¹ Ale ekigambo kya Mukama nikizira oYona omulundi ogwa kabiri,nka kikukoba, ² "Imuka,oyabe e Nineeve ekibuga ekikooto,okirangiireku ekigambo kyenkukobere okukikoba." ³ Ale oYona naimuka nayaba e Nineeve,nka ekigambo kya Mukama nikyaali.Erate oNineeve kyaali kibuga kikooto muno,olugendo lwa nnaku isatu okukimalaku. ⁴ Oyona nasooka okwingira ekibuga natambula olugendo lwa lnnaku lumwei nabazira aigguru nakoba ati "Ennaku amakumi anai niziryakalawo oNineeve kirizikiira." ⁵ Abantu ba Nineeve nibaikiriza oKanca nibalangiira okusiiba.nibazwaala obuziina,okuzwa oku muto okwiika oku mukulu. ⁶ Maagu ago ebigambo nibiika oku mukama wa Nineeve.Naimka okuzwa oku ntebe, nayambulamu ekizwaalo kyaamwe, niyeswekaku obuziina,naikala omwikoke. ⁷ Nalangiira nakobera oNineeve yeena yeena,"olwaiteeka lya mukam na baami baamwe:omuntu,ebisolo,eiggana, n'ekisibo, birime kukomba ku kintu. gonze okulya obate okunywa amaizzi. ⁹ Naani amaite obate nka oKanca alikyuuka erate,alyeizukya, nakyuuka okuleka obusungu nekiruyi kyamwe,tuleme kuzikiira? ¹⁰ OKanca nabona kibakoore,nibakyuukire okuzwa omu mazira gaabwe agabbi.Ale te oKanca nakyuusa endowooza yamwe oku kibonerezo kiyaali alangiriire okubakola,natakibakole.