¹ Einaku omukaaga ni zayakayire, Oyesu n'atwaala Opeetero, n'Oyakobo, n'Oyokaana omuganda waamwe, n'abaninisya ku lusozi olunyamulai bonkai. ² Nafuulibwa omu maiso gaabwe, amaaso gamwe ne ganyereketa nkeisana. ³ Bona, Musa n'o Eriya ne bababonekera nga bakubaza naye. ⁴ O'Peteero nayiramu nakoba O'Yesu, ati Kanca wange, kisayi eswe okuba ani, noyendya, nayomboka ani ensiisire eisatu, emwei yaamu n'egindi ya Musa n'egindi ye Eriya. ⁵ Niyaali nga akyabaza, boona ekiyiguru n'ekibalikiirya bona eyiroboozi ne rizwa omwigggurui nga likukoba oti, oni niye omwana wange gwe nnyendya gwe nsemererwa omuno, mu muwuure. ⁶ Abeegesya bwe baawuliire, baagwiire nga beejumukire, ni batiina muno. ⁷ Oyeesu bwe yayizire, nabakangaku nakoba ati, mwiimuke temutiina. ⁸ Bayimwire amaiso gaabwe, nibatabona muntu wabula Yesu yenkai. ⁹ Nibazwanga okulusozi Oyesu nabakoba ati timukoberaku muntu bye muswekulirwe okwiikya omwana wa muntu nalimala okuwuumbuka amabafiire. ¹⁰ Abeegesya baamwe nibamubuulya, ni bakoba nti kale kiki ekikubakobesya abawandiiki nti Eriya kimugwaniire okubanza okwiyiza? ¹¹ Nayiramu namukoba mazima Eriya akwiza, ¹² Baitu nkubakoba nti Eriya amaare okwiiza, banange tebamumaite waiza bamukore nka nibayende, atio nomwana wa muntu alibonerezebwa bo. ¹³ Awo abegesye ni bamanya nti yabazire nabo oku Yokaana omubatiza. ¹⁴ Ni bayikire eri ekibbura, omuntu naiza gye yaali namufukamiira nakoba ati. ¹⁵ Kanca wange saasira omwana wange, kubba aagwa nsimbu zimugadya muno, kubba emirundi mingi agwa mumuuro, era emirundi gingi omumaizi. ¹⁶ Ni muleetera abeegesya baamu, ni batasobola kumuwonya. ¹⁷ Oyesu nairamu nakoba ati, nywe abemiigyo abataikiriza egibbi ndiikyaayi okuba niingwe? Ndiicaayi okubagumiikiirya? Mumuleete ani. ¹⁸ Oyeesu namubwoyigoora, ositaani namuzwaku omwojo yawoneyirewo okuzwa omukaseera ako. ¹⁹ Awo abeegesya nibayiza edi omumbiso, nibamikoba bati kiki ekitulemesya eswe okwemeera okumuwonya? ²⁰ Nabakoba, olwa kwikiriza kwanywe okubba okudyooli kuba nkubakoba nti okusinga mulina okwikiriza okwenkana akampeke ka kalidaali, bwe mulikoba olusozi luni nti zwaani yabaadi, ale tulyaaba nti singa ndoowo kigambo kyemutasobola. ²¹ Olwokubba ekimwe yengereeni tekisobola kuzwaawo nga ndoowo kwegayiira n'akussiba. ²² Bwebbaalinga bakyayikaire e Ggaliraaya, Oyesu nabakoba ati, omwana w'omuntu alyaaba okuweebwayo omumikono gyabantu, ²³ Balimwiita nikulunaku lwakusatu aliwumbuukuzibwa, nibanakuwaala muno. ²⁴ Ni baikire e Kaperunaeumu, abantu abasoloolya bamusolo ni baiza edi Peetero, ni bakoba bati Okanca waanywe tawa musolo? ²⁵ Nakoba ati qweerya, ni yayingiire omunyumba Oyeesu na mubanza ng'akoba ati okulowooza otyai simooni? abakabaka bansi basoroirye oba basoreirye bantu ki? baana baabwe kandaki abapaati? ²⁶ Nakoba ati bapaati, Oyesu namukoba ati kale abaana bamirembe. ²⁷ Baitu tuleke kwekona, yaba okunyanja onageyo eirobo oinyulule oncwi eyasooka okulugaye, niwayasamya okunwa kaakye, wabonamu esutateri; otwaaleyo ogibawee rye okubwange n'okubwaamu.