¹ . Kale nkusimola ati, okanca yagobere abantu bammwe? Kitalo. nanje omwenyini ndi muisirairi, walulyo lwa Ibulayimu, wamukika kya Benyameni. ² . okanca tagaananga batu bamwe beyetegerye eirai .Erate timwetegya ebyawandikibwe oku Eria nibisimolebwa engeri gyeyasaba okanca oku Baisirairi? ³ . "kanca baitire abanabbi bamu nibabasaniawo, nebyotto nibisanawo, erate nanje nsigairewo njenkai, erate bakutolya obwomi bwange." ⁴ . Baitu okanca yamwiremu ati nekumire abasaiza kasanju (7000) abatakubenge magwi kubandi. ⁵ . kale nikityo erate nomubiro bini waloowo ekitundu omukukomya olwakisa. ⁶ . Baitu nikiba nka lwakisa, ti lwa bikolwa ate; olwo ekisa kiba tikikyaloowa. ⁷ . ati tukole tityai? Israiri yalemwa ofuna eceyali akuswanda gona, abalondebwe bakiboine, ate abandi bakanyizibwe, ⁸ . nka nikyawandikibwe ati, " okanca yabawaire omwoyo ogwokuwongera, amaiso agabutabona namatwi agobutaura,okwica okulunaku lwaleero. ⁹ . Odaudi abaza ati emmeza yabwe ebafukire kiteggo,kibimikiryo, nenkonge, nempeera egyebali. ¹⁰ . Amaiso gabwe gakomenga obutabona, bainamyenga nemigongo gyabwe emirembe gyona. ¹¹ . Kale nkusimola ati , nikyo bazwa nebe sitala ale nibagwa? Kitalo baitu olwakusisa kwabwe abacunguri nikwo bwazwire nibwaba edi ababamawanga, aba Isirairi bakwatibwa obwiiya. ¹² . Baitu oba okusisa kwabwe kutegeza itungo lyansi, nokulemwa kwabwe kutegeza itungo edi abapatti, okwikiriza kawbwe tikusinga muno? Obucunguli bwabapati ¹³ . Ati nkubulya nanywe abapatti. kubanga nje ndi mucunguli wa bapatti, ntumbya okuwereza kwange, ¹⁴ . nsobole okwalisai abayudaya bairange obwilya, ntyo ndokole abamwei kwabo. ¹⁵ . Ssinga okugobebwa kwabwe kwali kutabaganya nsi, okusemberya kwabwe ketegeraki, okwiyaku obwomi okuzwa omubafu? ¹⁶ . Erate ebibala ebyekera nibiba ebikiriri, erate embiriko eba gikiriri, erate ekitima nikiba ekikiriri, erate amatagi gaba gakiriri. ¹⁷ . Baitu oba amatagi gawogolebweiku, wena, abaire omuzaituni ogwamukisiko, nasimbibwa omukitina kyagwo ogabane okubuguda obwa mu zeyituuni, ¹⁸ . tiwenumiriryanga kumatagi ago. Baitu newenyumiryaku izukira nti tiniwe okwatira ekikolo baitu ekikolo kiwanirwa niwe. ¹⁹ . Kale wabaza oti, amatagi gawawulwaku nje nsobole okusimbibwaku, ²⁰ . gonze gawawirweku olwabutaikiriza wena ogumire kulwakwikiriza. ²¹ . singa nga okanca tiyasasire matagi agabubyaire, erate wena talikusasira. ²² . Kale bona obusai n’obuwandi bwa kanca edi abagwire, buwandi baitu edi we busai bwa kanca ²³ . Erate bona nnibataliremera omubutaikiriza bwabwe baligaitibwa okukikolo, lwakuba okanca ayinza okubangaitaku. ²⁴ . singa nga wee wawawirwe oku muzayituni ogwa mukisiko omubabyaire, no kusimbibwa kwomu zeituni ogusai, obutalolerwa babyaire, abo abobubyaire, tibalisinga muno kusimbibwa okwa muzeyituni gwabwe? Okusasira kwa kanca edi bona ²⁵ . Kubanga tinkwendye nywe aboluganda obutamanya kyama kini, muganenga okuba abamagezi omumaiso ganywe nywenka, ngobukakanyali nibuba oku ba Isirairi okwikya abagwira nibalika okwikirwa kwona; ²⁶ . Erate kityo aba Isirairi bona bona balicunguka, nka nikyawandikibwe ati omununuzi alizwa omusayuni. ²⁷ . Erate ati nijjo endagaano yange nabo, nindibaiyaku ebibi byabwe. ²⁸ . Okusinzira omunjiri, nibo abalabe ba kanca okulwanywe; baitu okusinzira omukulondebwa, batakibwa kulwa bazeizababwe. ²⁹ . kubanga ebirabo nokwetta kwa kanca tebyezucibwa. ³⁰ . Erate nkanywe eirai nimwali abatawura edi kanca baitu atiburi musasirwe olwampuwitu yanywe. ³¹ . Batyo bona basasirwe nkanywe nimwasasirwe. ³² . kubanga okanca yasibire abantu bona bona abampwittu asobole okusasira bona bona ³³ . Ensibuko ya bugaiga obwamagezi nokwetegyakwa kanca tomaite nka nibuba. ³⁴ . Naani eyali yetegeryeku ebirowoozo bya kanca? oba nani eyali amuwaireku amagezi? ³⁵ . Oba nani eyali amutoneireku ekirabo leke omwiiriryewo? ³⁶ . kuba byona byona bizwa giniye, erate byakaara giniye erate nibika egyali. ekitinisya kibenga egyali emirmbe seregenyi, amiina.