¹ Ndyemeera we nkuumira ne neteeka oku kigo, era ndyetegereza kusai okubona kyalinkoba nengeri endira okwemulugunya kwange. ² O Mukama yanyiiremu nakoba,"wandiika okuswekuurwa kunu, okuwandiike kusai oku bipande ale oyo alikusoma airuke. ³ Okuswekuurwa kwa biro bya mumaiso erate enkomeero kulisimoola ate tekuliremwa.Gonze kulwirewo,kulindiirye.Nkakasa kuliiza ate tekulirwaawo. ⁴ Bona! okwendya kwamwe tikusai edi ye okuba omulongooki.Baitu omwikiriiri alibaawo olwa kwiikiriza kwaamwe. ⁵ Omwenge gulyazamaanyi edi omusaiza omusirusiru moto olwakuba tagwewala,naye agaziya okwendya kwamwe nka magombe ate nk'okufa,taikuta.Yekumbaniryaku amaanga ni yekumbaniryaku abantu boona boona. ⁶ Binu byoona tibirimukolaku ensimoola nolwembo,olukoba nti,zimwagirye oyo ayongera okwebyo ebitali byamwe!Olimala ebbanga ki okwongeraku okubuzito obwamabanza ge watwaire? ⁷ Abo abakusekeera tibaliimuka,naabo abakutiinisya?Oli fluke musibe waabwe. ⁸ Olwakuba wanyagire abantu baingi,nebitundu ebya bantu ebifikirewo birikunyaga.kubanga wamansirweku omusaayi gwa bantu noiza obutali bwiikiriiri oku nsi,oku bibuga,nokwaabo boona ababibaamu. ⁹ Zimwagirye oyo eyekoora amagoba again omu nyumba yaamwe,ale ayomboke enyumba yaamwe aiguru okwekuum kusai omu mukono gwa Babbi. Oizwiirye okuswaala omu nyumba yaamu olwa kwekutulaku abantu abaingi,era osisire we. Amabbaale galikunga okuzwa omu kimante,nobusolya bwa mbaawo bulibanukula, ¹² Zimwajirye oyo ayomboka ekibuga nomusaayi,erate agumya ekibuga nobutali bwiikiriiri. ¹³ Tikyazwiire edi OMukama wa Iye abantu okwekumira omuuro na maanga agandi okweyoyerya ebitaalumu? ¹⁴ Olwakuba ensi eriizula amagezi aga kitinisya kya Mukama nka amaizi ni gasaaninkira enyanja. ¹⁵ Zimwajirye oyo akaka abalirwaana baamwe okunywa,obalanga obusungu bwaamu nobafuula abatamiire olyoke obone obwerere bwaabwe. ¹⁶ Oliizula ensoni omu kifo kya kitiibwa.Ati gunu nigwo mukundi gwaamu!nywa,olyoleeka obutali bukomole bwaamu! Ekikopo omumukyeno gwa Mukama ogulyo okwiiza oku kwetoloola we,nekikolimo kirisweeka ekitiinisya kyaamu. ¹⁷ Obutali bwikiriiri obwakoleibwe oku Lebanooni kulibasaninkira no kusaanyaawo okwa bisolo ebyabatiinisyanga.Olwakuba mwamansirweku omusaayi ogwa muntu ni mukola obutabanguko oku nsi,oku bibuga,noku boona boona ababibaamu. ¹⁸ Kigasa ki ekibaize?Eji Oyo eyakibaizire,ekyoma ekisanuule nomwegesya owa bubeyegi bigasa ki?Asinza mirimu zamikono zamwe niyekora obukatonda obudooli. ¹⁹ Zimwagirye oyo akukoba enkwi,nti imuka!Oba eibaale erisirikire ,nti imuka! Ebintu binu byegesya?Bona,biizwiire zaabu ne feeza,baitu tibirumu mwiika. ²⁰ Baitu OMukama ali muyekaalu yaamwe!sirika omu maiso gaamwe,ensi yoona yoona.