¹ Opawulo, omwiru wa Yesu Kuristo, eyayeteibwe okubba omukwenda, eyayawuliibwe enjiri ya Kanca ² .jeyasuubiize erai okwakala omubalangii baamwe omubyawandikiibwe ebikweera. ³ . Ebigambo ebisimoola omukama waiswe Oyesu kristo eyabyalibwe omululyo lwa Daudi omumubiri ⁴ . Eyalangiibwe okuba omwana wa Kanca. Omummani ga mumwooyo gwa bwikiriri, olwakuyimbooka kwabafu, OYesu Kuristo mukama waiswe ⁵ . okwakala omuye, okanca yampaire ekisa ebyakuba omukwenda olwabusai bwa kristo, nsoboole okukulembera abantu ba mawanga goona goona baikirize erate bagonde ⁶ . Kini kitwaryamu nanywe abali omu Rooma, okanca bayetere okuba aba Kristo ⁷ . Erate nkuwandikiira nywena nywena abali omu Rooma, okanca bataka era nkayabetere okuba abantu baamwe okanca oitaiswe nomukama Oyesu kristo babaawe ekisa neidembe ⁸ . Okwekera nkweebalya, okanca wange okwakala omu yesu kristo okulwanywe nywenanywena, Olwakubba ensi yonayoona ekuwura okwikiriza kamwe. ⁹ Olwakubba oKanca niye mujuurwa wange,gwe mpeereza omu mwooyo gwange omu njiriya Mwaana waamwe, nimbaza oku nnywe obutamala ¹⁰ . Nka negayira buliizo omukusaba omukusaba kwange,nsoobole ntabulibwe kusai erate nati Okanca niwo akwendya okwiiza jemuli. ¹¹ . Kubba mbalumirwa okubabona, nsoke okubawa okukirabo kyamoyo, aleni munyezebwe. ¹² . Nikwo kusanyukanga amwe nanywe olw’akwiikiriza kwanwye no'kwamge. ¹³ . Baitu muli nokwiikiriza baganda bange ati emirundi zingi ntekereteekere okubakyara, baitu niwabbawo ebindemesya okwiiza. Nkutekateka okubona ati nkufuna abakuukire baigi omunywe nywenw nka nakikoore omumayanga agandi. ¹⁴ . Olwokubba kinkwaataku edi abantu boona boona, edi abayonaani nabanamawanga needi abamagezi na basirusiru. ¹⁵ . Nolweekyo nkweegomba muno okukukobera omawuro agasai nanywe abali omu Rooma nka ninsoboola. ¹⁶ . Kubba omumawuuro agasai, tegakwatisya nsoni: gani nigo maani ga Kanca olwa okucungura boona boona abaikiriza, okwekera abayudaaya erate nedi omuyonani. ¹⁷ . Olwakubba omuye obwikiriri bwa kanca buswekulwa okuzwa omukwikiriza okiika ¹⁸ . Kubba Obusungu bwa Kanca bwaswekulibwe okuzwa omwiiguru edi obutatina kanca bwona nobutaaba nabwikiriri obwabantu abayiyiza amazuma mubutaliina bwikiriri. ¹⁹ . Kubanga ebya kanca ebimanyika biboneka edi abo: kubba Okanca niye abibonesya ²⁰ . Kubbanga enyamwe ebitaboneka okuzwa oku Kanca ensi bimanyikira kimwe nka bitegelerwa okubitonde, obuyinza bwamwe onutawawo no bwa kanca bwamwe bbabe nka tebalina kyakuwozya. ²¹ . Kubbanga, nibamanya okanca naye nibatamuwangiriza nka Okanca newankubaile okumwebalyanga baitu nebasengeryanga ebitalumu omumpaka zabwe, omwoyo gwabe omusirusiru ne ²² . Bekoba bati bagezi, baitu basiruwala ²³ . Omukifo kyakulamya Okanca omwoomi ebiiro byoona boona, balamya ebibumbe ebyesanisirya nka omuntu afa oba ebinyonyi oba ebisolo ne ²⁴ . Okulweekyo Okanca yawaireyo abantu abo edi obugwagwa ekyomoyo gyebwe zegomba okukola erate mbakola ebintu ebyansoni bonkai nabonkai. ²⁵ . kubanga amazima ga kanca bagakyusamu obubegi, ni bagulumizanga erate nibawerezanga ekibumbe omutondi, eyabalibwa emirembe ne mirembe ²⁶ .Kanca nikyo kyoyazwile abawayo edi okukwatibwa okwensoni, kubanga abakali babwe ba kyusirangana ekikorwa kyabwe bubyaliranwa nibakifula ekitali kyabubyaliranwa. ²⁷ . Erate nabasaiza batyo nimo baleka ekikorwa kyamukari, ekyobubyaliranwa ne bekango omukwegomba kwabe bonkanabonka, abasaiza nabasaiza nka bakolagananga ebitasana erate batyo baweebwa mubbo boncai ekibonelezo okisanira okwonona kwabwe. ²⁸ . Erate nka ni bataikiriza okuuba nokanca omumagezi gaabwe, okanca yabaweireyo edi omwoyo ogutaikirizibwa okukolanga ebitasana. ²⁹ . nka baizwire obutaba na bwikiriiri yade obubi okwegomba, eitima nka baizwire obwiiya, obwiiti, okuyomba, obukuyikuyi, enkwe, abageya. ³⁰ . Abalyolyoma, abakyawa, okanca, abakyejo, abamalala abeenyumirya, abayiiya ebigambo ebiibi abatawulirya babyale bebwe. ³¹ . abatalina magezi abaleka endagano, abatatakangana, abatalina kusasira ³² . Erate yadenga bamaite nga okanca asala omusango ererate abakora ebyo basaanire okufa tibabikorambe erate ne basima abakikora.