¹ .Okwekeera okwa njiri eya Yesu Kristo, omwana wa6 kanca. ² . Nka ni kyawandikiibwe omu nabbi Isaaya nti; Bona, nje ndituma omukwenda wange omu maiso gaamu, Alisaayirya enzira zamu. ³ . Eiraka lyamwe aimoora aiguru ati musaayirye ensira ya kanca, musoboore amazira gaamwe. ⁴ . OYokaana naiza ayabatiziire omwi omu irungu nakobera okwendeka okwatolebwaku ebibbi. ⁵ . N'ensi yoona eya Buyudaaya naba yerusaalemi boona ni bazwaayo ni baiza gyali ni babatizibwa ye omumwiga Yoludaani nebatula ebibbi byabwe. ⁶ . No Yokaana yazwalanga ebyoya bya nkaina, n'olukobba lwa kisaato omu nkende yamwe, ng'alya enzige n'ojuuru wanzoki eza mu kisiko. ⁷ .Nabakobera nk'abakoba ati; akwiza emabega wange niye asinga amaani, ate tinsanira kukutama okusindabula obukobba bwa nkaito zamwe. ⁸ . Nje nababatiize n'amaizi, baitu oyo alibabatiza na mwoyo ogukwera. ⁹ . Awo olweikire omu biro ebya Yesu nazwa e Nazaaleesi ekya Ggaliraaya naiza okubatizibwa o Yokaana omu Yoludaani. ¹⁰ . Amangu ago ni yazwire omumaizi,, nabona eiguru nga ryonokere, n'omwoyo ali nka onkaiba naika okuye: ¹¹ . Neiraka neriwuluka omwiguru nerekoba riti '' niiwe mwana wange gwe nnyendya, gwe nsanyukira omuno. ¹² .Amangu ago omwoyo namusendekerya omwirungu. ¹³ .Namalayo omwirungu ebiro amakumi anai nga akumebwa ositaani; nabba amwe nebisolo ;abamalaika ni bamuweereza. ¹⁴ . Awo oluvannyuma o Yokaana ng'amaare okuweebwayo, OYesu naiza e Ggaliraaya, ng'akoba enjiri ya kanca. ¹⁵ . Nga akukoba ati; Ekiro kiikire, obukama bwa kanca busembeire, mumenyeke, mwikirize enjiri. ¹⁶ . Niyaali nga akwakala kulubama lwa nyanja eya Ggaliraaya nabona Osimooni n'o Ndereya omuganda wa Simooni ni nga bakunanga omugonjo omu nyanja, kubanga baali bategi. ¹⁷ . OYesu nakoba ati ;mwize mwakale najnje, ndi bafuula abategi b'abantu. ¹⁸ . Amangu ago ni balekawo awo emigonjo nibaaba naye. ¹⁹ . Ni basembeireyo omumaiso kadooli, nabona OYakobo omwana wa zebbidaayo n'o Yokaana omuganda wamwe, abo bakalibabiri bali muryato nga bakuyonja emigonjo. ²⁰ . Amangu ago nabeeta nabaleka awo oitabwe Ozebbedaayo omuryato nga ali naabo abakoora empeera, nebamusengeerya. ²¹ . Ne baigira e Kaperanawumu; amangu ago mukiro kya ssabbiiti naingira omwiramyo nayegesya. ²² . Ne bawuninkira olwa kwegesya kwamwe; Kubanga yabegeserye nga niye mukama wa buyinza, ate tinka abawandiiki. ²³ . Amangu ago omwiramyo ryabwe mwalimu omuntu aluku odaimooni omubbi; nakunga. ²⁴ . Nga akukoba ati; okutujunanya kiki, OYesu owa Nazaaleesi? Oizire kutuzikirizza? Nkumaite we, we oli mwikiiri wa Kanca. ²⁵ . OYesu nabwoiggola nga akukoba ati; Bunira, muzweku. ²⁶ . Odaimooni namwola nakunga eiraka erikoooto namuzwaku. ²⁷ . Ne bewuunya boonaboona, ne bebulyangana nga bakukoba nti kiki kinu? Okwegesya kukwiza; alagira odaimooni na muwuura. ²⁸ . Amangu ago okumanyibwa kwamwe nikusanikira ensi yoona eriraine Ggaliraaya. ²⁹ . Amangu ago ne bawuluka omwiramyo nebaaba amwe n'oYakobo n'oYokaana omunyumbba ya Simooni n'o Ndereya. ³⁰ . Awo onyibyala wa Simooni yali abbasirye nga alwaire omubiri; amangu ago nebamukubera naali: ³¹ . Naiza namukwata omukono namwimula, negumuwonaku, nabawereza. ³² . Awo olwaigolo, eisana nga rigwiire, ne bamuleetera abalwaire boona boona n'abo abaliku odaimooni. ³³ . N'ekibuga kyona ne kikumbanira okwirembo. ³⁴ . Nawonya baigi abaali balwaire endwaire ezinyamwingi, napeka aba daimoonim baingi natabaikiirikiza kusimoola kubanga bamwetejerye. ³⁵ . Awo omukabwibwi, ne bucali bwire, naimuka nawuluka nayaba omwirungu, naramya . ³⁶ . Osimooni n'abo abaali naye nebamusengerya: ³⁷ . Ne bamubona ne bamukoba nti; Boonaboona bakuswagana. ³⁸ . Nakoba ati ; Twaabe awandi omu bibuga ebiri ampi mbuulire neyo; kubanga ekyo nikyo kyenaizirire. ³⁹ . Naingira omumairamyo gaabwe omu Ggaliraaya yeena yeena, nabuulira nagoba ne daimooni. ⁴⁰ . Omugenge naiza gyali, namusabirye na mufukamira namukoba ati ; Newayendya, oyinza okundongoosa. ⁴¹ . Namusaasira, nagolola omukono gwamwe namukwataku nakoba ati nkwendya, loongooka. ⁴² . Amangu ago ebigenge byamwe nebimuwonaku nalongooka. ⁴³ . Namukuutira muno amangu ago namusibula. ⁴⁴ . Namukoba ati ; bona tokuberaku muntu yeenayeena; naye yaba werange edi oKabona, oweeyo olwakusima kwamu okwo Musa kweyalagiire okubba omujuurwa jebali. ⁴⁵ Yeena nawuluka, neyekera okikoberaku omuno n'okusansaanya ekigambo n'okusola natasobola OYesu okwingira omukibuga omulwantu, yaali mwirungu, atenga abantu bali bakwongera okwinza jaali okuzwa woonawoona