¹ . Owaana wa ntaama yaswekwire envumbo eyamusanju, niwabaawo okusiriiikirira mwiguru okumala nka ekitundu ekya saawa. ² nimbona abamalayika musanju nga beemereire omumaiso ga kanca ni baweebwa empeetu musanju. ³ nomalayika owundi naiza nga alina ekyooterezo ekya zaabu nayemeera okweeliraana ekyooto, naweebwa obubaani bwingi leke abute omukuramya kwa baikiriiri boona boona okukyooto ekya zaabu ekya baire omu maiso g'antebe. ⁴ nomwiika ogwa bubaani ni guniina amwe nokuramya kwabaikiriiri nga gukuzwa omu mukono gwa bamalayika omu maiso ga Kanca. ⁵ o Malaika natwaala ekyooterezo, nakiizulya omuuro ogwa mu kyooto nakinaga oku nsi ni wabaawo okubwaatuka namaraka nokumyansa nokutengeetebwa ⁶ awo nabamalayika omusanju ababaire nobugombe omusanju ni beeteekateeka okufuuwa ⁷ oMalaika asooka nafuuwa, ni wabaawo oikendi wamabbaale n'omuuro ebyali bitabule ne'isaggama binabibwa oku nsi. N'ekitundu eya kasatu ekya nsi ni kiya, na buli issubi eribisi niriya. ⁸ OMalaika owa kabiri nafuuwa,nkolusozi olukooto olukwaka omuuro nelunagibwa omu nyanja, nekitundu ekyakasatu ekya nyanjja nekifuuka musaayi. ⁹ Ne buffs ekitundu ekya kasatu ekya bitonde ebya mu nyanja,ebyoomi, nekitundu ekya kasatu ekya maato ni kisaanawo ¹⁰ OMalaika owa kasaku, onyenyeezi omukooto nazwa omwigguru nagwa nga akwaaka nkolumole nagwa oku kituundu ekya kasatu ekya miiga, no kumazuba aga maizi. ¹¹ Neibara lya nyenyeezi lyetebwa Abusinso, nekitundu ekya kasatu ekya maizi ni gafuuka Abusinso, nabantu bainji nibaffa olwa maizi, kubanga gasaliirwe. ¹² OMalaika owa kanai n'afuuwa, nekitundu ekya kasatu ekya isana ne kikubibwa, nekitundu ekya kasatu ekya kwezi, nekitundu ekya nyenyezi, ekitundu ekya kasatu kiryoke kisaanyizibwewo, n'eisana leke ryake nekitundu kyamwe ekya kasatu, nekiro kityo. ¹³ Nembona, nembuura ekikagoma nkeguluka akati wa igguru nka kusimoola neiraka erikooto nti, ''zibajirye, zibajirye, zibajirye abaikala oku nsi, olwamaraka agasigaireyo agakagombe akabamalaika abasatu abakwaba okufuuwa.''