¹ Okulangiira kwa kigambo kya Mukama edi oIsraeri okwakala omu mukono gwa Malaki. ² oMukama nka akukoba "Nabenderye".Baitu mukoba," Otwenderye otyai?" oMukama nakoba ati" Esawo tiyaali mugande wa Yakobo?. "Nje ninyendya oYakobo, ³ Baitu ninkyaawa Esawu.Ensozi zaamwe ninzifoola okubba ekifo ekyalekeibweewo,erate obusika bwaamwe okubba ekifo kya bbuwa eza mwiirungu." ⁴ Edom nalikoba ati tukubbiibwe ansi,baitu te tuliira nitomboka ebifo byaiswe ebyasanirewo," Omukama wa iye alikoba ati bayinza okomboka,baitu ndi banagga ansi tte. Abandi bali beeta 'Ensi ya basiisi' erate abantu oKanca beyakolimiire emirembe zoona zoona.' ⁵ Amaiso gaamu genyenere gali bona kinu,erate okobe oti omukama wa maani okusiinga ensalosalo za Israeri."' ⁶ Omwaana omwojo awa ekitinisya oitaamwe,n'omwiiru awa ekitinisya omukama waamwe.Ale obate nka ndi itaanywe,ekitinisya kyange kirai? erate oba nka ndi itaanywe,okuntiina kwanywe ku lai? Omukama wa iye nimwo akubakoba nnywe aba Kabona abanyooma eibara lyange. "Erate mukoba muti twanyoomere tutyai eibara lyaamu?' ⁷ Muweerayo oku kyooto kyange omugaati ogusinsikaire.Erate mukoba muti twakusiire tutyai? Nka mukukoba muti emenza ya Mukama terumu ka buntu. ⁸ Nimuwaayo essaddaaka za bisolo ebiigali bya maiso,ekyo tikibbi? Nimuwaayo ezirema nendwaire,ekyo tikibbi? Ale jiweeyo edi akukulembera; yasemeera? obate yakwikiriza? nimwo akoba omukama owa iye. ⁹ Aati musigala nka mukusaba oKanca atukwatirwe ekisa.Baitu Omukama owa iye nakoba olwa ssaddaaka ezo omu mikono zaamu,yazikiriza? ¹⁰ Omukama wa iye nakoba,Omu nnywe siinga mubbairemu omwei eyandiiggairewo enziggi, muleme oku kuma omuuro oku kyooto kyange obwereere! Timbba semeerwa nakadooli, erate tinyikiriza kiwebwaayo ekizwa omu mikono zaanywe. ¹¹ Olwakubba okuzwa eisana jirizwa okwiika jeegwa eibara lyaange likulu omu ba mmanga; n'omu bifo byoona byoona obubbaani ne biwebwaayo ebirongooki biriwebwaayo omu ibara lyaange.Eibara lyaange lya libba lya maani omu mmaanga," nimwo asimoola Omukama wa iye. ¹² Baitu nywe munzumisya nimukoba muti emenza ya Mukama esinsikaire,n'ebibala,n'emere yaamwe terumu ka buntu ¹³ Erate musimoola muti 'omulumo gunu nga gukooto,'nimwo akoba Omukama wa iye ."Ezirwaire,ezirema,obate eziririibwe ensolo za mu kisiko nizo muleeta nka ekiwebwaayo kyanywe.Inyikirize ekyo okuzwa omu mikono zaanywe?"nimwo akoba Omukama wa iye. ¹⁴ Baitu, oyo omu beyeji akolimirwe,aliina ennumi omu kisibo kyaamwe,niyeeyama nawaayo essaddaaka jendi eruku obulema! Olwakubba nje ndi mukama wa maani,"Nimwo akoba Omukama owa iye," n'eibara lyange lya kitinisya omu mmaanga."