¹ "Bona, natera okusindika omukwenda, erate ali teekateeka enzira omu maiso gange.Ale Omukama ,gwe muswaaga,aliiza omu Iramyo lyaamwe nka tibamaite.Omukwenda wa ndagaano gwe musanyukira,bona akwiiza,"nimwo akoba Omukama wa iye. ² Baitu naani ayiinza okuguminkiriza olunnaku lwa kwiiza kwaamwe? erate naani alyemeera ye nali boneka?Olwakubba aisana nka omuuro gwoyo alongoosa effeeza erate nka osabuuni wa bwoozi. ³ Erate aliikala nka oyo alongoosa effeeza, erate ali longoosa abataani ba leevi,erate ali basengeizza nk'ezaabu n'effeeza,erate bali leeta ebiwebwaayo ebya bwikiriiri edi omukama ⁵ "Ale ndibasemberya omu kusala emisango,erate ndibba mujuurwa mwangu edi abalogo nedi abasiani,nedi abalaira ebya bubeyeji, erate naabo abagobya omupakasi empeera yaamwe,abamigiirya onamwandu n'omulekwa,erate abapeka omu paati nka tamuwaire byaamwe,erate abatantiina ,"nimwo akoba omukama wa iye. ⁶ Olwakubba, ninje Mukama tinkyuukakyuuka;nywe abataani ba Yakobo nikyo muwziire mulema okumlwaawo. ⁷ Okuzwa oku biro bya baizeizza banywe nka mukyuuka okuzwa omu biragiro byange erate timubikuumire.Mwiirwe jindi,nanje nairs jimuli,nimwo akoba Omukama wa iye."Baitu mukoba twaira tutyai?' ⁹ Mukolimiirwe ekikolimo ekyo,Olwakubba munyaga nje, eyanga linu lyoona lyoona. ¹⁰ Muleete ekitundu ek'aikkumi ekirambba omu kideero,ennyumba yange ebbemu emere,erate munkeme nakyo,nimwo akoba Omukama wa iye,obate nka tindibaiguurawo amadinisa ga mwigguru,nimba sukira omukisa nimubulwaaku we mukugutta. ¹¹ Erate ndi remesya oku lwaanywe asaniawo bimuluma,ale n'omuzabbibu gwanywe tigulinaga bibala byaago mu nnumiro nka obwiira bwa byo bucaali kwiika,nimwo akoba Omukama wa iye. ¹² Erate ammanga goona goona bali beeta ba mukisa,olwakubba mulibba nsi ekusanyusa.nimwo akoba Omukama wa iye. ¹³ Ebigambo byanywe jindi byabbanga bikakanyali,nimwo akoba Omukama wa iye. Baitu mukoba, "twakubazireku tutyai okubbi?' ¹⁴ Mwabazire muti okuwereza oKanca kwa bwereere.Erate kugasa ki nka tukwaite biyalagiire, erate nka tutambuliire omu maiso ga Mukama owa iye nka tukungubaga? ¹⁵ Ale aati abamalala nibwo tweeta aba mukisa,abamalala tibabba na mukisa kyonkai,Baitu bakema n'okukema oKanca erate nibawonna."' ¹⁶ Ale abote abatiina Omukama nibabaza bonkai nabonkai.Omukama nawuliirya nawuura,erate ekitabo kya kwizukira nikibawandikirwa omu maiso gaamwe okwaabo abatiina Omukama n'okuwa ekitinisya eibara lyaamwe ¹⁷ Babbanga bange,"nimwo akoba Omukama wa iye," oku kiro kyendikooraku,balibba kintu kyanga kya muwendo.Erate ndibasonyiwa nka omusaiza nasonyiwa omutaani waamwe amuwereza. ¹⁸ Ale te mulyawula akati wa mwikiriiri n'omubbi,akati wooyo aramya oKanca n'oyo ata muramya.