¹ . Erate eji ntumwa owa kanisa eya saadi wandiika nti,ati nimwo akusimoola oyo alina emyoyo omusanju eja Kanca,nobunyenyezi omusanju,nti mmaite ebikolwa byamu,ng'alina eibara eryakubba omwomi,ate oli mufu. ² bonia,onyweze ebisigaireyo ebikyaali,kufa,kubbanga nkyali kubona omu bikolwa byamu ebiikirire omu maiso nga Kanca wage. ³ Ale izukira bye waweweibwe ne bye wawuliire,obikwaate,era oyendeke omwoyo.ale notabonie,ndiiza nko omwibbi erate tolimanya ssaawa jendiiziramu jooli ⁴ baitu olina amabara gadooli agabantu omu saadi abakyalikusiisa ngoye zaabwe,balitambula nanje,omungoye ezeru kubbanga basaaniire. ⁵ Atyo awagula alizwalikisibwa engoye ezeeru,erate tindiyamu nakadooli ibara lyamwe omu kitabo kya bwoomi. ⁶ alina okutwi awuure omwoyo kyakukoba ekkanisa ⁷ Erate eji malaika owa kkanisa eyamu Firaderutiya wandiika nti, nimwo akusimoola oyo omwiikiiri ,owamazima ,ayina ekisumuluzo kya Daudi ,aigulawo ⁸ nti mmaite ebikolwa byaamu (bona,nature omu maiso gaamu olwiggi olwiigule,omuntu yeena yeena lwatayinza kwiigala)kubbanga olina amaani gadooli,nokwaata ekigambo kyange,noteegana ibara ryage. ⁹ Bona, nga aba mwikkumbaniro lya setaani abeeyeta Abayudaaya,ate nga tinibo ,baitu babbeyegi;bona,ndibaleeta okwiiza okusinza omu maiso ga magulu gaamu. ¹⁰ kubbanga wekuuma ekigambo ekyakugumiikiriza kwange,erate,nanje ndikukuuma obutaingira omu kiseera ekya kukemebwa,ekikwaaba okwiiza omu nsi zoona;okukema abo abaikala oku nsi ¹¹ nkwiiza mangu ,nyweza kyolina ,omuntu yeena aleme kutwaala ngule yaamu. ¹² Awaguula ndi mufuula,empagi omuyeekalu ya Kanca wage,erate taliwuluka nzai,nanje ndi wandiika okuye eibara lya Kanca wange.neibara lya kibuga kya Kanca wange,oY erusaalemi ekiyaaka,ekigwa okuzwa omwiguru e wa Kanca wange;neibara lyange eriyaaka. ¹³ alina okutwi awuure omwoyo kyakukoba ekkanisa. ¹⁴ Era eji ntumwa owa kkanisa eya mu Lawadikirye wandiika nti,ati niwmo okusimoola oyo Amiina,omujuurwa omwesigwa era owamazima,oluberyeberye lya kutonda kwa Kanca, ¹⁵ nti mmaite ebikolwa byaamu,nga ofuka ate toyokya,akiri obe nga okuffuka oba okwokya. ¹⁶ baitu,kubanga ottagatta,nga tofuka ate toyokya,ndikucwanta okuzwa omu kanwa kangi. ¹⁷ kubbanga osimoola oti,ndi muguuda,era ngguduwaire, ate tinduku kye nkyayendya,ate tomaite nga oli munaku we,era asaasirwa omwooro,era omwiigali wa maiso era ali obukunya. ¹⁸ nkukuwa amagezi okugula jendi ezaabu eyasayirwe omu muuro,olyoke ogguuduwale,nengoye enzeru olyoke ozwaale,era ensoni za bukunya bwaamu zireme okuboneka,era onguleku omubazzi ogwakusiiga oku maiso gaamu,olyoke obone. ¹⁹ Nje benyendya mbanenya,era mbalamba ale nyiikira wenenye. ²⁰ Bona,nyemereire oku lwiiggi,nkukonkona,omuntu yeena nawuura eiraka lyage,naiggulawo olwiggi,naingira jaali era naliira amwe naye,yeena naje. ²¹ Awangula,ndimuwa okwiikala amwe naje oku ntebe yange,eya bukama,era nga nanje ni nawangwire,ninnyikala amwe n'oitange oku ntebe yamwe eya bukama ²² alina okutwi awuure omwoyo kyakuba ekkanisa.