¹ Oyuda omwiiru wa oYesu Kristo, erate omuganda wa Yakobo, edi abeetebwa abananyini omukanca otaiswe, erate abakuumibwa o Yeesu kristo, ² okusasira ne mirembe no kwendya byeyongerenge jimuli ³ Abanywani, ninabaire nka nkufuba okubandiikira obulokozi bwaiswe isweena, nawalilizibwe okubawandiikira, okubalamba okuwakaniranga omu okwiikirirya obwokiriiri bwemwaweereibwe omulundi ogumwei. ⁴ Olwakubba walowo abantu abaingiranga nka bakusensera abawandiikirwe erai omusango guni, abatatiina Kanca, abaindula ekisa kya Kanca waiswe, okubba obukaba nibegaana oYesu Kristo, niye oMwaami niye oMukama waiswe omwe yenkai ⁵ Baitu nkwendya okubaizukirya, gonze nge byoona mwabyetejerye omulindi ogumwei nka okanca ni yamaare okutonda abantu omunsi ya misiri, oluzwanyuma nazikiirya abataikirize. ⁶ Nabamalaika abatakuumire bukulu bwaabwe bbo baitu nibaleka ekifo kyaabwe bbo beenyenere, abakuumira omunjegere ebiro byoona ansi wa kirikiirya olwamusango gwokulunaku olukulu. ⁷ Nka sodoma no Ggomola nebibuga ebyaaliraine wo nibicyaama okusengeerya omubiri ogundi, nka bikangaivurwa omumusango ogwa muuro ogutawaawo. ⁸ . Mungeri nijo emwe abantu ab’omukulootaloota kabwe abasiiga omubiri gwabwe, n’empitambi nibagaana obukulu nibazuma abakitiinisia. ⁹ .Baitu omikairi omalaika omukulu niyalwaine no setaani nabazanaye olwamubiri gwa musa, tiyayenderye kumutaaku musango gwakuzuma, naye yakobere kanca akunenye ¹⁰ . Baitu abo byoonabyoona byebategeire baabityoboire: byebamaite mukuyayana ale ebisolo ebitalina magezi omweebyo bazikirire. ¹¹ . Zibaagirye lwakubba batambuura omunzira ya kayini, nibairukiira mukukyaama kwa balamu olwampeera, nibabuura mukwaakana kwa koola. ¹² .Abo babba nka amabale agabbi okumbaga zaabwe eza kwendyanga nka tibatiina kuswaala befaaku bonkai nka baisana ebiiguru ebitalumu maizi ebitwaalibwa ompungo emisaale ezimulisa nizitabala ezafiire emirundi ebiri ezayiibwe nemizi zaaku; ¹³ . Balinka ebinyenge ebyamunyanja ecambaitukire byebakola biswaaza erate balinka obunyenyeezi obuzwa omunzira zaabwo nka ekirikiirya ekikwaite omuno emirembe seregenyi ¹⁴ . Era naabo abaalagwiire enoka, eyaalowo okumulembe ogwamusanju okuzwa ogwa Adam yabasimoireku nti bona, omukama yaizire nabaikiriiri baamwe kakumi (10,000), ¹⁵ . Okusaara boona boona omusango, no kusingisia omusango boona boona abatatiina kanca olwabikolwa byabwe byoona byoona byebaakoleire omubutatiina kanca, olwabigambo byaabwe byoona byoona ebikakanyali abaasisi abatatiina kanca byebaamusimoireku” ¹⁶ . Abo nibo abemulugunya, nibagongera abatatambula nokweegomba kwaabwe nka nikuli erate basimoora aiguru ebigambo bya kwewaana era bataamu ekitiinisya nkabalina kye bakwendyaamu. ¹⁷ . Naye nnywe , abanywaani mwiizukirenge ebigambo ebyasimoirwe eirai eddi abakwenda kwa kanca waiswe o Yeeso kristo! ¹⁸ . Nka bwebakobere nti,’’ omubiro bya luzwanyuma walibbaawo abantu abaali basekera nka bakutambuura omweebyo byebeegomba tibatiina kanca‘’ ¹⁹ . Abo nibo bazwiireku okwawukanya, abantu bamubiri nabatata na mwoyo. ²⁰ . Baitu nywe abanywaani nimweyomboka okukwiikiriza kwaanywe okwikiriiri omuno, nka mukusaba omwooyo ogwikiriiri. ²¹ . Mwekuumirenge omukwendya kwa kanca, nka mukulindiira okusaasira kwa mukama waiswe o Yeesu kristo olwabwoomi obutawaawo. ²³ Erate abandi mubacungulenge, nka mubakwakula okubatoola omumuuro; erate abandi mubasasirenge omukutii; nka mukucaawa ekizwalo omubiri cegwasigire. ²² . Erate abandi ababuusabuusa mubasabirenge; ²⁴ Baitu oyo asobola okubakuuma obutesitala, nokubeemeerya omumaiso gakitinisya camwe nka timuliku bulema mukujaguza, ²⁵ Okanca omwe yenkai omucunguzi waiswe, oku bwa Yesu Kristo omukama waiswe, owebwenge ekitinisya, obu obukulu, amaani n’obuyinza, okuzwa omumirembe zoona zoona ezaakaire, naati n’omu mirembe ezitaliwaawo. Amina.