¹ Ale abafalisaayo n'abagasya ba mateeka nibaiza eji Oyesu nga bakuzwa e Yerusaalemu nibabuulye, ² '' Lwaki bo abegesebwe benda emikiirikiiro egyaleekeimwowe abakaire? kubanga tibanaaba ngalo nibakwaba okulya. ³ Oyesu nairamu n'akubakoba ati, nywe lwaki muwenda amateeka olwa nsonga ya nkola ya mikiiro? ⁴ Kubanga Okanca yakobere ati otaangamu ekitiinisya oitaamwe, aitibwenge-mbe. ⁵ Baitu nywe mukoba muti buli oyo alikoba oitaamwe oba omaamwe, buli ekyo kyenankukukuwaire okukugasa, nkiwaire Kanca. ⁶ Atalitaamu itaamwe kitiinisye, mwadubirye ekigambo kya Kanca olwa nkola ya mikiirikiiro gyanywe gyemwawereibwe. ⁷ Abakiweweita nnye Oisaaya yabalagwiireku, n'akukoba ati, ⁸ Abantu bani bantaamu okitiinisia kya ku minnia, baitu emyoyo gyabwe nga giri alai ⁹ Baitu bandamirya bwereere, nibakwegesye amateeka ga bantu nka ebyakukwata. ¹⁰ Oyesu nayetesya ebibbuura ejaali n'akoba ati muwuure, mweyeje ¹¹ Ekiingira omu kanwa ka tinikyo kisiisa omuntu, baitu ekizwa omukanwa, ekyo nikyo kisiisa. ¹² Awo abegesebwa nibaiza nibamukoba bati, okimaiteku nti abafalisaayo nga bagongeire nibawuliire ekigambo kyamu? ¹³ Baitu nairamu n'akukoba ati, buli kisimbe oitewange owamu igguru kyatasimbire kyalitidulwayo n'emizi gyakyo. ¹⁴ Mubaleke nibo batambuli abatakubonia omulibbi wa maiso naibembera omulibbi mwiraamwei bakalibabiri baligwe omu bwina. ¹⁵ Opetero n'airamu n'amukoba ati, tusoboore olugero olwo. ¹⁶ Yeena nakoba ati nywena mucaali kubba na magezi? ¹⁷ Timukweteja nti buli ekikwingira omu kanwa kyaba munda erate nikinuuluka omubiri? ¹⁸ Baitu ebiwuluka omu kanwa bizwa ku mwoyo, bini nibyo bisiisa omuntu. ¹⁹ Ebyo nibyo bisiisa omuntu, baitu okulya nga tonaabire nyalo tikusiisa muntu. ²⁰ Ebyo nibyobisiisa; naye okulya nga tanaabire omungalo tikusiisa, omuntu ²¹ Oyesu nazwayo, nayaba oku mbajuzo Ttuulo ne sidoni. ²² Ale,bona,omukali omukanani okuzwa omu bicweka ebyo,nasimoora aiguru namukoba anti;Onsaasire Omukama wange,omwana wa Daudi ;bba n'ekisa gyendi agadiibwe muno Odaimoni. ²³ Baitu natamwiremu kigambo kyona kyona abegesebwa baamwe nibaiza nibamwesengeerya, nibakukoba bati, misiibule, kubanga okutukubbira orukungo emabega. ²⁴ Baitu nairamu n'akukoba anti;tinatumibwe baitu eji ntaama ezabuure eza nyumba ya isirairi. ²⁵ Baitu naiza namuramya,n'akumukoba anti; mukama wage,njuma. ²⁶ Nairamu nakoba ati tikituufu okukwata emere ya baana naginagira obubbwene. ²⁷ Nakoba ati nimwo mukama kubanga n'obubbwene bulya obukiiniiko obuzwa oku meeza za bakama baabwo. ²⁸ Oyesu nairamu namukoba ati we omukali okwikiriza kwamwe kukiire kibbe kityo nka n'okutaka omwara natambibwa okuzwa omubwire obwo ²⁹ Oyesu nazwayo naiza ebuluba wa nnyanja ya Galiraaya naniina oku lusozi, naikala okwo' ³⁰ Ebibbuura binji nibiiza egyaali nga birina abandema, n,abalibbiba maiso, n'abakiigara n'ababandi bangi, nibabata ali amagulu gaamwe, n'abatamba. ³¹ Ekibbuura n'okwewuunya nibewuunya, nibabwoine ba kibbubbu nibakusimoola, abandeme nga boomi, abaconcodi nibakutambula, n'abalibbi ba maiso nibakubonia; nibaangiriza eibara lya Kanca. ³² Oyesu nayeta abegesebwa baamwe nabakoba ati nsaasira abantu kubanga olwaleero bakabba nanje ebiro basatu batatungire kyakulya, era tinyendya kubasiibula nga bazala bayinza okukabira oku nzira. ³³ Abegesebwa nibamukoba bati twatoola ayi emigaati ejiingi giti omu irungi, okwikutisya ekibbuura ekikooto ekiika ani? ³⁴ Oyesu n'ababuulya ati, mutai n'emigaati, zidooli. ³⁵ Nalagira ekibbuura okwikala ansi. ³⁶ Natoola emigaati omusanju n'encwi, niyebalya nawendamu nawerya abegesebwa, abegesebwa nibagabira, ³⁷ Boona boona nibalya nibaikuta, nibakumbainia obukiiniiko obwasigairewo, ebigega musanju ebyaizwire. ³⁸ Omuwendo gwabo abaaliire enkumi inai, nga totaireku bakali n'abaana. ³⁹ Nasiibula ebibbura, nayambukira omu bwato, naiza omu bicweka magadani.