¹ . Awo nizaali nka zisigaireyo enaku omukaaga okwiika kumbaga ya kwakalaku, OYesu yaizire e Bessaniya, awaali OLazaro, OYesu gweyayimbokerye mubafire. ² . Nebamusumbira emere eyacaigolo: OMaliza namusosyotera eceigolo, OLazaro yena niye omwei kwaabo beyaikaire nabo okumere. ³ . Awo OMalyamu nairira omuzigo ogwa kawowo akaingi atenga gwa beei muno nagumusiga okumagulu ga Yesu natotya amagulu gombi nagasimula neisokke ryamwe, enyumba neizula akawowo kaingi. ⁴ . Baitu OYuda Isakalyoti, omwe kubegeresya bamwe, eyali akumulyamu olukwe, namukoba ati. ⁵ . Cici ecibalobeire okugatundamu amafuuta ago, ogaiyamu edinali ebikumi ebisattu, nogabira abooro. ⁶ . Yasimoire atyourumirwa abooro, naye olwakuba yali mwiibi, yaali mukwati wansawo, eyakwatanga ebibamukikisirye. ⁷ . OYesu nakoba ati omukali mumuleke, agubiike okwiica okulunaku olwakuzikibwa kwange. ⁸ . Kubba aba-ooro muba nabo ebiro byonna, naye nje timuba nanje ebiro byonna. ⁹ . Abuyudaaya baigi nibawura nka OYesu nalli Ebesaniya nibaba nka tibakubona Yesu yenkai, baitu nokubona Olazaaro, OYesu gwe yayimbookerye omubaffu. ¹⁰ . Baitu abakabona abakulu ne bamusara amagezi bamwite amwe no Lazaalo. ¹¹ . Kubba okulwamwe baingi oku bayudaya ababazwangaku, ne bayikiriza OYesu. ¹² . Okulunaku olwakabiri ecibura ecikoto kubabaire baizirre okumbagga, nibawulire nti OYesu akwiza omu Yerusaalemi. ¹³ . Ne batwala ensansa ze enkindu ne baaba okumwajangana, nibasimora waiguru bati "Ozaana; awereibwe Omukisa akwiza omwiibara rya mukama, wa Isiraeli". ¹⁴ Baitu OYesu niyabweine onyana wa ndogoi, nagyebagalaku; nka bwe cawandikibwe ati. ¹⁵ . Totina, omwala wa Sayuni; Omukama wamu akwiza, nka yebagaire omwana gwa ndogoyi. ¹⁶ . Ebyo abegeresya bamwe tibabitegeire okwekera : naye niyamare okubangirizibwa olwo nibaizukira nka byamuwandikibweku, bamukole batyo. ¹⁷ . Awo ecibuura ecaali naye neyayetere OLazaalo okuzwa omumagombe ne yamuyimbokerye omubaffu nebaaba bajurwa bebyo bye yakoore. ¹⁸ . Aate ecibuura nico cazwiire nicaaba okumutangarana, kuba bawulire nka niyakore akamanyiso ako. ¹⁹ . Awo Abafalisaayo nibasimoragana nti mubone bwe mutali nece mugasire bona ensi zonazoona; zonna zimusengerye. ²⁰ . Baitu omwabo abayabire okumbaga okubangiriza, mwalimu abayonani. ²¹ . Abo nebaaba edi OFiripo, eyazwire e Besusayida ece Ggaliraaya ne bamubulya, nka bakukoba bati ssebo, tukwendya okubona OYesu. ²² . OFiripo naiza edi Andereya namukobera, Adereya nayiza, no Firipo edi OYesu nebamukobera. ²³ . OYesu nairamu, nakoba ati obwire bwikire, omwana wa muntu abangirizibwe. ²⁴ . Mazuma nkubakobera ati akapeke akangaano nikatagwa oku itakali ni kaffa, kabawo bwe goloigolwe, baitu ni kaffa kabala emere jiingi. ²⁵ . Ayendya obwomi bwamwe bumubulaku, baitu atabwendya alibusigalya okwica ku bwomi obutawawo. ²⁶ . Omuntu bwa mpereza ansengeryenge; njena jendi, omuwerezza