¹ Nimbona omu mukono ogulyo ogwoyo eyaali akaire ku ntebe ekitabo nga kiwadikiibwe omunda no kuruguru, ate nga guwebweibwe muno obumanyisyo musanju. ² Ni mbona otumwa owamaani nga akubuulira omwiraka erikooto nti naani asaanire okwanzulula ekitabo nokwonola obumanyisyo bwakyo omusanju? ³ Ni wataabbe ngonze omwei omwigguru ngonze oku nsi ,ngonze ansi wa nsi asobola okwanzulula kitabo,gonze okiloleera, ⁴ nanje nikunga muno amaliga, olwakubba tewabonekerewo eyasaanire okwanzulula kitabo, ngonze okukiloleera ⁵ ale omwe oku bakaire nakoba ati otakunga bona, ontale owa mukika kya Yuda, ekitina kya Daudi, yawangwire, okwanzulula ekitabo obumanyisyo bwakyo musanju. ⁶ Ni mbona akati wa ntebe nebyomi ebinai, nakati w'abakaire,omwana gwataama nga gwemereire nga akwiisana nka oddi eyaitiibwe,nga alina amembe musanju,namaiso musanju,nigyo myoyo omusanju ejja Kanca ejitumibwa omu nsi zoona zoona. ⁷ naiza nakiiya omu mukono ogulyo ogwoddi eyaikaire oku ntebe. ⁸ Ni yakwaite omuzigo,ebyomi ebinai nabakaire abiri mubanai(24),ni bavunama omu maiso ga mwaana wa'ntaama,buli muntu ng'ali nenanga.ne bibya eby'azaabu ebiizwire obubaani ni kwo kuramya okw'abaikiiri. ⁹ Ni bayemba olwembo oluyaaka, nga ba kwemba nti "niwe asaaniire okutoolawo ekitabo nokwonolo obumanyisyo bwakyo, olwakubba waittiibwe noguura oKanca olwa isagama lyamu omu buli kika no lulimi,nabantu, neiyanga; ¹⁰ nobafuula eji oKanca waiswe o bukama era bakabona, erate bafugga oku nsi." ¹¹ Ale ni ndoola,erate ni mpuura eiraka lya bamalaika bainji bakaire nabakaire,nkumi na nkumi nga berugulirye entebbe ne byomi nabakaire ¹² nga ba kusimora omwiraka erikooto bati "abasaanire omwana gwa ntaama eyaitiibwe,okuwebwa obuyinza, no buguudda na magezi,na maani,ne ttendo,ne kitinisya no mukisa". ¹³ Ale nisobola okuwuura buli kitonde ekiri Omw'igguru no ku nsi nansi wa nsi no mu nyanja nabwonai ebibbamu nga bikukoba "eddi ebikaire ku entebbe neddi omwana,gwa ntaama omukisa neittedo ekitinisya namaani byaabwe emirembe ne mirembe" ¹⁴ nebyomi ebinai ne bisimoola biti "Amiina"nabakaire ne bavvunama nibaramya.