¹ OPilaato niyamaare natwaala OYesu okumukubba emiigo. ² . Abajwaaka ne balukka engule eyenkkatta eya mawaa nibagimuzwalikisya okumutwe ecizwaalo ca bakungu eca langi ya kakoobe . ³ . Aale nebatandika okwiza jaali nibamukoba bati: wangala omukama w'Abayudaaya! Enu bwebamukuba empii. ⁴ . OPilaato nawuluka enzai nabakoba ati: Ngoni mmubaleteire enzai, leke mwetejerye cimmwe nka nje nintakubonna musango gwairye. ⁵ . Aale OYesu nawuluka enzai nka azwaire engule ne cizwalo ece rangi ya kakobe. OPilaato nabakoba ati mubone omuntu oyo! ⁶ . Okabona omukulu amwe nabakoli baamwe nibamubweine, nibasimoora aiguru nga bakoba ati kkomeera, kkomeera: OPilaato nabakoba ati mumutwale nnywe mumukomeere; kubba nje tinkubona musango gwairye ⁷ . Abayudaaya mbamwiramu bati; iswe tuli neiteeka nokulweiteeka eryo agwainne okufa olwakubba yefuula mbu mwana wa Kanca. ⁸ . OPiraato myawuliire ekigambo ekyo niyeyongera okutiina. ⁹ . Nairamutte nayingira omukisagati nabuulya OYesu ati oli wayi? Baitu OYesu nagaana okumwiramu. ¹⁰ . OPilaato namukoba ati tokwendya kusimoola nanje? Tomaite nka nindi nobuyinza obwa kukutassya erate ndi nobuyinza okkukomeera okumusalaba? ¹¹ . OYesu namwiramu namukoba ati tiwakubaire nobuyinza bwoona bwoona okunje, singa tibabukuwaire kuzwa aiguru, baitu ampaireyo jooli nico aba necibbi ecisinga. ¹² . Okuzweera awo OPirlato niyawurile eco, nagezaku nasala amagezi okumutaisya. Baitu Abayudaaya nibasimoora aiguru nka bakobba ati nnotaamwiite nka tooli munywani wa kayisaali. Buli muntu eyeyeta omukama awakanya OKayisaali. ¹³ . OPilaato niyawuliire ebigambo ebyo, nawulukya OYesu enzai naikala okuntebe jasaraku emisango omukifo kyebeeta amabbaale gebayaliriire, b baitu mulweburaniya bakyeeta gabbatha ¹⁴ . Caali cirro ca kutekateeka embagga eyo okwizukira ecirro e ca kwakalwaaku, zaali ziri ssaawa mukaaga, nakoba Abayudaaya ati mubone Omukama wanywe. ¹⁵ . Baitu bo, nibasimoora aiguru nka bakoba ati mutolewo, mutolewo mukomeere. OPilaato nabakoba ati, nkomeere omukama wanywe? Abakabona abakulu nibairamu nka bakoba ati tituli na mukama waiswe owundi wabula OKayisaali yenkai. ¹⁶ . Aale niyamaare nabamuwa okwaba okumukomeera era nibatwala OYesu okumukomeera okumusalaba. ¹⁷ . OYesu nawuluka nka yetiikire omusalaba gwamwe yenkai naika omuciffo eceteebwa Ecekawangala" omulwebulaniya baceeta Gologootha. ¹⁸ . Nibamukomeera okumusalaba amwe nabandi babiri eruda ne eruda nka OYesu ali akkati. ¹⁹ . OPilaato nawandiika ebbaluwa nagita okumusalaba nka ewandikiibwe oti oni niye OYesu omunazaleesi omukama wa Abayudaaya Osabayudaya wanwye. ²⁰ . Ebbaluwa eyo, Abayudaaya baingi nibagisoma olwakubba eciffo ecebakonereiremu OYesu caali ampi necibuga; erate ebbaluwa yandiikibwe omulwebbulania, namuluyonaani n'omululuumi. ²¹ . Abakabona abakulu aba bayudaaya nibakoba OPilaato ati otawandiika nti omukama wa bayudaya baitu wandiika nti oyo eyekobere nti ninye omukama wa Bayudaaya. ²² . OPilaato nairamu