¹ OYesu niyali nka akwakala, nayaja omuntu eyabyalibwe nka mwigali wamaiso. ² . Abegesebwa baamwe mbamubulya nka bakoba bati labbi, nani eyasisire onii, oba babyaire bamwe, nikyo kyamubyalisirye nka mwigali wamaiso? ³ . OYesu nailamu ati onu tiyasisire gonze babyayire bamwe, baitu emirumu gya Kanca gibonekere oku yee. ⁴ . Iswe kitugwanila okukola emirumo gyoyo eyantumire obwire nka bwamisana, ebiro bikwiiza omuntu mwatalisobola kukorraamu. ⁵ . Nimba omunsi, mbaa issannaa lyansi. ⁶ . Niyamare okusimoola atyo nacwa amacwatayi okwitakali naruuba eyitakali namacwatai namusiga eyitakali okumaiso. ⁷ . Namukoba ati yabba, onaabe omwizuba rya sirowamu (okutegezebwa kwakyo nti eyatumiibwe). Awo nayaba, nanaba nayika nga akubona. ⁸ . Abalilanwa bamwe nabamubonanga eirai nka aikairre okusabirya nebakoba bati tiniye onu eyaikalanga nka asabirya? ⁹ . Abandi nibokoba bati niye oyo, abandi nibakoba ati bbe, naye ooni amwisanambe yenakoba ati ninje mbe oyo. ¹⁰ . Awo nibokoba bati amaiso gaamu gilubwiire gatyai? ¹¹ . Ye nairamu ati omuntu ayetebwa Yesu yatabwiire eyitakali nasiiga okumaiso, nankoba ati yaba kusirowomu onaabe awo ninyaba, ninaaba, nidubulya. ¹² . Nebamukoba bati ali ludaki oyo? Nabakoba ati timayitte. ¹³ . Nebamutwala edi Abafalisayo odi eyaali airai omwigali wamaiso. ¹⁴ . Baitu lwali lwa sabbiti olunaku olwo Yesu lwe yatabwile eyitakali, namulibulya amaiso. ¹⁵ . Awote Abafalisayo nibamubulya nka niyalubuulya, nakoba ati yan sigire yitakali kumaiso nimbona, nindubulya. ¹⁶ . Awo Abafalisaayo abamwe nibakoba bati omuntu oyo tiwa Kanca kuba takwata ssabbiti baitu abandi nibakoba bati omuntu owa bibbi ayinza atyai okukola obubonero obukwenkana awo? ¹⁷ . Awote nibamukoba omwigali wamaiso bati we omweta otyayi; kuba yakulibwiirye amaiso? Nabanukula ati nnabbi. ¹⁸ . Kale Abayudaaya tibaikirize bigambo byamwe nka yaali mwigali wamaiso nalibulya okwica mbayetere Ababyaire bamwe babuulyekuku. ¹⁹ . Nebabuulya nka bakoba bati onu niye mwana gwemukoba ati yabyalibwe nka mwigali wamaiso? Ati abona atyai? ²⁰ . Ababyaire nibayiramu nibakoba bati, tumayite nka onu niye mwana wayiswe erate yabyalibwe nka mwigali wamaiso. ²¹ . Baitu nabona ati tetumayite; eyamulubwiirye amaiso iswe tetumumayite bwali; musaiza mukulu! Ye abaza yenkai. ²² . Ababyayire ekyababazisirye batyo baali bakutina Abayudaya; kubba Abayudaaya baali bamale okulagana buli eyayatulanga okuba OKristo, wakugobebwa omwikumbaniro. ²³ . Ababyayire kyebazwa bakoba bati omusaiza mukulu; mumubulye. ²⁴ . Awote nibeta omulundi ogwakabiri odi eyabyalibwe nka omwigali wamaiso nibamubulya bati obangiriza OKanca; Iswe tumayite nka omuntu oyo ali ne bibbi. ²⁵ . Ye nakoba ati oba alinabyo ebibbi timayite; cimwe kye mayite ati nali mwigali wamaiso, naye ati mbona. ²⁶ . Nibamukoba bati yakoore atyai? Yakuzubwire atya? ²⁷ . Nayiramu ati maare okubakobera baitu temuwulire; ekikubendesya okuwula ogwakabiri cici? Erate nywena mukwendya kufuuka begesya baamwe? . ²⁸ Nibamuzuma nibakoba bati we oli mwegesya wamwe; baitu Iswe tuli begesya ba Musa. ²⁹ Iswe tumayitenga OKanca yabazire na Musa; baitu omuntu oyo tetumayite gyazwa. ³⁰ . Omusaiza nairamu nakoba ati lini ibano! Obutamanya gyazwa, omuntu eyandibwile amaiso! ³¹ . Timumaitte nti OKanca tawura abalina ebbibi; baitu buli muntu attina Kanca ngakola byataka oyo omuwurirya. ³² . Okuzwa eirai neirai tiwawurangaku muntu eyalibwire amaiso ga muntu eyabyalibwe nka mwigali wamaiso. ³³ . Singa omuntu oyo tiyazwire edi OKanca, tiyandisoboire kukola kintu. ³⁴ . Nibaira nibamukoba bati we wabyalibwe omubibbi byerere nawe okutwegesya Iswe? Ne bamugadikirya enzayi omwikumbaaniro. ³⁵ . Yesu nawula nka baamugadikile Yokaana enzai namubona nakoba ati we oyikiliza omwana wa Kanca? ³⁶ . Ye nayiramu nakoba ati mukama wange , niye nani mwikirize? ³⁷ . Yesu namukoba ati omubwoine, erate gwo kubaza naye niye oyo. ³⁸ . Ye nakoba ati mukama wange, nyikiriza namulamya. ³⁹ . OYesu nakoba ati omusango nigwo gwandetere omunsi munu abatabonya babone, naabo ababonia babbe baigali bamaiso. ⁴⁰ . Abafalisaayo abandi abaali naye nebawuura batyo, nibamukoba naiswe tuli bayigali bamaiso? ⁴¹ . Yesu nakoba ati singa mubayire baigali bamaiso, timwandibaire na cibbi baitu ati mukoba tubona, ecibi kyanwe cibasigalaku.