wange abengeeyo: omuntu bwa ampeereza, oitange alimuwa ecitinisya. ²⁷ . Atibuni omwoyo gwange gweralikiriire ale nkobe ntyai? Nkobe ati tata mponya, ebiro bini? Nikyo ekyandeteserye leeke eciro cini cimpikeku. ²⁸ . Oitange, Taata banjuuriza eibara lyamu. Awo eiraka nirizwa omwiguru, ati ndibangirizza, eibara lyamu awo eiraka nizwa omwiiguru ate ndibangiza ate ndibangirizza. ²⁹ . Awo ekibinja ecaali cemereire awo, necawulire nicikoba ati Yokaana kubaire kubwatuka kwakagoro. abandi nibakoba bati ati OMalayika niye asimwooire. ³⁰ OYesu nairamu nakoba ati eiraka linu tirizire ku bwange,baitu ku bwanywe ³¹ .Atibunu ensiekusaarwa omusango; omukulu wa nsi enu yapekerwa enzai. ³² Nanje nindiwanikibwa oku nsi, ndiwalula jendi boona boona ³³ Naitu yasimoire atyo,nka akulanga okufa nikulibba kwa kwaaba okufa. ³⁴ . Awo ecibina ne cimwiramu citi titwawulire omumateka ati OKristo abengewo ebiro byona byona; baitu we ekikukobesya ati omwana wa muntu kimusanire okuwanikibwa? Omwana wa muntu oyo niye nani? ³⁵ . Awo OYesu nabakoba ati wacasigaireyo ebiro bitono eisana nka licaali jemuli. Mutambulle nka mucaali ne eisana, ekirikirya kireme okubasanga omumuwanda; atambura mukirikirya tamanya jakwaba. ³⁶ . Nimucaali nomusana mwiikirize omusana, leeke mufulibwe abaana ba isana. OYesu bwe yamare okusimola ebyo, nazwawo nayaba nabekwekkaku. ³⁷ . Gonze nka yakore obumanyiso bwingi obwenkanawo omu maiso gabwe, tebamuikirize. ³⁸ . Ecigambo cya omulangi OIsaya cicire, eciyasimoire ati Kanca, nani eyaikirize okusimola kwaiswe? Erate omukono gwa Kanca guswekulirwe nani? ³⁹ . Nico balemerwe okusobola okwikirzza, kubba OIsaya yasimoire ati: ⁴⁰ . OKanca Yabaigaire amaiso, nabakakanyalya omyoyo leeke, balemwe okubona gonze nokumanya n'omumwoyo bayinduke, ndyooke mbalamye. ⁴¹ . OIsaya nibyo ebyasimoire, kubba yaboine ecitinisya ca Yesu ate namusimoolaku ⁴² . Gonze baingi nabakulu abamwikirize naye olwa kutina abafalisayo eco tincisimolangaku mulwatu, kubba batiinanga okubapekka omu makunganiro. ⁴³ . Kuba bayenderye okusimibwa abantu okusinga okusimibwa oKanca. ⁴⁴ . OYesu nasimora aigguru ati anyirikizza nje nje, tayikirya njekkai, baitu noyo enyantumire. ⁴⁵ . Ate ambona nje oba ambonna eyantumire. ⁴⁶ . Nje naizire mbe eisaana eryensi Isanalyansi, buli muntu anyikiriza nje atabanga muciricirya. ⁴⁷ . Omuntu nawura amauro gange, natabikwate, nje timusara musango, kuba tinaizire kusara nsi misango, okwiyaku okwindula ensi. ⁴⁸ . Angana nje, nataikiriza bigambo byange, ndima alimusara omusango; ebigambo bye nasimoire nibyo biri musara omusango okulunaku olwensobo. ⁴⁹ . Kubba tinabisimoolanga kubwange, baitu oyitange eyantumire niye yandagiranga byentekwa okusimoola . ⁵⁰ . Njena mmaite nka ecirangiro caamwe ca bwomi obitawawoo bwamijo na ; Yokaana Aale njeena ebyensimola, oitaange nibyo byaaba ankobere akobere okusimola.