nakoba ati cempandiikire nico cempandikire. ²³ . Abajwaaka nibamaare okukoneera OYesu okumusalaba mbatwala ebizwalo byamwe nebabigereka omumiteko inai, buli mujwaaka nafunaku omuteeko gumwe gumwe nekanzu, yamwe etatungibwa nga yalukiibwe mbbe okuzwa aiguru nka ndomu lutungo . ²⁴ . Abajaka nibakoba bati; tuleme okugikanulamu akiiri, tujikubbire kalulu tubone naani eyabba omukama wajjo; ecyawandikibwa leke ciikire, ekikoba citi,” Bagabaine ebizwalo byange, Aate te akalulu ecokuzwaala ecange, Abajwaaka ne bacisemba. ²⁵ . Baitu omukifo omusalaba gwa Yesu jegwaali omawaamwe n'omuganda wa mawamwe, OMalyamu Yokaana omukakuloopa n'OMalyamu Magadaleeni baliwo nka bemereire. ²⁶ . OYesu niyabweine omawamwe nomwegeresya gwe yasinganga okwendya, nka bemereire ampi, nakoba omawaamwe ati; omukyala bona omwana waamu! ²⁷ . Oluzwanyuma nakoba omwegeresya ati omwana bona omaawo okuzwa omukisera eco omwegesya wamwe natwala oyina wamwe ewamwe omumaka. ²⁸ . Ebyo mbyaweirre OYesu neyetejja ati ebintu byoona bbyoona bimaare okwikiira ekyawandikiibwe ciikiire, nakoba ati nkura mallo. ²⁹ . Walowo awo ekibabya nka kizwire omwenge ogukatuuki, nibamaare nibainika ekanzu omumwenge ogukatuuki nibakita okulusale olwa hisoofu nebacita oku munywa gwa Yesu nanywa. ³⁰ . OYesu niyamaare okunywesebwa omwenge nakoba ati kiweire nainamya omutwe nnawaayo omwoyo gwamwe. ³¹ . Olwakubba caali ciro cakutekateka, Abayudaaya nka tibakwendya mirambo gibbe okumisalaba okuciro ca sabiiti kubba eciro ca sabbiiti cabanga cikulu muno, nebasaba OPilaato abaikirize babamenye amagumba leke basobole okubawanula okumusalaba. ³² . Abajwaaka nibaizza nebamenya eyekereire amagulu nibaira nebamenya amagulu, amagulu ga wakabiri nka abakomerwe awamwe no Yesu. ³³ . Baitu nibaizire edi OYesu, nibabona nnga amaare okufa nibatamumenya magulu. ³⁴ . Baitu omujwaaka omwe namusumita ensumu omulubirizi, amangu ago omusaayi namaizi nega senseka. ³⁵ . Oyo eyabweine, kini nacikakasa ati obujurwa bwamwe bwamazima. Amaite nka byasimola byamazima wena okiriizze. ³⁶ . Kubba ebintu bini byabairewo olwa kwiciirya ebyawandiikibwe ebikoba biti talimenyebwa e3igumba. ³⁷ . Erate ekyawandikiibwe ecindi kikoba citi balimubona gwebasumitire. ³⁸ . Ebyo nibyaweire OYusufu owe Alimasaaya eyali omuyigirizwa wa Yesu naye nka mungiso olwa kutina abayudaya neyegayiira. OPilaato naikiriza naiza naguwaamulayo omulambo gwa Yesu. ³⁹ . No Nikoodemo naiza (eyekereire okwiiza jaali obwiire) yali aletere elatiri amakumi asattu ebitabule ebyanuimbo nakaloosa era nka Abayudaaya mbakola omukuziika. ⁴⁰ . Nebawanulayo omulambo gwa Yesu, mbaguzinga omugoye ezeeru no buloosa erate nka episa zabayudaaya nibakola omukuziika. ⁴¹ . Omukifo webakomereire OYesu waliwo olusuku, erate omulusuku omwo mwalumu amagombe agayaaka nka tigatebwangamuku mulambo. Yokaana ⁴² . Nolwokubba caali ciro cakutekateka sabiiti eyabayudaaya, (erate nka na magombe gaali ampi awo) OYesu nibamuta omwo.