubba ebibonobono bya Kristo nka nibyeyongera omuno jituli, erate nimwo kutyo n’okusemeerwa kwaiswe kweyongera muno oku bwa Kristo. ⁶ Baitu nitubonabona, tubonabona lwa kusemeerwa no kulokoka kwanywe, erate nitusemeerwa, tusemeerwa olwa kusemeerwa kwanywe, okuleeta okuguminkiriza ebibonobono ebyo naiswe bye tubonabona. ⁷ Erate okusuubira kwaiswe kwetulina kwa maani ji muli; olwakubba, tumaite tuti nka nimubonobona amwe naiswe, erate mutyo mugabana n’omukusemeerwa kweiswe. ⁸ Olwakubba nywe abaluganda, titwendya mugaane kwetejja, ebya kubonabona okwa twikireku omu Asiya, nitwazitowereirwe omuno okusiinga amaani gaiswe, erate nitutasuubira kubba bwoomi. ⁹ Erate Iswe twawuliire okwesaara omusango ogwa kufa, ekyo kyalowo leke tuleme okwesiga amaani gaiswe, wazira twesige oKanca ayimbooca abafu. ¹⁰ oKanca eyatuwonerye omu kufa okukooto omuno, erate alituwonia: erate oyo niye gwe tulinamu eisuubi okutuwonia. ¹¹ Nywena mutujune omu kusaba; nitulimala okuweebwa ekisiimo olwa bantu abaiinji, abaiinji leke bebalye oKanca oku lwaiswe, olwe mikisa gyetufunire olwo kusaba kwa baingi. ¹² . Olwakubba okwenyumiriza kwaiswe nikwo kuni, omwooyo waiswe atukakasa ati, omu nsi muni, nokusingira kimwe omu nywe tubaire tutambuura mu bwikiiri no mu mazuma ga Kanca,timu magezi gaiswe,baitu olwa kisa kya kanca . ¹³ . Olwakubba titubawandikira bindi, wazira ebyo bye musobola okusoma no kwetejja, erate nkusuubira nka olumwe mulibyetejerya kimwe. ¹⁴ Erate nka nimwetejaaku ekitundu, baitu okukiro kya Mukama waiswe oYesu, iswe tulibba kwenyumiriza kwanywe,erate nka nanywe nimulibba okwenyumiriza jituli. ¹⁵ Erate omu kwekakasa okwo, nayenderye muno okusooka okwiiza jimuli, musobole okuweebwa ekisa kya mirundi ibiri. ¹⁶ Okubacaara nka nkwaaba e Makedoni , erate nnyire jimuli nka nkuzwa e Makedoni musobole oku nsibiira nka nkwaaba e Buyudaaya. ¹⁷ Ninaali nkwendya okukola ekyo namaare ga gakola? Obate byenteesa, mbiteesa nka omuntu owa mubiri, okukoba nti niwo awo, niwo awo , obate nti tiniwo awo tiniwo awo? ¹⁸ . Baitu nka oKanca niyesigika, ekigambo kyaiswe jimuli tikiri niwo awo erate tiniwo awo. ¹⁹ Olwakubba omwana wa Kanca, oYesu Kristo, iswe gwe twakobere jimuli, nje no Sirwano no Timoseewo, tiyaali nti niwo awo obate tiniwo awo, baitu omu ye buliizo mulumu niwo awo. ²⁰ Olwakubba omu byoona byoona oKanca biyasubiize, omu oyo biri niwo awo, erate Amiina, oKanca ayangirizibwe oku lwaiswe. ²¹ Erate atugumya iswe na nnywe omu Kristo, erate eyatusukireku amafuta niye oKanca, ²² eyatuteireku akabonesyo, natuwa omwooyo omu mitima jaiswe nka omusiingo. ²³ Nje nkweeta oKanca okubba omujuurwa owa meeme yange, nka nikyo nazwiire ntaiza omu Kkolinso, olwakubba nabasasiire. ²⁴ Tirwakubba nti tufuga okwikiriza kwaanywe, baitu tuli bakozi bairanywe olwaisanyu lyanywe; olwakubba olwa kwikiriza mwemeera. 2