¹ Oku lunaku olwa abiri nolumwe omu mwenzi ogwa musanju,ekigambo kya Mukama ni kiiza omu mukono gwa Kagayi o nabbi,ni kikoba, ² koba omukwenda wa Yuda,oZerubbabeeri omutaani owa Seyalutyeeri,no Yoswa omusumba obukulu omutaani wa Yekozadaaki,no ku bantu abafikirewo.koba, ³ Naani asigaire omu nywe eyaboine enyumba enu omu kitiibwa kyayo ekyekereire?okugibona otyai aati?tekuboneka nka eterina mugaso omu maiso ganywe? ⁴ Aati, ba namaani, Zerubbabeeri! kunu nikwo kulangiira kwa Mukama-era ba mugumu,Yoswa omusumba omukulu omutaani wa Yekozadaaki;erate ba mugumu,abantu nywe nyweena abali omu nsi,ndi nanywe!atyo nimwo asimoola oMukama wa iye. ⁵ Enu nijo endagano gye nalagaine naanywe ni kwaali mukuzwa omu Misiri,no mwoyo gwange gusigala naanywe.Timutiina! ⁶ O Mukama wa iye niye akukoba kinu:omu kaseera kadooli,ndiiramu ninyeenya eiguru ne nsi,enyanja neitakali erikalu! ⁷ ndinyeenya buli iyanga,erate buli iyanga lirindetera ebintu byaryo ebisai,ndiizulya enyumba enu ekitiibwa,nimwo asimoola oMukama wa niye. ⁸ Efeeza ne zaabu byange! atyo nimwo alangiira oMukama. ⁹ Ekitiibwa ekya nyumba enu kiriba kya maani omu maiso okukira omu ntandikwa,atyo nimwo akoba oKanca,ndita emirembe omu kifo kinu-kunu nikwo kulangiira kwa Mukama ¹⁰ Oku lunaku olwa abiri neinai omu mwenzi ogwa mwenda ,omu mwaaka ogwa kabiri ogwa Daliyo,ekigambo kya Kanca ni kiiza edi o Kagayi o nabbi,ni kikoba, ¹¹ oMukama akukoba aati:Buulya omusumba oku mateeka,okobe, ¹² oti omuntu natwaara enyama egis eya Kanca omu kizwaalo kyamwe,nakwaata oku musaayi oba myoyo,mwenge oba mafia,oba buli kika kya mwemere,kiriba kyeruki?Abasumba bairemu ni bakoba,"Be". ¹³ Ate oKagayi nakoba,omuntu batali mulongooki olwa kukwaata okukyefeera,baba tibalongooki ?"Abasumba abairemu ni bakoba,"Yee,bafuuka bacaafu." ¹⁴ Ale oKagayi nairamu nakoba,"ale kiri na bantu banu na maanga ganu omu maiso gange!atyo nimwo asimoola oKanca-erate kiri ku buli muntu ekikolebwa ne mikono gyabwe.Ekyo kye bampa kiba tikirongooki! ¹⁵ Ati buni,lowooza omu birowoozo byaamu ebyo ebyairai ebikyaliwo okwica eleero.Nga eibbaale licaali kuteebwa okwibbaale omu ekalu ya Mukama, ¹⁶ retai lityai te? noika okuntuumo eya bipimo amakumi abiri ebyampeke,waali wasigairewo ikumi byonkai;ate noika omu ssogolero erya mwenge okusena amakumi ataanu,mwalumu abiri byonkai. ¹⁷ nabataaku okugengewala nobutengu nomuzira,baitu mukyagaine okwiira gyendi,nimwo akukoba oMukama. ¹⁸ mulowooze,okuzwa oku lunaku olwa abiri neinai omu mwenzi ogwa mwenda,okuzwa oku lunaku lwe batandikirewo omusingi ogwa nyumba ya Kanca.mululowooze! ¹⁹ wakyaliyo ensigo omu sitoowa?omuzabibu,nomutiini,nomukomamawanga nomuzeituuni tibyabaare!Baitu okuzwa olwaleero nabaweerya omukisa!" ²⁰ Erate ekigambo kya Mukama ni kiiza edi o Kagayi omurundi ogwa kabiri oku lunaku olwa makumi abiri neinai omu mwenzi ni kikoba, ²¹ baza nowaissaza erya Yuda,oZerubbabeeri,omukobe,ndinyeenya eiguru ne nsi. ²² ndinagawo engule eya bukama ni nsiisa amaani aga bukama obwa maanga!ndinaga amagaali naabo abagavuga;embalaasi naabo abazivuga baligwa ansi,buli omwe olwa mpirima ya muganda wamwe. ²³ Oku lunaku olwo, okwo nikwo kulangiira kwa Mukama wa iye ndi kutwaala,o Zerubbabeeri omutaani owa Seyalutyeeri,nka omuweereza wange_atyo nimwo akukoba oMukama .ndi kufuula nka empeta ,olwakuba nkulondere we!nikwo kulangiira kwa Mukama wa iye!"