¹ OYesu niyamare okukoba ebyo; naimulla obwenyi amaiso nagarorya aiguru omwiguru nakoba ati: eciseera ciikiire, oyoleeke abantu ecitinisyacyo mwana waamu,no mwana asobolle okuboleeka ecitinisya caamu . ² . Nka niwa muwaire obuyinza oku bantu boonaboona, erate aweerye obwoomi obutawawo abo bonabona be wamuwaire, ³ . Buni nibwo bwomi obutawawo, okukweitejja we OKanca owamazima, noyo gwe wantumire, OYesu Kristo. ⁴ . Nje nkubangiriza okunsi, kubba omulumo gwe wampaire okukola ngumalirirye. ⁵ . Ai Tata wange naati nbangiriza ecitinisya cange muwe, necitinisya ce naali nacco amwe naawe ng'ensi ecaali kubbawo. ⁶ . Abo be wampaire okuzwa omunsi nabamanyisirye eibala ryamu. Baali bamu nobamperya aate bona bakwaite ecigambo caamu . ⁷ . Aati buni bategyerye ati byoona byoona bye wampaire bizzwa jooli. ⁸ . Kubba ebigambo byewampaire mbibakobeire, nibabikiriza, nibetejja amazuma nti oliyo, ne baikiriza nka niwe wantumire. ⁹ . Njje nkubasabira abo; tinkusabira nsi wabula bo be wampaire kubba baamu. ¹⁰ . Aate ebyaange byonabyona byaamu, n'ebyaamu byange njeena mubyo nipeebwa ecitinisya jeballi. ¹¹ . Aate ati nkwiiza jooli, tincaali munsi, baitu bo bacaali munsi, Taata omwikiriiri, obakumenge omwibara ryamu be wampaire, babenge bumwe, nka iswe. ¹² . Ninaali nabo be wampairre nabakumiire omwibara ryamu. Aate nabakumire watabawo nomwo akubulla okwiiyaku ngo omwana wakubula; ebyawandiikibwe ebikirire. ¹³ . Aati nkwiza jooli, nabini nkubisimola omunsi leeke babe nokusemererwa kwange nka kwiikirire omu bo. ¹⁴ . Mbawayire ecigambo caamu; Aate ensi ne bacaawa, kubba tiba nsi nka njje bwe ntali wa nsi. ¹⁵ . Tinkukusaba we okubatoola mu nsi, wazila obakumenge mu bubi. ¹⁶ . Tibansi, nka nje nintaliwa ku nsi. ¹⁷ . Beruucce namazima; Ecigambo caamu mazima. ¹⁸ . Nka niwantumire omunsi njeena ntyo nimwo nabatumire omusi. ¹⁹ . Aata nje newaireyo oku lwaabwe,leeke boona abenyini beweeyo omu mazima. ²⁰ . Neco tinasabiire banni bonkai, baitu naabo abanyikiriza olwacigambo caabwe. ²¹ . Bona boona babengge kitolle nka wee, oitange bwoba omu nje, njeena nimba omuwee bona babbe omwiswe, leke ensi eikirize nka niwee wantumire. ²² . Njjeena ekitinisya kye wampayire nkibawaire, babenge bumwe nka iswe nituli obumwe. ²³ . Nje mbabemu weena obe omuje, leeke olwo babere kimwe ekitole; ensi yeitejje nka niwe wantumire, ate batakengganne nka niwantakirre ²⁴ . Taata, cenegomba nico okubba aamwe nabbo bewampaire, ejendi, leke babone, ekitinisya cange ce wampayire; kubba wantakirre nka ensi ecaali kutondebwa. ²⁵ . Taata omwikiiriri, ensi tiyakwetejjerrye, baitu nje nakwetejjerrye; nabanni bakwetejja nka niwe wantumirre. ²⁶ . Aate nabamanyisirye eibara ryamu erate nkyamanyisya, okwendya kwe wanyenderye kubabengemu, njena mbabengemu .