¹ Omutima gwanwye guteralikiranga; mwikwirize OKanca, erate nanje munyikirize. ² . Omunyumba yaitange mulimu ebifo bingi ebyakubamu. Singa tikirikityo nandibakoboire; lwakuba nkwaba okubatekeratekera ekifo. ³ . Erate oba nga nkwaba okubatekeratekera ekifo, ndira nimbatwala jjendi; nje jjendi, naywe mulibaayo. ⁴ . Baitu egyenkwaba, enzira mugimaite. ⁵ . OTomasi namukoba ati mukama waiswe, tetukumanya egyokwaba; enzira tugimaite tutya? ⁶ . OYesu namukoba ati ninje nzira, namazima nobwomi; Ndoowo aika egitange, nga tayakaire munje. ⁷ . Singa mumaite, noitange mwandimwetegyerye; okwekera nolwaleero mumwetegye era mumubone. ⁸ . OFiripo namukoba ati mukama waiswe, tulange oitaswe, ekyo kyamala. ⁹ . OYesu namukoba ati kasokede mbananywe, ebiro ebingi bityo tomanyanga, Firipo? Aboine okunje, yaba aboine oitange; kiki ekikubabazisai tulange oitaiswe? ¹⁰ . Toikiriza nje nka ndimwitange, noitange nga ali munje. ¹¹ . Mwikirize nga nje ndimwitange noitange ali muninje: Oba munyikirize olwamirimo zonkai. ¹² . Ddala nkubakoba nti Aikiriza emirumo nje egyenkola, yena aligikola; erate alikola egisingaku obwingi; kuba nje nkwaba egitaange. ¹³ . Buli kyemwasabanga omwibara lyange, nkwiiza kubaweryanga, oitaange agulumizibwenge omu mwaana wamwe. ¹⁴ . Nimwasabanga ekigambo omwibara lyange, nakikolanga. ¹⁵ 15. Oba muntaka, mwakwatanga ekirangiro kyange. ¹⁶ . Nanje ndisaba oitaage, erate alibawa omuyambi owondi, abenga nanywe emirembe n'emirembe. ¹⁷ . Omwoyo wamazima, ensi ogwagaana okwikiriza; lwakuba timukibona, era timutegera: nywe mumutegeera. Lwakuba aba egyemuli, era yabanga mwiswe. ¹⁸ . Tindireka abamulekwa, ndiira egyemuliba. ¹⁹ . Esigaire ebiro bidoli, ensi obutambonaku; lwakuba nje ndimwomi nanywe muliba boomi. ²⁰ . Okulunaku olwo mulitegera nga nje ndi mwitange, nanywe muliba muninje. ²¹ . Ali nebiragiro byange, nabikwata, oyo aba anyendya. Anyendya, yena yayendebwanga OItange, nanje namwendyanga, namubonekeranga. ²² . OYuda atali Isakalyotti, namukoba ati mukama waiswe kibaire kityai uwe okutubonekera iswe nka ti nsi. ²³ . OYesu nairamu namukoba ati omuntu nantaka, yakwatanga ecigambo cange, noitange yamutakanga ate twayabanga jaali, twaikanga naye. ²⁴ . Atantakka, takwatta bigambo byange; necigambo ecemuwura ticange, naye caitange eyantumire. ²⁵ . Ebigambo ebyo mbibasibirire nka nkyali nanywe. ²⁶ . Baitu omuyambi, omwoyo omwikiriri, oitange ogwalituma omwibara lyange, alibegesya byoona byoona, ate alibaizukirya ebyebakooba. ²⁷ . Emirembe akubagirekera, emirembe jange nkugibawa; tinka ensi nebawa, nti nje nimwo mbawa. Omutima gwanywe tigweralikiranga, so mutatina. ²⁸ . Muwulire nka nimbakobeire ati nkwaaba, erate nkwiira ejemuli. Singa munyendya, mwandisemererwe olwakuba nkwaba edi oitange asinga obukulu. ²⁹ . Aati kambakobere nka cicali kubawo, niciribawo nimwo mulikirizza. . ³⁰ Tincasimola muno nanywe; Olwakubba afuga ensi akwiiza; tandiku cigambo. ³¹ Baitu ensi yetegye nka nyendya OItange, erate OItange nka niyandagire, ntyo nimwo nkolla. Mwimuke tuzwe ani, twaabe. Yokaana