¹ oNaume, onyibyala wamwe, namukooba,"mweryana, ntakuswagira kiifo kyewawumulamu, bikwaabile kusai we? ² Ati bunu oBowazi, omusaiza omukama wa bawerereza badi abaala bewabaile nabo, tiwaluganda lwaiswe? Boona, aizakuba asegennya esayiri eigolo oku iguuriro ³ Ale, naba, wesiige amafuta, ozwaale egoye zamu ezisingamu busai, oyabe oku iguuriro; baitu tewemanyisya edi omusaiza oyo mpaka nka amale okulya nokunywa. ⁴ Naye niyabasya owansi, wetegye gya basya osobole okwaba gyali, omubwikule amagulu, obasye ansi awo. Awo aiza kukukobera ekyakukola."oLuusi nakoba oNaume," Nkwaba okukola bulikimwe nka n'okobele." ⁵ oLuusi nakoba oNaume," Nkwaaba okukola kyona kyona kyewankoba." ⁶ Awo naikirila nayaba oku iguriryo, era nagoobera ebilagiro bya nyibyala byeyamuwaile. ⁷ oBowazi nka amale okulya no kunwya erate omuyo gwamwe gwali gusanyufu, nayaba nabasya ansi wantumo wangano. Naiza nk akusoba namubikula amagulu gamwe,nabasya ansi. ⁸ Awo nibwaikire omwitumbi oBowazi natina. Niyekyusa, era awo waliwo omukali abasirye okumagulu gamwe! ⁹ Namubulya niwe nani?" Namwiramu," ninje Luusi omuwereza wamu omukali, ale bwiika ekyambalo kyamu okumuwereza wamu, we olimununuri wange." ¹¹ oBowazi nakoba," muwara wange, oMukama okuwerye omukisa. olangire ekisa kyamu nokusinga olwasokere, olukuba tosengerererye mojjo yenayena, oba muguda oba mwavu. Ati, muwara wange, otatina! nkwaaba okukukola byona byona byewakooba, kubanga ekibuga kyona kyona kimaite nka oli mukyala asanile. ¹² Kitufu nti ndi n'okusasira, naye erate waliwo olina okusasira ali ampi nokunsinga. Sigala anu obwire bwarelo, erate emambya, oba yakukola omulimu ogwiizwile okusasira, baitu niyaba nka takukoora mulimu ogwo nje nagukola, naye obwomi bwa mukama. basya ansi paka nibwakya." ¹⁴ Awo nabasya okumagulu gamwe mpaka nibyakyere. Baitu yaimukire nka ndo muntu yena yena ekitegeile ku. Baitu obowazi yali nka akobele," kitategerwa nti omukali yaizire omu iguriryo." ¹⁵ Awo oBowazi nakoba," leeta ekizwalo kyamu ozwaale okikwate; nagukwata napima ebipimo mukaaga ebya sayiri nabimutwika. niyamale nayaba omukibuga. ¹⁶ oLuusi niyazire owanyibyala wamwe, nakoba," Wakoole otya, mweryana wange?" Awo oLuusi namukobera omusaiza byona byona byamukoleire. ¹⁷ Namukoba," Bini ebipimo omukaaga ebya sayiri nibyo ampaire, erate nankoba,' Otayaba mikono zerere edi onyibyala wamu.'' ¹⁸ Awo oNawume namkoba," sigala ani, mwana wange, mpaka nko omale okumya nka asonga nizaaba, kubanga oyo omusaiza taiza kwiikara mpaka nka amare esonga eni olwalero."