¹ Abaana abato, muwurenge ababyaire baanywe, omukama waiswe, kubba nikyo kituufu. ² " owanga ekitinisya oiteewo no mawoo" ( niryo iteka erisooka eririmu okusuubiza) ³ "Leke obeenge musai, era owangaalenga ennaku zingi okunsi" ⁴ Nannywe, abaitaabwe, temusunguwaalyanga baana baanywe, baitu mulerenge abaana omu kangavula no mukubuuliriranga kwa mukama waiswe. ⁵ Abairu, muwuurenge abakama baanywe omubiri nka mulina okutiina, nokukankana, emyoyo gwaanywe nga tegulimu obukuyikuyi nka OKristo, ⁶ Ti nka omukuweereza kwa kuruguru, nka abendya okusiimbwa abantu; baitu nka abairu ba kristo, nga mukolanga n'omwoyo oKanca byayendya. ⁷ Muweerezenga nokwendya, ngabawereza omukama waiswe tii nka abantu, ⁸ Nka mumaite oti buli muntu ekisai kyakola, kyaliweebwa yete adi omukama waiswe, oba omwiru wa mirembe. ⁹ Nanywe, abakama mulekenge okutinisyanga mumaite nti omukama wabwe erate wanywe ali mwiguru, nka ndowo kwawulamu bantu gyali. ¹⁰ Ekisembayo, mubenge namani omukama waiswe no mubuyinza, obwamani gamwe. ¹¹ muzwale ebyakulwanisya byona ebya kanca, leke musobole okwemerya edi enkwe za setaani. ¹² Kubba tetulwanagana na musaayi na mubiri, wabula n'abaamasaza, n'abobuyinza, n'abafuga zabubbi omubito ebya iguru ¹³ Kale kulwanisya byoona byoona ebya kanca mulyooke musobole okuguma oku lunaku olubi, erate nimulimara okukola byona musole okwemera. ¹⁴ kale mwemerenge, aka mwesibire omunkende zaannywe amazima, e a nka muzuwaire ekya mukifuba obwikiriire. ¹⁵ Erate nka mwenanikire omu magulu okweteekateeka okw'enjiri eyamirembe. ¹⁶ Erate okubini byona byona nka mukwatireku engabo yakwikiriza, eyabasobolesya okulikirya obusaale bwonna obwamuuro gwabubi. ¹⁷ Muweebwe ne nkofiira eya yabwikiriiri, nekitala ek'omwoyo, nikyo kigambo kya kanca. ¹⁸ Musabenge buli kiro om'woyo nokusaba nokwegayiriranga kwonna, mulolerenge nokugumiikiriza nga musabiranga abayikiriri bonna. ¹⁹ Nanje munsabire buli lwe naswekulanga omunwa gwange leke mpeebwe okubazza, okubavoobera namami ekyama kya' njiri. ²⁰ . Eyo njje jemba omubaka waye omu lusegere; mbaazenge namanni nga bwe kisanire okubazzanga. ²¹ Baitu nannywe mulyoke mumanye ebisa wendi mbiri, otukiko, ow'oluganda omusai erate omuweereza omwesigwa omu mukama waiswe alibabakoobera byonna. ²² Mbaramukirye gye muli olwansonga enu, leke mumanye ebifa gyetuli, erate asanyuse emitima gyannywe. ²³ Emirembe zibenge edi abaluganda, nokwendya aamwe nokukiriza ebizwa edi okanca oyitaijwe no mukama waiswe Oyesu kristo. ²⁴ Ekisa kibbenge nabo boona boona abendya omukama waiswe oyesu Kristo n'okwendya okutali kwabukuusa.