¹ Ni mbona ontumwa nga akwiika okuzwa omwiguru nga alina ekisumuluzo ekya bwiina obutakoma n'olujegere olutakoma omu mukono gwamwe. ² Nakwata ompiri,ompiri owairai niye omukemi ate sitaani,nagusibira emyaka lukumi(1000), ³ nagunaga omubwiina obutakoma naigalawo nataaku envubo,gugaanenge okubeyega amaanga era ,okwica emyaka lukumi(1000)niziriwaaku;oluzwanyuma lwajo kigugwanira okusindabulwa emyaaka jidooli ⁴ . Nimbona etebe eya bukama, nga kuliku abaikaireku, ni baweebwa okusala emisango, ne mwoyo zaabwe abatemerweku emitwe olwa kujuurwa Yesu, no law kigambo kya Kanca, naabo abataweereize kisolo gonze ekifananyi kyaakyo ate tibaikiriize akabonero kaakyo okubuusyo bwabwe nokumikono zaabwe; ni babba boomi, nebafugaanga amwe no Kristo okumala emyaaka lukumi (1000). ⁵ . Abafu abandi ti babbaire boomi okwiica emyaaka olukumi (1000) nga ziweireku. kunu nikwo kuyibooka okukwekeera. ⁶ . Aweereibwe omukisa, era niye omwikiriiri alina omugabo omu kuyimbooka okusooka: kubanga okufa okwakabiri tikulina buyinza oku bo, naye babbanga bakabona ba Kanca ate ba Kristo, era bafuganga amwe naye, okumala emyaaka lukuumi (1000). ⁷ . Aawo, emyaaka ezo olukumi (1000) niziriwaku, osetaani nasobola okusaadabulwa omwiikomera ryamwe. ⁸ . Era alyaaba obeyega amawaanga aga musonda einai eza nsi, googi ne magoogi, okubaakumbania oku lutalo; abwinji bwaabwe nga omukyanga ogwaku nyanja. ⁹ . Ni baniina ku Buhari bwa nsi, ni bazingiza olusiisira olwa abaikiriiri nekibuga ekyaigairwe: omuuro niguuzwa omwiguru, negubookya. ¹⁰ . No setaani eyababeganga nanagibwa omu nyanja eya muuro nekibiriiti, era omuli ekisolo no nnabbi owa bubeyegi era baboonabonanga imusana nobwire emirembe nemirembe. ¹¹ . Ni mbona entebe eya bukama egikooto ejeeru, noyo eyali ajikaireku, eigguru ne nsi ni biiruuka omu maiso gaamwe; era tebyaazulibwe na kifo. ¹² . Ni mbona abafu,abakulu n’abato,nga bemereire omu maiso ga ntebe, ebitabo nebiswekulwa, nekitabo ekiidi nikiswekulwa, nikyo ekya boomi, abafu ni basaarwa omusango okusinziira okweebyo ebyawandikiibwe omu kitabo, nka ebikolwa byaabwe ni byaali. ¹³ . Nenyanja nereeta abafu abalimu, nokufa namagombe byoona nebireeta abafu abalimu: nibasaarwa omusango buli muntu nka okweyakalya kwaamwe ni kwaali. ¹⁴ . Okufa namagombe nebinagibwa omu njanja eya muuro kunu nikwo kufa okwakabiri, okwa munyanja eya muuro nikwo kufa. ¹⁵ .Era muntu yeena yeena eyasangibwe nga eibara ryamwe nga telya wandikiibwe mu kitabo ekya bwoomi, nanagibwa munyanja eya muuro. 21