¹ v 1Kubba, ndowo bukulu obutazwa edi okanca nabakulu abalowo batebebewo kanca. ² . Awakanisya obukulu kyza awakanisya okulagira kwa kanca, erate ababawakanisya balyetaku omusango abenyenere ³ . Kubba abafuga tibatinisya abo abavola ebisai, baitu abo abakola ebitalibisai erate ayeendya obutatina mukulu? kola obusai, alikusiima. ⁴ . kubba, niye muwerezza wa kanca edi we olwabusai, baitu nakola okubi tina kubanga takwatila bwerere empirima kubba niye muwerezza wa kanca awoora obusungu bwamwe ku'oyo akola obubi. ⁵ . nokyokizwire kibasanira, okuura ti lwa kwebala obusungu bwa kanca bwonkai, baitu erate noku lwamwoyo waiswe. ⁶ . Erate nekyo'nzwa muwa omusolo, kubba nibo bawerezza ba kanca, nka bafuga mumulimu ogwo. ⁷ . musasulenge bonabona amabanza gabwe, aba'musolo; musolo, abampooza, mpooza abakwitibwa, kutina, nabetinisya kitinisya. ⁸ . Temubanga naibanza lyonna edi omuntu yenna, wabula okwendyanganga; kubba ayendye omuntu mwiramwe, nka aikirya amateeka. ⁹ . Kubbanga kini toyendyanga, toitanga, toibanga tewegombanga neiteka elindi lyona regaitibwe omu kini mweyendya nywenkai." ¹⁰ . okwendya tekukola kubi muntu mwiramwe, okwendya nekyo kwikirya amateeka. ¹¹ . Erate mukolenga mutyo kuba mumaite ebiro, nko bwire bwikire atii okununulwa kwaiswe kusembeire okusinga wetwasiimire. ¹² . Ekisera kyakaire, obwire bwatera okukya, kale twambule ebikolwa bya kirikirya, erate tuzwale ebyakulwanisya. ¹³ . Tutambulenge nka tusununwile nka abali omwisana, tinka omubinyimo ne mubanga, eze kutamiranga, timubwenzi, obugwagwa okulwana no bwiiya. ¹⁴ Baitu muzwale omukama waiswe Oyesu kristo kale timutegekeranga omubiri kulwakwegomba.