¹ . Oluzwanyuma lwebyo, OYesu nabobonekera te begesyabwa baamwe oku nyanja eye Tibeeriya, na babonekera aati; ² . Baali bali amwei Simooni Peetero, no Tomasi ayetebwa Didumo, no nassanayiri owa kaana ekya Ggaliraaya, na baana ba zebbedaayo, na bagesyebwa baamwe abandi babiri boonaboona baali amwe ³ . OSimooni Peetero nakoba ati “nje nkwaba kutega” Abairaamwe ni bamukoba bati naiswe tukwaba naawe okutega ne baaba ebuluba omu lyato; obwiire obo nibatakwatisye kantu. ⁴ . Baitu bwali bukusansaana OYesu nayemera okulukalu baitu abegesyebwa ni batamumanye nka niye OYesu. ⁵ . Awo OYesu nabakoba ati “abaana, mulina ekyokulissirya? nibamwiramu bati tetulina. ⁶ . Nabakoba ati mwabe munage ebitimba bya nywe oku saidi eyo gwa ryaato, mwakwatisya awo nibanaga, obutimba naye nka tibakusobola kugukokotayo olwa encwi ezingi. ⁷ . Awo omwegeresya OYesu gweyayendyanga nakoba OPeetero ati oyo mukama waiswe. Awo OSimooni Peetero ni yawulire nka niye mukama waiswe niyebowa olugooye kubba yali cidu ni yenaga omunyanja. ⁸ . Baitu abegeresebwa abandi ni bazira omulyato eridoli kubba baali aalai no lukalu, baitu emikono nka ebikumi bibiri nka bakokota obutimba obulimu encwi. ⁹ . Awo ni nibazwire omuryato ni bakka okulukalu, nibabona omuuro ogwa manda nka guliawo nencwi nka ziterebwe ku no mugati. ¹⁰ . OYesu nabakoba ati muleete oku ncwi zemukwatisirye aati. ¹¹ . OSimooni Peetero nayambuka, nasomoka nakokotera obutimba oku lukalu, nka bwiizwire encwi ezikoto, cikumi na atannu naisaatu: baitu gonze nka byali bingi bityo obutimba ni bukutuka. ¹² . OYesu nabeeta mwize mulye newatabawo gonze nomwei okubegeresebwa eyasobole okumubulya ati niwe nani? nka bamaite niye mukama waiswei. ¹³ . OYesu naiza, natoora omugati, nabaawa, nencwi atyo. ¹⁴ . Guni nigwo gwali omulundi ogwa kasaatu OYesu nka akubonekera abegeresya baamwe nka yakamara okuyimboka omu omufu ¹⁵ . Nibamare okulya, OYesu nakoba OSaimoni Petero ati Simooni, omwana wa Yokaana, onyendya okusinga abairamo? Namwiramu namukoba ati nimwo ciri, mukama wange, niwe omaitte nka nkwendya. Namukobba nti lisyanga abaana be ntaama bange. ¹⁶ . Namukoba te omulundi ogwa kabiri nti Saimoni, omwaana wa Yokaana onyendya? Namukobba nti nimwo ciri, mukama wange, niwe omaitte nka nkwendya, namukoba nti lisyanga entama zaange. ¹⁷ . Namukoba te omulundi ogwa kasatu ati Saimon, omwana wa Yokaana, onyendya? OPeetero okweinatira niyenatira olwokubba amukobere omulundi ogwakasatu ati okunyendya? Namukoba ati mukama wange, niwe omaite byoona, omaite nka ninkweendya. OYesu namukobba ati liisyanga entama zaange. ¹⁸ . Mazima mbe nimwo nkukoba ati niwali omusiggazi omwojjo , wazwaalanga noyaba Yokaana jokwendya yonna yonna; baitu nolikarika, oligorolla emikono jamu, owundi alijisaba, nakutwala jotakwendya. ¹⁹ . Yabazzire atyo nka akulanga okuffa kwalifamu okwokulanga okwo kubangiriza OKanca niyamare okubaza atyo, namukoba ati insengerya. ²⁰ . OPeetero niyakyukire nabona enyuma omwegeresya OYesu gweyayendyanga nka akusengerya erate oyo niye eyabasirye omucifubba kyamwe okuciburo eceigolo, nakoba ati mukama wange nani akwaaba okulyamu olukwee?. ²¹ . Awo OPeetero niyabwene oyo nakoba OYesu ati mukama wange oni tee aliba cici? ²² . OYesu namukoba ati nimo nkwendya abeewo okwikya nindira, okufaayo ci? We nsengerya nje. ²³ . Awo niyakamaare ecigambo camwe eco nicisansanira omu baluganda oti omwegeresya oyo talifa, ate OYesu tinimwo nka talifa, baitu nimo nkwendya abeewo okwikya nindira okufaayo ki? ²⁴ . Oni niye omwegeresya eyasimoire bini, nawandika bini, naiswe tumaite okulalika kuni kwamwe kwamazima. ²⁵ . Aate waliwo ebintu ebindi bingi OYesu bye yakoore, ebitawandikibwe cimwe nacimwe ndowoza nti ensi zonna zonna tizandiikiremu bitabo ebyandi wandikirwenga.