¹ OPaulo, omukwenda wa kristo OYesu olwakutaka kwa Kanca edi abakiiriri abali omu Efeso nabakiriiri omu Kristo. ² Ekisa kibbenge jemuli no buculeri ebizwa edi oKanca otaiswe no Mukama waiswe OYesu Kristo. ³ Yebalibwe oKanca oitaamwe wa Mukama waiswe, OYesu Kristo, eyatuwaire omu Kristo buli mukisa gwonna gwonna ogwa mwooyo oguzwa omubifo bya mwigguru; ⁴ 0lwakubba yatuiondere omu ye nka ensi ekyaali kutondebwa, iswe tubbe abaikiriri erate obutabbaku kyakunenyezibwa. ⁵ Yatwawire irai omukwendya kwaamwe okubba abaana baamwe okwakala omu Yesu Kristo, nka niyasimire olwakuteesa kwaamwe,. ⁶ . Ekitinisa kyaamwe leke kyangirizibwe, kye yatuwaire mbbe om’oyo onganzi waiswe. ⁷ . Omuye tubba no kuyungibwa okwakala omu musaayi, gwaamwe, okusonyiyibwa ebibbi byaiswe, nka obuguuda bwa’kisa kyaamwe nikiri, ⁸ kitumbisibwa jetuli omu magezi gonna gonna no kwetejja kwonna. ⁹ Olwakubba yatumanyisirye omu magezi nokwetejja ekyama ekya’kwendya kwaamwe nka niyasiimire yenkai okuzwa okuntekateeka jeyategekere eyaali omu Ye. ¹⁰ Entegeka ezaikirire omubwiire bwazo, okugaitira amwe ebintu byonna byonna omu Kristo, ebiri omwigguru nebiri okunsi ¹¹ Omu oyo isweena nimwo tufookera abasika, ni twayawuulibwe eirai omu kumaliriira kwo oyo akola byonna byonna nka nakwendya omu kuteesa kwaamwe, ¹² Iswe abaasokere okusuubira omu Kristo, tulyoke tubbewo olwa kulangiira ekitinisya kyaamwe. ¹³ Omu oyo nywena nywena, nimwawuliire ekigambo ekya’mazuma enjiri yakucunngura nokwikkiriza kwe mwaikirize, mwatekeibweku envumbo eya omwooyo omwikiriiri eyasuubiziibwe. ¹⁴ . Oyo nigwo musingo gwa busika bwaswei, okwikya ekika kya Kanca lwekiri kyungulwa, ekitinisya kyaamwe kyangirizibwenge. ¹⁵ Ninawulire okwikiriza omukama waiswe oYesu okuli omunywe nywena elate kwemulanga abaikiiri bwonna bwonna, ¹⁶ nikyo nzwire ntalekangayo kwebalya, nka mbasimolaku omu kusaba kwange: ¹⁷ OKanca wa Mukama waiswe oYesu Kristo, oitaiswe owa kitiinisya, abawerye omwooyo gwa’magezi no gwo’kuswekururwa omu kumwetejja Ye. ¹⁸ Nka mu mulisibwanga amaiso ga myooyo janywe; ale nimweejja essuubi eryakweta kwaamwe ni liri no buguuda obwa kitinisya ekya busika bwaamwe omu baikiiri ni buli, ¹⁹ bayitu no bukulu bwa’maani gaamwe agasinga omuno edi iswe abaikkiriza ni buli, nka obuyinza obwa’maani gaamwe ni bukola, ²⁰ ago geyakoleserye omu Kristo, ni yamuyimbokerye okuzwa omu bafu, namwikalisya oku mukono gwaamwe ogulyo omu bifo ebya mwigguru, ²¹ waigguru muno okusinga okufuga kwonna kwonna no’buyinza na’maani no bwaami na buli ibara eryatulwa ti mu miijo gini gyonkai baitu no mu miijo ejikwaaba okwiiza. ²² Erate natta byoona byoona ansi wa’magulu gaamwe, namutaawo okubba omutwe oku byonna byonna edi ekkanisa, ²³ Nigwo mubiri gwaamwe, okwikirira kwaamwe oyo akiriirya byonna omu byonna.