¹ Ale ekigambo kya Mukama nikiizira oYona omwaana wa Amittayi,nka kikukoba, ² kiti "immuka,oyabe e Nineeve ekibuga ekyo ekikooto okirangiire, olwakubba obubbi bwaabwe buniinire bwikire omu maiso gange" ³ Baitu,oYona naimuka okwirukira e Talusiisi okuzwa omu maiso ga Mukama; naikiriira e Yopa nayaja ekyombo nka kikwaaba e Talusiisi. Ale nasasula naniina okwaaba nabo e Talusiisi,azwe omu maiso ga Mukama. ⁴ Baitu Omukama nasindika ompungo omwinji oku nnyanja,n'omuyaga ogwinji nabba oku nnyanja ne kyombo nikyendya okuwendekamu. ⁵ Nabavugi nibatiina muno,nabuli muntu nakungiira okanca waamwe.Nibanagga ebintu ebyaali omu kyombo bakendezeeku obuzito.Baitu,oYona yaali aikiriire ansi wa kyombo,nka abasirye otulo twinji. ⁶ Ale omuvugi wa kyombo naiza jaali namukoba ati,"obaireki we okubbasya? immuka! yeta okanca waamu! obate okanca waamu yatwizukira tulime kuzikiira." ⁷ nibasimoola buli omwe n'omwiramwe,"nti izza tukubbe akalulu,leke tweteje gwe tukujunaanibwa akabbi kanu okutbbaaku."Nibakubba akalulu,akalulu nikagwa oku Yona. ⁸ Ale nibakoba oYona bati, tukobere gwe tukulangibwa akabbi kanu; okola mulumo ki? okuzwa ayi?,ensi yaanywe nsi ki? ekika kyaanywe kika ki?" ⁹ oYona nabakoba "ndi Mwebbulaniya; ntiina Omukama oKanca owa mwigguru eyakoore ennyanja n'olukalu. ¹⁰ Ale abantu nibatiina muno nibamukoba bati"okoore ki kinu?" olwakubba abantu betejerye nka ayirukire mu maiso ga Mukama,olwakbba yaali abakobeire. ¹² oYona nabairamu,"munyimule munnage omu nnyanja. Ale ennyanja yabateekera,olwakubba mmaite nka ninje nzwiireku omuyaga guni okubabbaaku." ¹³ Baitu abantu nibavuga muno okwirayo oku lukalu,nibatasobole olwakubba ennyanja yaabire nka yeyongera mbbe okufukuuka okubalemesya. ¹⁵ Ale nibaimula oYona nibamunaga omu nnyanja,ennyanja nerekeraawo okwesikuula. Ale abantu nibatiina muno Omukama.nibaayo essadaaka edi Omukama erate nibeyama obweyamo. ¹⁷ Atubunu Omukama yaali atekeretekere ekyennyanja ekikooto okumira oYona,oYona namala ennaku isatu omu kidda kya kyennyanja emisana n'obwire